¹ Satalah karusuhan tu barakhir,Paulus mangundang para murid,jongon satalah manguekkan hati sidak,inyo bapamitan jongon sidak jongon pai manuju ka Makedonia. ² Satalah inyo manalusuri wilayah-wilayah di sinun jongon mangagikan kapado sidak banyak nasihat,inyo sampe di Yunani. ³ Jongon,di sinun Paulus tingga salamo 3 bulan.Karano urang-urang Yahudi mambuek pasengkokolan untuk malawannyo katiko inyo hendak balayar ka Siria,inyo mamutuskan untuk kambali lewat Makedonia. ⁴ Paulus dikawani oleh Sopater dari Berea,anak Pirus,oleh Aristarkuhus jongon Sekundus,dari Tesalonika,samo Gayus dari Derbe,samo timotius,serta Tikhikus jongon Trofimus dari Asia. ⁵ Sidak barangkek labih dulu jongon sadang manunggu kami di Troas, ⁶ tatapi kami balayar dari Filipi sasudah Hari Raya Roti Indak Baragi,jongon datang kapado sidak di Troas dalam 5 hari,di sinun kami tingga salamo 7 hari.Kunjungan Paulus na Tarakhir di Kota Troas ⁷ Pado hari minggu partama tu,katiko kami sadang bakumpu basamo untuk mamacahkan roti,Paulus mangeccek kapado sidak karano bamaksud untuk barangkek pado hari barikutnyo,jongon inyo mamparpanjang pesannyo sampe tanga malam. ⁸ Ado banyak lampu di ruang ate,tampek kami bakumpu. ⁹ Jongon,di sinun ado pamuda banamo Eutikhus sadang duduk di jandela jongon tanggalam dalam tidu na lelap.Lalu,samantaro Paulus tarus mangeccek dalam waktu na lamo,inyo samakkin tanggalam dalam tidu jongon jatuh dari lante katigo jongon diangkek dalam kaadaan ala mati. ¹⁰ Namun,Paulus turun lalu marebahan diri ka atenyo,jongon mamaluknyo,serta mangeccek,"Jangan ribut karano nyawanyo masih ado didalam inyo." ¹¹ Katiko Paulus kambali naik,lalu mamacahkan roti jongon makkan,inyo mangeccek kapado sidak dalam waktu na lamo,sampe subuh.Satalah tu,inyo barangkek. ¹² Sidak mambaok pamuda tu pulang dalam kaadaan hidup maraso sangat tahibur. Parjalanan dari Kota Troas ka Kota Miletus ¹³ Namun,satalah pai labih dulu ka Kapal,kami balayar ka Asos jongon maksud manjaput Paulus di sinun karano inyo ala marancanokannyo damikian,inyo sandiri bamaksud pai ka sinun jongon bajalan kakki. ¹⁴ Jongon,katiko inyo batamu jongon kami di Asos,kami manjaputnyo,lalu pai ka Metilene. Satalah balayar dari sinun,kami sampe pado kaasekan harinyo di Khios.Hari barikutnyo,kami mandakkei Samos,jongon sahari kamudian kami sampe di Miletus. ¹⁶ Sabab,paulus ala mamutuskan untuk balayar malewati Efesus supayo inyo indak manghabiskan waktu di Asia karano inyo bagegas sampe di Yerusalem,kok mamungkinkan,pado hari Pentakosta.Paulus Mangeccek kapado panatuo Efesus ¹⁷ Dari Miletus,Paulus mangutus urang ka Efesus jongon manyurus paro panatua jemaat datang kapadonyo. ¹⁸ Jongon,katiko sidak datang kapadonyo,inyo mangeccek kapado sidak,'Kau sandiri tau,maccam mano ambo hidup di antaro kau sapanjang waktu,sajak hari partama ambo manginjakkan kakki di Asia, ¹⁹ sambi malayani Tuhan jongon sagalo karandahan hati,samo jongon a'i mato,samo pancuboan-panmcuboan na manimpa ambo malalui pasengkokolan urang-urang Yahudi, ²⁰ Maccam manahan diri untuk mambaritokan kapado kau sagalo sasuatu na baguna jongon mangajar kau di mukko umum samo dari rumah ka rumah, ²¹ basungguh-sungguh mangagi kasaksian,elok kapado urang-urang Yahudi maupun urang-urang Yunani,tantang partobatan kapado Allah jongon bariman kapado Tuhan kito,Yesus Kristus. ²² Jongon kini,lieklah samo diikkek oleh Roh ambo sadang dalam parjalanan ambo ka Yerusalem,tanpo tau apo na akan tajadi kapado ambo di sinun, ²³ kacuali bahwa Roh Kudus basaksi jongon sungguh-sungguh di satiok kota kapado ambo bahwa pinjaro jongon siksaan ala manunggu ambo. ²⁴ Namun,ambo indak manganggok hidup ambo baharga bagi diri ambo sandiri sahinggo ambo dapek manyalesekan tugas ambo samo palayanan na ambo tarimo daro Tuhan Yesus,yaitu untuk basaksi jongon sungguh-sungguh tantang Injil anugerah Allah. ²⁵ Jongon kini,lieklah,ambo tau bahwa indak ado di antaro kau,na kapado kau ambo bakaliling mambaritokan karajaan,akan maliek wajah ambo lai. ²⁶ Karano tu,ambo basaksi kapado kau hari ikko bahwa ambo indak basalah ate darah kau sadonyo. ²⁷ Sabab,ambo indak manahan diri untuk mambaritokan kapado kau sadonyo rancano Allah. ²⁸ Jagolah diri kau sandiri jongon sadonyo kawanan,na atenyo Roh Kudus ala manjadikan kau pangawas untuk mangambalakan jemaat Allah,na ala Inyo paroleh jongon darah-Nyo sandiri. ²⁹ Ambo tau bahwa satalah kabarangkatan ambo,sarigala-sarigala buas akan datang di antaro kau,indak manyayangkan kawanan tu. ³⁰ Jongon,dari antaro kau sandiri akan bangkkik urang-urang na mangeccek tantang hal-hal manyesatkan murid-murida dari sidak. ³¹ Oleh karano tu,bajago-jagolah,sambi mangingek bahwa siang jongon malam,salamo 3 tahun,ambo indak baranti mamparingekkan kau masing-masing jongon a'i mato. ³² Jongon kini,ambo manyarahkan kau kapado Tuhan jongon kapado firman anugerah-Nyo na sanggup mambangun kau jongon mangagikan kau warisan di antaro sadonyo urang na dikuduskan. ³³ Ambo indak manginginkan perak,ato emas,ato pakkean siapo pun. ³⁴ kau sandiri tau bahwa tangan ikko malayani kaparluan ambo jongon sidak na basamo-samo jongon ambo. ³⁵ Dalan sagalo hal,ambo ala manunjukkan kapado kau bahwa jongon bakarejo kare sakiro cara ikko,kito harus manolong na lemah jongon mangingek pangececcean Tuhan Yesus,bahwa inyo sandiri mangeccek,'Labih barbahagia mangagi daripado manarimo.'''' ³⁶ Jongon,katiko inyo ala mangatokan hal-hal tu,inyo balutut jongon badoa basamo sidak sadonyo. ³⁷ Lalu,ado banyak tangisan di antaro sidak sadonyo jongon sidak mamaluk lihi paulus,serta manciumnyo, ³⁸ sidak basedih bana,tarutama karano kata-kata na inyo katokan bahwa sidak indak akan maliek wajahnyo lai.Lalu,sidak mangawani Paulus ka kapal.