¹ Dari Paulus, rasul Yesus Kristus nan dipilih oleh kahandak Allah sasuai jongon janji kahidupan nan ado dalom Yesus Kristus. ² Untuk Timotius, anak nan terkasih, anugrah, baleh kasih, dan damai sejahtera dari Allah, ayah dan Yesus Kristus, Tuhan kito. ³ Ambo senantiasa basukkur kapado Allah, nan ambo layani jongon hati nurani nan bersih maccam nandipue oleh nenek moyang ambo, saat ambo manginge kau dalom doa-doa siang dan malom. ⁴ Katiko ambo manginge aimato kau, ambo nanda malie kau supayo panuh sukocito ambo. ⁵ Ambo ingekan jongon iman kau nan tulus, nan partamo-tamo hidup dalom nenek kau lois, dan umak kau Eunike, dan ambo yakin kini hidup dalom kau juo. ⁶ Untuk alasan ikkolah, ambo mangingekan kau agar tarus mengobarkan karunia Allah nan ado pado diri kau malalui panumpangan tangan ambo. ⁷ Sabab, Allah inda mambarikan kapado kito roh katakkutan, malainkan roh kekuatan, kasih, dan penguasaan diri. ⁸ Jadi jangan malu basaksi tantang Tuhan kito ato tantang ambo, tahanan-nyo akan tatapi, oleh kuasa Allah samo mandarito dami injil. ⁹ Inyolah nan ala manyalamatkan kito dan mangimbo kito jongon panggilan kudus, bukan karano parbuatan kito, malainkan karano tujuan dan anugrah-nyo sandiri nan ala inyo agikan kapado kito dalom Yesus Kristus sabalum dunia ado. ¹⁰ Kini, hal ikko ala manjadi nyato malalui kadatangan juruselamat kito Yesus Kristus nan ala manghapus kematian dan mambawo kahidupan dan kekekalon malalui injil. ¹¹ Oleh injil ikkolah, ambo di tunjuk manjadi pengkhotbah, rasul dan guru. ¹² Itulah sababnyo, ambo mandarito seperti kini ko, namun, ambo inda' malu karano ambo tau kapado siapo ambo piccayo dan ambo yakkin bahwo inyo sanggup manjago apo nan ala inyo piccayokan kapado ambo sampe hari itu tibo. ¹³ Paccilah pokok-pokok ajaran sehat nan ala kau danga dari ambo dalom iman dan kasih nan ado dalom Yesus Kristus. ¹⁴ Jongon Roh Kudus nan tinggal di dalom kito, jagolah jongon baik harto baharga nan ala dipiccayoi kapado kau. ¹⁵ Kau tau dari fakta bahwo sadonyo nan ado di asia ala bapaling dari ambo, di antaro sida adolah Figelus dan Hermogones. ¹⁶ Kironyo tuhan mangaruniakan baleh kasih kapado saisi rumah Onesiforus karano inyo saring manyegarkan ambo dan inda ' malu karano pemenjaraan ambo. ¹⁷ Sabaliknyo, katiko sampe di Roma, inyo jongon semangat mancari ambo dan manamui ambo. ¹⁸ Kiranyo Tuhan manuntun agar inyo manamukan belah kasih dari Tuhan pado hari itu, sebagaimano kau sandiri tau barapo banyak pelayanan nan ala inyo agikan kapado ambo di efesus.