¹ Karano itu, anak ambo, jadilah kuek dalam anugrah na ado dalam Yesus Kristus. ² Apapun na ala kau danga dari ambo di mukko sadonyo saksi, piccayokan itu kapado urang-urang na setia, na bisa juo mangajari urang lain. ³ Ikkulah mandarito sabagai prajurit Yesus Kristus na elok. ⁴ Indak ado prajurit na manyibukkan dirinyo jongon urusan hidup sahari-hari supayoinyo dapek manyanangkan komandannyo. ⁵ Demikian juo saurang olahragawan na batanding, inyo indak nakkan mamparoleh mahkota kamanangan kacuali inyo batanding manurut paraturan na berlaku ⁶ Saurang patani na bakarajo kare ala salayaknyo manjadi urang napertamo na manarimo hasil panennyo. ⁷ Pikkiran mano na ambo katokan, karano Tuhan akan mangagi kau pangartian dalam sagalo hal. ⁸ Ingeklah Kristus Yesus, na ala bangkit di antaro urang-urang mati, katurunan daud, sakiri na ambo baritokan dalam injil ambo, ⁹ Olehnyo ambo kini mandarito sampe di panjaro sabagai kriminal, tatapi firman Allah indak di panjaro! ¹⁰ Karano itu, ambo batahan dalam sagalo sasuatu demiurang-urang pilihan Allah supayo munak juo mandapek kaselamatan na ado dalam Yesus Kristus jongon kamuliaanyo na kekal. ¹¹ Pancakkapan ko benar: "Kok kito mati basamo inyo, kito juo hidup basamo inyo. ¹² Kok kito batekun, kito juo akan mamarintah basamo Inyo. Kok kito manyangkal Inyo, Inyo juo manyangkal kito. ¹³ Kok kito indak setia, Inyo tatap satia, karano inyo indak dapek manyangkal dirinyo sandiri. ¹⁴ Ingekkan sidak hal-hal ikko. Nasehatilah sidak di mukko Tuhan supayo indak badebat soal kato-kato. sebab indak ado gunonyo hanyo aan manghancurkan urang-urang na mandangakannyo. ¹⁵ Pueklah na terbaik untuk hamba mamparsembahkan dirikau jongon layak di mukko Allah sabagai pakarajo na indak parlu malu, samo na mangajarkan paccakapan kabanaran jongon tepat. ¹⁶ Akan tetapi, jauhilah omong kosong na sio-siso, karano hal itu manuntun katidak salehan na lebih para. ¹⁷ Paccakapan sidak manyebar sakiro panyakki gangren. Diantaro sidak adalah Himeneus jongon Filetus, ¹⁸ Na ala manyimpang dari kabanaran, jongon mangatokan bahwa ala tajadi kabangkitan. Sidak marusak iman sabagian urang. ¹⁹ Dasar Allah na kuek tatap tagak jongon materai ko: "Tuhan manando siapo na jadi punyo-Nyo," jongon "satiok urang na mangakkui namo Tuhan harus maninggakan kajahekan." ²⁰ Didalam rumah na megah, indak hanyo parabotan emas samo perak, malainkan juo kayu samo tanah liek. Sabagian di buek untuk tujuan na tarhormat tatapi sabagian untuk tujuan na hina. ²¹ Kok saurang manyucikan diri dari hal-hal na hino , inyo manjadi parabot untuk tujuan na terhormat, dikhususkan baguno bagi tuannyo di parsiapkan untuk satiok pakarejoan na elok. ²² Jauhilah hawa nafsu urang mudo jongon kajalah kabanaran, iman, kasih, samo damai sejaterah basamo-samo jongon sidak na di imbo Tuhan jongon hati na murni. ²³ Hindarilah debatan na bodoh jongon na indak bapangatahuan karano kau tau bahwa hal itu akan mandatangkan pakalahian. ²⁴ Palayan Tuhan harusla indak bakalahi, tatapi kasadonyo urang, Tarampil, mangajar samo sabar, ²⁵ Jongon lembut mangoreksi musuhnyo. Samoga Allah manganugerahi sidak pertobatan na manuntunnyo kapado pengetahuan akan kabanaran. ²⁶ Supayo sidak sadar jongon malapekan diri dari jabakan iblis na ala manawan sidak untuk manjalankan kainginannyo.