¹ Akhirnyo, Saudaro-saudaro, badoalah untuk kami, supayo firman Tuhan dapek tasebar jongon lakke dan dimuliokan, sakiro na tajadi di antaro kau, ² dan supayo kami dilapekan dari urang-urang na kajam jongon jahek karano indak sadonyo urang mampunyoi iman. ³ Namun, Tuhan tu satio. Inyo akan manguekkan dan malindungi kau dari na jahek. ⁴ Kami mampunyoi kayakinan dalam Tuhan takana kau bahwo kau sadang malakukan dan akan tarus malakukan apo na kami parintokan. ⁵ Kironyo Tuhan mangarahkan hatikau kapado kasih Allah dan kapado kasih Allah dan kapado katabahan Kristus.Kawajiban untuk Bakarajo ⁶ Saudaro-saudaro, kini kami parintokan kapadokau, dalam namo Tuhan kito, Yesus Kristus, supayo kau manjauhkan diri dari saudaro-saudaro na hidup bamalas-malasan jongon indak sasue jongon ajaran na kau tarimo dari kami. ⁷ Kau surang tau maccammano kau harus maneladani kami karano kami indak bamalas-malasan katiko kami basamokau. ⁸ Kami juo indak makkan makkanan urang lain tanpa mamba'inyo. Sabaliknyo, kami barusaho dan bakarajo kare siang jongon malam supayo kami indak manjadi beban bagi siapo pun di antarokau. ⁹ Indak karano kami indak mampunyoi hak untuk tu, malainkan untuk mangagikan diri kami surang sabage contoh bagikau untuk kau ikkuti. ¹⁰ Katiko kami masih basamokau pun, kami mangagikau parinto ko: "Jiko urang indak mau karajo, janganlah inyo makkan." ¹¹ Sabab, kami mandanga ado babarapo di antarokau na hidup bamalas-malasan, indak mau karajo, tatapi sibuk jongon hal-hal na indak baguno. ¹² Urang sakiro itu kami parintokan dan kami nasihati dalam namo Tuhan Yesus Kristus untuk karajo jongon tanang dan makkan rotinyo surang. ¹³ Sadangkan kau, Saudaro-saudaro ambo, janganlah litak babuek elok. ¹⁴ Jiko ado urang na indak manaati apo na kami katokan dalam surek ko, tandailah urang tu jangan bagaul jongonnyo supayo inyo manjadi malu. ¹⁵ Namun, jangan parlakukan inyo sabage musuh, tatapi sapolah sabage saurang saudaro. Kato-Kato Tarakhir ¹⁶ Tuhan damai sejahtera kironyo mangagikau satiok waktu dan dalam sagalo kaadaan. Tuhan manyartoi kau sadonyo. ¹⁷ Ambo, Paulus, manulis salam ko jongon tangan ambo surang sabage tando kaaslian surek ambo. Baitulah ambo manulisnyo. ¹⁸ Anugerah dari Tuhan kito, Yesus Kristus, manyartoi kau sadonyo.