¹ Saudaro-saudaro na ambo kasihi,ikko adolah surek kaduo na ambo tulis kapado kau.Dalam kaduo surek tu,ambo barusaho mambangkikkan pikkiran kau na murni jongon caro mangingekkan kau, ² supayo kau mangingek pangeccean-pangeccean na dahulu ala dikatokan oleh nabi-nabi kudus jongon parintah-parintah Tuhan jongon Juru Selamat malalui paro rasul. ³ pertama-tama,katahuilah bahwa pado hari-hari tarakhir bekko,paro pangejek akan datang untuk mangikkuti hawa nafsu sidak na bodoso. ⁴ Sidak akan mangeccek,"Mano janji tantang kadatangan-Nyo?Karano sajak nenek moyang kito mati,sadonyo masih tatap bajalan sakiro pado parmulaan panciptoan." Sabab sidak sangajo malupokan kanyataan bahwa oleh firman-Nyo,langik ala ado sajak dahulu kala,jongon bumi dijadikan dari a'i dan malalui a'i. ⁶ Jongon a,i juo,dunio na ado saat tu dihancurkan jongon a,i bah. ⁷ Namun,oleh firman na samo,langik jongon bumi na ado kini ko disimpan untuk dibakkar jongon api pado hari panghakiman jongon kahancuran urang-urang jahek. ⁸ Saudaro-saudaro na ambo kasihi,jangan lupokan kanyatoan na satu ikko:Bagi Tuhan,satu hari saribu tahun dan saribu satu hari. ⁹ Tuhan indak panah balambek-lambek mamanuhi janji-Nyo sakiro na dianggap babarapo urang sabage katarlambatan.Sabaliknyo,Inyo sabar tahadok kau karano Inyo indak saurang pun binaso,tatapi supayo sadonyo urang dapek datang kapado partobatan. ¹⁰ Hari kadatangan Tuhan akan tibo sakiro saurang pancilok,jongon langik akan lanyap jongon suaro na dahsyat.Benda-benda langik akan tabakkarn habis oleh api na sangat panas,jongon dunio baserta sagalo isinyo juo akan tabakkar habis. ¹¹ Kok sagalo sasuatu akan dihancurkam,jongon caro ikko,maccammanokah saharusnyo kau hidup?Bukkan kah kau harus hidup suci jongon mangabdi kapado Allah, ¹² sambi mananti-nantikan jongon mampalakke hari kadatangan Allah?Pado hari Tuhan,langik akan hancur oleh api,jongon sadonyo benda-benda langik maleleh karano pane-nyo. ¹³ Namun,sasuei jongon janji Allah,kito mananti-nantikan langik jongo bumi na baru,di tampek urang-urang banar akan tingga. ¹⁴ Saudaro-saudaro na ambo kasihi,karano kito manantikan hal ikko,mako barusaholah jongon giat supayo Allah mandape'i kau indak badoso,indak banoda,dan badame jongon Allah. ¹⁵ Anggoklah kasabaran Tuhan sabage kasempatan untuk kito manarimo kasalamatan.Samo sakiro na Paulus,saudaro terkasih kito,tuliskan kapado kau jongon hikmat na diagikan oleh Allah kapadonyo. ¹⁶ Inyo juo mambicarokan hal-hal ikko dalam sadonyo sureknyo na lain.Memang ado hal-hal dimangarti sahinggo diputarbalikkan oleh urang-urang na bodoh jongon na lemah imannyo.Sidak juo malakkukan-Nyo pado bagian-bagian lain dari Kitab Suci,na mangakibekkan kabinasaan ate diri sidak sandiri. ¹⁷ Saudaro-saudaro na ambo kasihi,karano kau ala mangatahui tantang hal ikko,bahati-hatilah supayo kau jangan dibaok tasasek oleh kasalahan dari urang-urang na indak manganal hukum. Janganlah kau jatuh dari iman kau na kokoh. ¹⁸ Namun,batumbuhlah dalam anugerah jongon panganalan akan Tuhan dan Juru Selamat kito,Yesus Kristus. Bagi Inyolah kamuliaan,kini jongon sampe salamo-lamonyo!Amin.