¹ Pado zaman dahulu,ado nabi-nabi palsu di antaro umat Allah,sakiro kini ko ado juo guru-guru palsu di antaro kau na jongon basondok-sondok mangajarkan ajaran-ajaran na marusak,bahkan manyangkal Tuhan na ala manabus sidak sahinggo mandatangkan kahancuran na lakke ate diri sidak sandiri. ² Dan,akan ado banyak urang na akan mangikkuti caro hidup sidak na indak bamoral,jongon karano sidaklah,jalan kabanaran akan dihujek. ³ Jongon bingik sidak akan mangambik untung dari kau jongon kata-kata na panuh tipuan;hukuman bagi sidak na ala disiapkan sajak dahulu kala indak akan ditunda-tunda,jongon kahancuran sidak indak akan terlelap. ⁴ Sabab,kok Allah sajo indak manahan diri katiko paro malaikat badoso,malainkan malantingkan sidak ka dalam neraka jongon mangagikan sidak ka rante kagalapan untuk ditahan sampe panghakiman, ⁵ dan kok Allah juo indak manyayangkan dunio purba kacuali Nuh,saurang pambarito kabanaran basamo tujuh urang lainnyop,tatapi mandatangan a'i bah ka ate dunio na indak manando Allah; ⁶ dan kok Allah manghukkum kota Sodom dan Gomora jongon caro manghancurkan kaduo kota tu hinggo manjadi abu,dan manjadikan sidak sabage contoh tantang apo na akan tajadi pado urang-urang jahek na hidup pado maso barikutnyo; ⁷ dan kok Allah manyalamatkan Lot,urang bana tu,na mandarito karano caro hidup na najis dari urang-urang na indak manando hukum, ⁸ (untuk samantaro waktu,Lot hidup di tangah-tangaj sidak satiok hari,jongon jiwanyo na benar mandarito karano maliek jongon mandanga pabuekan-pabuekan na jahek na inyo liek jongon danga;) ⁹ mako Allah pasti tau maccammano malapekan urang-urang bana dari pancuboaan jongon manahan urang-urang jahek untuk dihukkum pado hari panghakiman, ¹⁰ Khususnyo sidak na mamuaskan tubuhnyo dalam kainginan cemarnyo,jongon na maremehkan pamarintah. Jongon sangat lancang jongon sombong,guru-guru palsu tu indak takkut manghina makhluk-makhluk na mulio, ¹¹ padohal paro malaikat,na padiapun jauh labih kuek jongon labih bakuasa daripado sidak,indak mangucapkan tuduhan na mangandung hujatan tahadok sidak di mukko Tuhan. ¹² Guru-guru palsu tu sakiro binatang na indak barakkal,na dilahekan untuk ditangkok jongon dibunuh;sidak manghujek apo na indak mangarti,akan dibinasokan dalam kahancuran sidak sandiri; ¹³ sidak akan ditimpo kajahatan sabage upah ate pabuekan sidak na jahek. Sidak manganggap bamabuk-mabukan pado Siang hari sabage kasanangan.Sidak adolah noda jongon cela,basukaria dalam katiko makkan basamo-samo jongon kau. ¹⁴ Sidak mampunyoi mato na panuh nafsu pazinaan jongon na indak baranti babuek dosa,sidak manggoda urang-urang na lemah jiwanyo,jongon hati sidak ala tarlatih dalam kasarakahan.Sidak adolah anak-anak na takutuk! ¹⁵ Sidak maninggakan jalan na lurus jongon mangikkuti jalan na sasek,yaitu jalan Bileam bin Beor,na sukko manarimo upah untuk pabuekannyo na jahek. ¹⁶ Namun,inyo mandapek taguran na kare ate palanggarannyo dari saikku keledai na bisu,tatapi na mangeccek jongoin suaro kare manusio sahinggo manghantikan pabuekan gilo nabi tu. ¹⁷ Urang-urang ikko sakiro mato a'i na karing jongon sakiro kabut na disapu oleh angin. Kagalapan na paling pakke ala disadiakan untuk sidak. ¹⁸ Jongon pangeccean na sombong,tatapi kosong,sidak manjarek urang-urang na ala talape dari sidak na hidup dalam kasasean jongon kainginan-kainginan daging dan jongon pancabulan. ¹⁹ Guru-guru palsu tu manjanjikan kabebasan,padohal sidak sandiri adolah budak dari kabinasaan.Sabab,apo pun na ala manaklukkan sasaurang,kapadonyolah urang tu dipabudak. ²⁰ Sabab,kok sidak ala dilapekan dari pancamaran dunio na jahek malalui panganalan akan Tuhan jongon juru Selamat Kristus,tatapi kamudian kambali lai kapdo dunio na jahek tu jongon di kuasai olehnyo,mao manjadi labih buruk daripado sabalumnyo. ²¹ Akan labih elok kok sidak manganal jalan kabanaran tu,daripado satalah manganalnyo sidak babalik dari hukum suci na ala diagikan kapado sidak. ²² Sidak adolah gambaran dari peribahasa na banar ikko:"Anjing kambali kapado muntahannyo sandiri"jongon "Babi na ala dibersihkan,kambali lai bakubang di lumpur"