¹ Dari Simeon Petrus, hamba jongon rasul Yesus Kristus, kapado sidak na ala manarimo iman na samo jongon na kami punyoi malalui kabenaran Allah jongon Juru Salamat kito, Yesus Kristus. ² Kironyo anugerah jongon damai sajahtro malimpo kadikau di dalam panandoan akan Allah jongon Yesus, Tuhan kito. urang na Diimbo jongon dipilih samo Allah ³ Kuaso-Nyo na ilahi ala manganugerahkan kapado kito sagalo sasuatu na bakenan jongon hidupdan kasalehan, malalui pangatahuan akan Inyo na ala mangimbo kito manuju kapado kamulioan jongon kaelokan-Nyo. ⁴ Malaluinyo, Inyo ala manganugerahkan kapado kito janji-janji-Nyo na gadang bana jongon bahago supayo jongon janji-janji tasabut kau dapek ikkut ambik bagian dalam kailahian-Nyo, jongon tahindar dari karusakan na tajadi di dunio, na disababkan samo babage hawo nafsu. ⁵ Untuk tujuan tu, barusaholah jongon sungguh-sungguh untuk manambahkan iman kau jongon kebajikan, kebajikan dan pengetahuan, ⁶ dan pengetahuan jongon panguasoan diri, dan panguasoan diri jongon katabahan, katabahan jongon kasalehan, ⁷ kasalehan jongon kasih pasaudaroan, kasih pasaudaroan jongon kasih na indak mamentingkan diri sandiri. ⁸ Sabab, jiko sadonyo ikko ado dalam diri kau jongon tarus batambah-tambah, mako kau indak mungkin manjadi sio-sio ato indak babuah dalam pangatahuan akan Tuhan kito, Yesus Kristus. ⁹ Akan tatapi, urang na indak mampunyoi sadonyo itu iyolah urang na indak dapek maliek jongon jale dan buto karano inyo lupo bahwo inyo ala dibersihkan dari doso-dosonyo na lalu. ¹⁰ Karano itu, saudaro-saudaro ambo, barusaholah labi giat lai untuk mamastikan bahwo kau benar-benar di imbo jongon dipilih; sabab jiko kau malakukannyo, kau indak akan jatuh. ¹¹ Jongon damikian, pintu ka dalam karajaan kekal Tuhan jongon Juru Salamat kito, Yesus Kristus, akan tabukkak lawe bagikau. ¹² Itulah sababnyo, ambo bamaksud untuk salalu mangingekkankau akan sadonyo hal tu, sakalipun kau ala mangatahuinyo dan ala dibangun jongon kokoh dalam kabenaran na kini kau punyoi. ¹³ Salamo ambo masih hidup dalam kemah duniawi ko, ambo manganggap parlu untuk untuk mandorong kau jongon caro mangingekkan kau, ¹⁴ Sabab ambo tau bahwo ambo akan lakke maninggakan kemah ko sakiro na ala ditunjukkan kapado ambo jongon jale samo Tuhan kito, Kristus Yesus. ¹⁵ Dan, ambo akan barusaho jongon saganap upayo ambo untuk mambuekkau tetap mangingek sadonyo ikko satala kapergian ambo. Saksi Mato Kamulioan Kristus ¹⁶ Sabab kami indak mangikkuti mitos-mitos na dikarang jongon cadik katiko mampakenalkan kapado kau kuaso jongon kadatangan Tuhan kito, Yesus Kristus, tatapi karano kami iyolah saksi-saksi mato akan kamulioan-Nyo. ¹⁷ Sabab katiko Yesus manarimo hormat jongon kamuliaan dari Allah Ayah,sakiro katiko dikecekkan kapado-Nyo oleh Na Mahamulio,"Ikkolah Anak-Ambo na Ambo kasihi kapado-Nyolah Ambo bakenan," ¹⁸ kami pun mandanga suaro tu datang dari surga katiko kami basamo-samo jongon-Nyo di ate gunung suci. ¹⁹ Kami juo samakkin diyakkinkan oleh pangeccean nubuat,na sabaiknyo juo kau parhatikan jongon cermat sakiro mamparhatikan palito na bacahayo di tampek na gaalap,sampe pagi datang jongon bintang fajar terbit dalam hati kau. ²⁰ Akan tatapi,hal tarutamo na harus kau pahami adolah bahwa inda ado nubuat dalam Kitab Suci na barasal dari panafsiran saurang manusia, ²¹ sabab indak ado saince pun nubuat na muncul dari kainginan manusio;sabaliknyo,urang-urang mangeccek ate namo Allah badasarkan pimpinan Roh Kudus.