1 Dan, bakarajo basamo jongon Inyo, kami juo mandorong munak agar indak manarimo anugrah Allah jongon sio-sio. 2 Sabab, Inyo bafirman: "Pado waktu ambo bakanan, ambo mandanga kau, dan pado hari kaselamatan, Ambo manolong". Pahatikanlah, kini adolah waktu nan bakenan inun. Pahatikanlah kini adolah hari kaselamatan tu. Yesaya 49:8 3 Kami indak mangagikan sandungan kapado siapopun supayo palayanan kami indak dicela, 4 malainkan hal dalom sagalo caro kami manunjukkan diri kami sabagai pelayan Allah, jongon panuh ketabahan dalom sadonyo pandaritoan, kasesakan, kasukkaran, 5 pukkulan, pamenjaraan, karusuhan, jenih payah, indak tidur, kalaparan, 6 jongon panuh kamurnian, pangetahuan, kasabaran, kamurahan, sumange kudus, kasih nan tulus, 7 pakatoan, kabenaran, kuaso Allah, senjato kabenaran ditangan kanan dan kiri, 8 kamuliaan, dan kahinaan, umpatan dan pujian, dianggaop sebagai panipu-panipu padahal kami elok. 9 Kami sarupo indak ditando, tatapi terkenal; sarupo nan nyaris maningga, tatapi lieklah, kami hidup; sarupo urang nan dihajar, tatapi indak tabunuh; 10 sarupo nan badukocito tatapi basukkocito, kami miskin, tatapi mampue urang lain kayo, indak punyo apo-apo, tapi mampunyoi sagalo sasuatu. 11 Kami ala mambukka mulut kami kapado kau, hai urang Korintus, hati kami tabukka lawe. 12 Munak indak dibatasi oleh kami, tatapi munak dibatasi oleh hati kau saurang. 13 Kini, nandak bahasa nan samo -- mangetcek sarupo kapado anak-anak ambo -- bukkanlah pulo hati kau lawe-lawe. PASANGAN nan INDAK SAIMBANG 14 Jangan manjadi pasangan nan indak saimbang jongon urang-urang nan indak pircayo. Sabab, persamaan apokah nan ado diantaro kabenaran dan kajehekan? Atau, persamoan apokah nan dapek diantaro tarang jongon gelap? 15 Kasepakatan apokah nan dipunyoi Kristus jongon Belial? Atau, bagian apokah nan ado antaro urang pitcayo jongon urang nan indak pitcayo? 16 Dan, kasepakatan apokah nan ado antaro Bait Allah jongon bahala-bahala? Sabab, kito adolah bait Allah nan hidup, sarupo firman Allah, "Ambo akkan sidak, dan ambo akkan manjadi Allah sidak, dan sidak akkan manjadi umat-umat-Ambo," Imamat 26:11-12 17 Karano inun, kalualah kau dari tanga-tanga sidak dan bapisalah, " Kato Tuhan." Dan, janganlah menjamah apo nan najis, maka ambo akkan manarimo kau." Yesaya 52:11 18 "Dan, ambo akkan manjadi Bapa bagi kau, dan kau akkan manjadi anak-anak-Ambo lakki-lakki dan anak-anak-Ambo padusi," baitulah firman Tuhan, nan Mahakuaso. 2 Samuel 7:14; 7:8