¹ Karano kami tau bahwa jiko kemah, tampek kadiaman kito di bumiko dirobohkan, kito mamiliki saince bangunan dari Allah, saince rumah indak di puek dari tangan, nan kekal di surga. ² Salamo kito ado dalom kemah, kito mangeluh karano kito rindu nandak mangenakan tampek kadiaman surgawi kito. ³ Sabab, katiko kito mangenakannyo, kito indak lai didapati talanjang. ⁴ Salamo kito barado dalom kemah inun, kito mangeluh dan tabebani karano kito indak ingin talanjang malainkan bapakkean supayo nan fana tu ditelan oleh hidup. ⁵ Kini, Inyo mampasiapkan kito katujuan ikko adolah Allah, nan mangagikan sumange kapado kito sabagai jaminan. ⁶ Karano inun, kami selalu tabah dan manyadari bahwa katiko kami ado dirumah dalom tubuh, kami barado dalom Tuhan. ⁷ Sabab, kami hidup oleh iman, indak oleh panglihatan ⁸ Akkan tatapi, kami tabah dan labih sukko tingga dilua tubuh ikko lalu tingga basamo Tuhan. ⁹ Oleh karano inun kami barusaho supayo kami bakenan kapado-Nyo, atau kami tingga dirumah ikko atau barado di lua. ¹⁰ Sabab, kito sadonyo harus barado dihadapan dimukko kursi pangadilan Kristus supayo satiap urang dapek manarimo kambali hal nan dilakkukan dalom tubuhnyo, sasuai jongon apo nan dilakkukannyo, antah inun ranca atau pun jahek. PELAYANAN PANDAMAIAN dari ALLAH 11 Karano kami tau artinyo takkut akkan Tuhan, maka kami manyakinkan urang lain. Namun, kami ala nyato bagi Allah dan ambo baharap nyato pulo bagi hati nurani kau. ¹² Kami indak barusaha lai mamuji-muji dri kami kapado kau, tetapi kami mambaritokan kasempatan nandak bangga kapado kami. Jongon baitu, munak akkan mampunyoi jawaban nandak sidak nabangga ate lahiriah dan indak ate apo nan ado dalom hati. ¹³ Jiko munak indak manjadi diri kami, hal inun adolah nandak Allah jiko munak manjadi diri kami, inun nandak kapentingan kau. ¹⁴ Karano kasih Kristus manguasai kami katiko kami manyimpulkan bahwa jiko saince urang mati nandak sadonyo, maka sidak sadonyo mati. ¹⁵ Dan, Inyo mati nandak sadonyo supayo sidak nan hidup indak lai hidup nandak diri sidak saurang, malainkan nandak Inyo, nan ala mati dan dibangkitkan demi sidak. ¹⁶ Karano inun, sajak kini, kami indak mangenali saurang pun manurut keadaan lahiriah, meskipun kami panah mangenal Kristus secaro lahiriah, tatapi kini indak lai manilai-Nyo sarupo inun. ¹⁷ Jadi, siapo nan ado dalom Kristus, Inyo adolah ciptaan baru. Hal-hal nan lamo ala balalu, lieklah, hal nan baru ala datang ¹⁸ Sadonyo hal ikko adolah dari Allah, nan mampardamaikan kito jongon diri-Nyo malalui Kristus dan mangagi kito pelayanan perdamaian inun, ¹⁹ yaitu dalom Kristus Allah mandamaikan dunio jongon diri-Nyo saurang, jongon indak mamparhitungkan palanggaran sidak jongon ala mampitcayokan barito pandamaian kapado kito. ²⁰ Jadi, kami adolah duta-duta Kristus, Allah manunjukkan imboan-Nyo malalui kami. Kami mangetcek kapado kau demi Kristus, agikanlah diri kau di perdamaikan jongon Allah. ²¹ Inyo nan indak manando doso ala di puek nyo manjadi doso karano kito supayo kito di elokkan Allah di dalom Inyo.