¹ Paulus, saurang rasul Kristus Yesus oleh kahendak Allah dan Timotius, dusanak kito, kapado jemaat Allah nan ado dari Korintus basamo sadonyo urang kudus nan ado di saluruh Akhaya. ² Anugrah nandak kau dan damai sejahtra dari Allah Bapa kito dan Tuhan Yesus Kristus. UCAPAN SYUKUR ATAS PANGHIBURAN ALLAH ³ Diberkatilah Allah dan Bapa Tuhan kito, Yesus Kristus, Bapa nan panuh baleh kasihan dan Allah sagalo panghiburan ⁴ namanghibur kami dalom sagalo pandaritoan kami sahingga kami juo bisa manghibur sidak nan barado dalom babagai pandaritoan jongon panghiburan, nan kami saurang dihibur oleh Allah. ⁵ Sabab, samo seperti pandaritoan Kristus malimpah dalom kami, baitu juo panghiburan kami malimpah malalui Kristus. ⁶ Jiko kami mandarito, hal tu demi panghiburan dan kasalematan kau. Atau, jiko kami dihibur, hal inun adolah nandak panghiburan kau, nabakarajo dalom katabahan oleh pandaritoan nan samo, nan juo kami alami. ⁷ Pangharapan kami ate munak itu teguh karano kami tau bahwa matcam mano munak ambi bagian dalom pandaritoan-pandaritoan kami, demikian juo kami ambi bagian dalom panghiburan kami. ⁸ Dusanak-dusanak, kami indak munak indak mangatahui tentang pandaritoan nan kami alami di Asia. Kami sangat dibebani malebihi kekuaetan kami sahinggo kami putus asa nandak tetap hidup. ⁹ Bahkan, kami mampunyoi hukuman maningga dalom diri kami saurang supayo kami indak yakin pado diri kami saurang, malinkan pado Allah namambangkitkan urang maningga. ¹⁰ Inyo ala mangalapekan kami dari kematian namangerikan dan akkan malapekan kami lai. Kapado-Nyo kami baharap bahwa inyo akkan manyelamatkan kami lai. ¹¹ Munak juo turut manolong kami malalui doa-doa kau sahinggo banyak nan akkan basukkur ate namo kami karano kasih karunia nan diagikan kapado kami malaui doa-doa banyak urang. Parubahan Rencana Paulus ¹² Ikkolah kabanggaan kami, yaitu kasaksian hati nurani kami bahwa kami hidup di dunia ikko, terutamo tahadap munak, jongon katulusan dan kamurnian dari Allah, bukkan dalom hikmat dunia, malainkan dalom anugrah Allah. ¹³ Sabab, kami indak manyurekkan hal nalain kapado kau selain nan dapek munak batco dan mangerti. Ambo baharap munak akkan mangarti sepenuhnyo, ¹⁴ seperti juo munak ala mamahami sabagian tentang kami, yaitu bahwa kami adolah kabanggaan kau, matcam mano munak juo adolah kabanggaan kami pado hari Tuhan Yesus. ¹⁵ Dalom kayakinan ikko, ambo bamaksud nandak talabih dahulu datang katampek kau supayo munak mandapekkan anugrah nandak kaduo kalinyo. ¹⁶ Ambo ingin mangunjungi munak dalom pajalanan ambo ke Makedonia, lalu kambali lai kapado kau sasudah dari Makedonia supayo munak biso mambantu ambo dalom pajalanan ambo ke Yudea. ¹⁷ Oleh karano inun, apokah jongon kabimbangan ambo marencanakan hal ikko? Atau, apokah nan ambo rencanakan, ambo marencanakannyo sacaro duniawi sahinggo bagi ambo sacaro basamaan ado "ya, ya" dan " indak, indak"? ¹⁸ Samo seperti Allah nan satio, pangetcekan kami kapado kau indaklah "ya" dan " indak". ¹⁹ Sabab, anak Allah, Yesus Kristus, nan dibaritokan diantaro munak oleh kami, yaitu oleh ambo, Silas, dan Timotius, indaklah "yo" dan "indak",malainkan "yo" di dalom Inyo. ²⁰ Sabab, sadonyo janji Allah adolah "yo" di dalom Kristus. Inunlah sababnyo, malalui Inyo, kami mangucapkan "Amin" kami nandak kamuliaan Allah. ²¹ Dan, Allah nan maneguhkan kami basamo-samo jongon munak di dalom Kristus, dan nan ala mangurapi kito, ²² nan juo ala mameteraikan kito dan mambaritokan Roh-Nyo dalom hati kito sabagai jaminan. ²³ Namun, ambo mangimbo Allah sabagai saksi bagi jiwo ambo bahwa nandak manahan diri ate munak ambo balum datang lagi kekorintus. ²⁴ Indak karano kami mamarintohkan ate iman kau, tatapi kami adolah nabakarajo basamo kau nandak sukacito kau karano dalom iman kau, munak Tagak teguh.