¹ Jadi, ambo ala mamutuskan bagi diri ambo saurang bahwa ambo indak akkan datang lai kapado kau dalom kasedihan. ² Kalau ambo mampuek munak basedih, siapokah nan mampuek ambo bagembira, kacuali inyo nan ala ambo puek basedih inun? ³ Ambo manulis, matcamano nan ambo lakkukan, supayo katiko datang, ambo indak akkan mandapekkan kasedihan dari sidak nasaharusnyo mampue ambo bagembiro. Sabab, ambo marasa yakin kapado munak sadonyo bahwa sukkocito ambo akkan manjadi sukkocito munak sadonyo. ⁴ Dari banyaknyo pandaritoan dan kapedihan hati, ambo manyurek kapado kau jongon banyak linangan ai mato, indak nandak mampuek kau basedih, malainkan agar munak dapek mangetahui kasih nan ambo punyoi,khususnyo tahadap munak. Mangampuni Sasamo nan Basalah ⁵ Namun, jiko ado nan manyebabkan kasedihan, inyo indak manyababkan kasedihan nandak kau, tatapi pado batas tatentu supayo ambo indak malebih-malebih nandak munak sadonyo. ⁶ Bagi urang matcam inun, teguran oleh sabagian gadang dari munak cukkup samo inyo. ⁷ Karano inun, munak sabaliknyo, labih ranca mangampuni dan manghiburnyo supayo urang nan sarupo indak tabanam oleh kasedihan ⁸ Jadi, ambo mandorong munak nandak manegaskan kasih kau kapadonyo. ⁹ Sabab, baitu pulo ambo manyurekkan kapado kau, yaitu supayo ambo dapek mangetahui buktinyo, apokah munak taat dalom sagalo sasuatu. ¹⁰ Sasaurang nan munak ampuni, ambo mangampuninyo juo. Sabab, apo nan ala ambo ampuni, jiko ado nan harus ambo ampuni, ambo malakkukannyo demi munak dihadapan Kristus. ¹¹ Jongon demikian, Iblis indak akkan diuntungkan dari kito mengetahui maksud-maksudnyo. Kegelisahaan dan Kalegan Paulus ¹² Katiko ambo tibo di Troas nandak mambaritokan Injil Kristus dan katiko pintu tabuka nandak ambo dalom Tuhan, ¹³ Balum ado kalegaan dalom sumange ambo karano indak manjumpoi Titus, dusanaknyo. Jadi, ambo bapamitan kapado sidak dan pai ka Makedonia ¹⁴ Namun, Syukur kapado Allah, nan slalu mamimpin kami kapado kamenangan di dalom Kristus dan manyatokan kaharuman pangetahuan akkan Inyo di satiap tampek malalui kami. ¹⁵ Sabab, kami adolah bau harum Kristus bagi Allah di antaro sidak nan disalamekkan dan di antaro sidak nan sadang binaso. ¹⁶ Bagi nan saince, kami adolah bau kamatian nandak kamtian, dan bagi nan lain, bau kahidupan nandak kahidupan. Namun, siapokah nan sangup nandak hal-hal ikko? ¹⁷ Sabab, kami indak seperti banyak urang lain, nan manjua firman Allah. Sabaliknyo, dalom kristus kami babicaro di mukko Allah jongon katulusan matcamano utusan-utusan Allah.