¹ Pado haghi-haghi itu, ketiko Oghang banyok boghkumpol dan tidok punyo apo-apo hondak di makan, Yesus momanggil mughid-mughid-Nyo dan beghkato kepado megheka, ² " Odan kasihan botul kepado oghang banyok itu kaghena megheka sudah tigo haghibeghsamo kito, dan tidok punyo apo-apo hondak di makan. ³ Dan jiko Odan monyughuh megheka balik ke ghumah dongan kelopaghan, megheka akon pongsan di tongah jalan sobab ado megheka datang dagi tompat jauh." ⁴ Lalu mughid-mughidNyo menjawab Dio, macom mano kito biso mongonyangkon megheka dongan ghoti ditompat sunyi bogini?" ⁵ Lalu, Yesus beghtanyo kepado megheka, " Kito punyo ado beghapo ghoti?" Megheka menjawab,"Tujuh ghoti." ⁶ Lalu, Yesus memoghintahkon oghang banyok duduk di tana, mako Dio mongambi tujuh ghoti tu, mandoakonyo, membolah-bolahnyo, dan momboghikanyo kepado mughid-mughid-Nyo untok di bogikon kepado megheka. meghekapun mombogikanyo kepado oghang banyok. ⁷ mughitNyo jugo punyo sodikit ikan-ikan koci. satolah mandoakonyo, Yesus manyughuh mughid-mughid-Nyo mombogikonyo kepado oghang banyok. ⁸ Oghang banyok tu makan sampoi konyang, lalu megheka kupulkon lobihnyo makanan tu tuju koghangjang ponuh. ado kigho-kigho ompat ghibu oghang samuo, lalu, Yesus manyughuh megheka pogi. ¹⁰ Toghus Yesus naik sampan beghsamo mughid-mughid-Nyo lalu tibo di daeghah Dalmanuta. ¹¹ lalu oghang-oghang Farisi dotang dan beghdobat dongan Yesus, dan maminto Yesus manunjukkon tando daghi Surga, untuk mencobainyo. ¹² Mako Yesus menghelo nafas dalam Roh-Nyo, Dio beghkato, "Mengapo bangso ni maminto tando? Aku hondak beghato kepadomu, Tidok ado tando apopun diboghikon kepado bangso ini." ¹³ Lalu, Yesus poghi, dan naik sampan, toghus ke saboghang. ¹⁴ Mughid-mughid lupomembawo ghoti, dan hanyo punyo sepotong ghoti dalam sampan. ¹⁵ Dan Yesus beghposan kepado megheka," Siop sediolah! beghhati-hatilah teghhadop ragi oghang Farisi dan ragi Herodes." ¹⁶ Lalu megheka mulo beghsoal jawab sesamo megheka tontang megheko tak punyo ghoti. ¹⁷ Dan, setolah Yesus mengoghti masalohnyo, Yesus beghkato kepado megheka, mengapo kamu memcakapkon tontang tak punyo ghoti? Apo kamu bolum paham? apo hati kamu sudah mengoras? ¹⁸ Apokah kamu punyo mato totapi tak colik? dan, punyo telingo, totapi tak dongo? Tak pahamkah kamu, ¹⁹ Ketiko aku membolah-bolah limo ghoti yntok limo ghibu oghang, beghapo ponuh koghanjang kamu kutip sisonyo? Kato megheka, " Duo bolas koghanjang." ²⁰ Dan ketiko Tuju ghoti untok ompat ghibu oghang , beghapo ponuh koghanjang kamu kutip? Kato megheka Tuju koghanjang." ²¹ Lalu Yesus beghkato kepado megheka, Apokah kamu bolum paham jugo?" ²² Kemudion, Yesus tibo di Betsaida soghta mughid-mughid-Nyo. Dan banyok oghang memawo seoghang buto maminto supoyo Yesus menyombuhkonyo. 23 Lalu Yesus menaghik tangan oghang buto itu dan membawo dio kelua kampung. Dan Yesus moludahi moto oghang buto itu dan melotakkon tanganyo di atas motonyo. Yesus beghtanyo kepadonyo, " apo kamu sudah melihot sesuatu?" ²⁴ Lalu, oghang itu melihat ke atas dan beghkato," Aku melihat oghang-oghang, totapi megheka sapoghti pohon yang sodang beghjalan." Satolah tu Yesus melotakko tangan-Nyo di atas moto oghang itu lagi, dan oghang itu membuko motonyo, penglihatanyo sombuh, diopun dapot melihat dongan jolas. ²⁶ Lalu, Yesus menyughuhnyo pulang ke ghumahnyo dan beghkato," Jangan masuk ke kampung lagi ²⁷ Lalu, Yesus poghi beghsamo mughid-mughid-Nyo ke kampung-kampung di Kaisarea Filipi. Dan di tongan jalan, Yesus beghtanyo kepado mughid-mughidnyo, " kato oghang siapo Odan ni?" ²⁸ Jawab megheka, Yohanes pembaptis, oghang lain beghkato Elia, oghang lain lagi seoghang daghi Nabi." ²⁹ Kemudia, Yesus beghtanyo kepado megheka, "Lalu, kato kau, Siapo Odan ni?" Kato Petrus, "Engkau adolah Kristus." ³⁰ Lalu Yesus mempeghingati megheka agogh tak memboghitau kepado siapopun tontang Dio. ³¹ Lalu, Yesus mulo mengojo mughid-mughid-Nyo bahwa Anak Manusia haghus mandoghito botul dan di dongki oleh atok-atok Yahudi yang di tuokan, imam bosagh, dan ahli Taurat, dan di bunuh, namun setolah tigo hari hidup lagi. ³² Dan, Yesus mengatokan samuo itu toghus toghang. sobab itu, Petrus menar=ghik Yesus ke samping dan menogugh-Nyo. ³³ totapi sambil menoleh dan menengok mughid-mughid-Nyo, Yesus mambontak Petrus dan beghkato," Poghgi ko sano, setan! Sobab kau tak mamontikon kohondak Allah, totapi kohondak manusio." ³⁴ Sesudah itu, Yesus memanggil oghang banyok, sorta mughid-mughid-Nyo, dan beghkato kepado megheka, "Jiko ado seseoghang hondak mengikut Odan, io haghus monyangkal dighinyo, dan memikul salibnyo, dan mengikut Odan. Sobab, siapo sajo yang hondao menyelomatkan nyawanyo akan kehilanganyo. Namun, siapopun yang kehilangan nyawanyo kaghona Odan mako Injil akan menyelomatkonya. ³⁶ Sobap, apo untungnyo jiko seoghang mendopatkon salughuh dunio, tetapi kehilangan nyawaonyo? ³⁷ Apo yang biso di beghikanyo hondak menebus nyawaonyo? ³⁸ Sobab, siapo sajo yang malu kaghena Odan dan Firman-Ku di bangso yang tak setio dan beghdoso ni, mako Anak Manusia jugo akan malu mongakui oghang itu ketiko Io tibo dalam kemuliaan AYAH-NYO beghsamo dongan malaikat-malikat yang kudus."