² Kohmudion oghang-oghang Farisi mendatongi-Nyo, dan untuk mencuboi Dio megheka keghtanyo, "Apokah dibonokan seoghang suami mencoghaikan istghinyo?" ³ Yesus menjawab megheka, "Apo yang Musa poghintahkan kepadomu?" ⁴ Megheka beghkato, "Musa mengizinkan seoghang suami membuat sughat corai dan mancoghaikannyo." ⁵ Akan totapi, Yesus beghkato kepado megheka, "Kaghena kekeghasan hatimuloh, Musa monulikan poghinto ini kepadomu. ⁶ Akan totapi, sojak peghgumulan ponciptaan, "Allah monciptakon megheka laki-laki dan peghempuan. ⁷ Kaghena itulah, seoghang laki-laki akan moninggalkan ayah dan ibunyo. ⁸ Dan, keduonyo akan monjadi satu daging. "Dongan domikian, megheka bukan lagi duo, melainkan beghsatu. ⁹ Jadi, apo yang tolah Allah peghsatukan, jangan ado manusia yang memisahkon." ¹⁰ Kohmudion, di dalam ghumah, mughid-mughid-Nyo beghtanyo lagi kepado-Nyo tontang hal itu. ¹¹ Mako, Io beghkato kepado megheka, "Siapo sajo yang mencoghaikon istghinyo dan menikahi yang lain, beghbuat zina teghadap istghinya. ¹² Dan, jiko istghi mencoghaikan suaminyo dan menikahi yang lain, io beghbuat zina." ¹⁴ Namun, ketiko Yesus melihatnyo, Io menjadi maghah dan beghkato kepado mughid-mughid-Nyo, "Biaghkanlah budak-budak koci itu datang kepado-Ku dan jangan halang-halangi megheka kaghena keghajaan Allah adalah milik oghang-oghang sepoghti megheka. ¹⁵ Odan mengatokan yang sebononyo kepadomu, siapo sajo yang tidok menyombut keghajaan Allah sepeghti seoghang budak, tidok akan masuk ke dalamnyo." ¹⁶ Kohmudion, Yesus memoluk budak-budak itu, Io membeghkati megheka dan melotakkon tangan-Nyo atas megheka. ¹⁷ Lalu, ketiko Yesus sodang mempeghsiapkan peghjalanan-Nyo, seseoghang beghlari kepado-Nyo dan beghlutut di hadapan-Nyo dan beghtanyo, "Gughu yang baik, apo yang haghus odan lakukan untuk mendapot waghisan hidup selamo-lamonyo?" ¹⁸ Dan, Yesus beghkato kepadonyo, "Mengapo kau menyobut Odan baik? Tidok ado seoghang pun yang baik, kocuali Allah sendighi. ¹⁹ Kau mengetahui poghinto-poghinto: "jangan membunoh, jangan beghzino, jangan mencughi, jangan memboghi kesaksian palsu, jangan menipu, hoghmatilah ayah dan ibumu." ²⁰ Lalu, oghang itu beghkato kepado-Nyo, Gughu, odan sudoh mematuhi semuo itu sojak odan masih mudo." ²¹ Namun, Yesus menengok kepado pemudo itu dan menaghuh kasih kepadonyo, dan beghkato kepadonyo, "Satu hal yang kughang daghimu. Poghi dan juallah semuo yang kau punyo, dan boghikan kepado oghang miskin, mako kau akan mendapot haghto di sughgo. Lalu kemaghilah dan ikut Odan." ²² Namun, peghkataan itu membuatnyo susah hati dan io poghi dongan sodih kaghena io memiliki banyok haghto. ²³ Kohmudion, Yesus memandang kesekeliling dan keghkato kepado mughid-mughid-Nyo, "Betapo sulitnyo bagi megheka yang kayo untuk masuk keghajaan Allah!" ²⁴ Mughid-mughid teghkojut pado peghkatoan-Nyo. Namun, Yesus beghkato lagi kepado megheka, "hai budak-budak, betapo sulitnyo untuk masuk keghajaan Allah! ²⁵ Lobih mudo seeko unto masuk molalui lubang jaghum daghipado oghang kaya masuk Keghajaan Allah." ²⁶ Mughid-mughid semakin toghkojut dan beghkato satu samo lain, "Lalu, siapo yang biso diselamatkan?" ²⁷ Yesus menegok kepado mereka dan beghkato, "Bagi manusia hal itu tidok mungkin, totapi tidak bagi Allah. Sobab, segalo sesuatu mungkin bagi Allah." ( Upah Mengikut Yesus ) ²⁸ Petrus mulo beghkato kepado Yesus, "Tengok, kami tolah meninggalkon segalo sesuatu dan mengikuti Engkau!" ²⁹ Yesus beghkato, "Odan mengatokan yang sebononyo kepadomu, tidok ado seoghang pun yang tolah meninggalkon ghumah, atau saudagho laki-laki, atau saudagho betino, atau ibu, atau ayah, atau budak-budak, atau ladang-ladangnyo kaghena Odan dan kaghena Injil, ³⁰ yang pado maso ini tidok akan meneghimo seghatus kali lipat -- ghumah-ghumah, dan saudagho-saudagho jantan, dan saudagho betino, dan ibu-ibu, dan budak-budak, dan ladang-ladang, dongan penganiayaan; dan pado maso yang akan datang, hidup yang kokal. ³¹ Akan totapi banyok oghang yang peghtamo akan menjadi yang teghakhir, dan yang teghakhir menjadi yang peghtamo." ³² Megheka sodang dalam peghjalanan naik ke Yerusalem Dan, Yesus kombali membawo seghta keduo bolas mughid-Nyo, Io mulo memboghitahukan megheka apo yang akan teghjadi pado-Nyo, ³³ kato-Nyo, "Tengok, kito sodang naik ke Yerusalem dan Budak Manusia akan diseghahkan kepado iman-iman kepalo dan ahli-ahli Taughat. Megheka akan menghukum mati dan akan menyeghahkan-Nyo kepado oghang-oghang bukan Yahudi. ³⁴ Megheka akan menghina-Nyo, dan meludahi-Nyo, dan mengojo-Nyo, dan membunuh-Nyo. Akan totapi, sesudah tigo haghi, Io akan bangkit." ³⁵ Kohmudion, Yakobus dan Yohanes, budak-budak Zebedeus, datang kepado Yesus dan beghkato, "Gughu, kami ingin Engkau beghbuat bagi kami apo sajo yang kami minto." ³⁶ Dan, Yesus beghkato, kepado megheka, "Apo yang kamu inginkan untuk Odan lakukan bagimu?" ³⁷ Megheka beghkato kepado-Nyo, "Izinkan seoghang daghi kami duduk di sebolah kanan-Mu, dan yang satunyo di sebolah kighi-Mu, dalam kemuliaan-Mu." ³⁸ Akan totapi, Yesus beghkato kepado megheka, "Kamu tidok tahu apo yang kamu minto. Sanggupkah kamu minum daghi cangke koci yang haghus odan minum yang dibaptiskon kepado-Odan?" ³⁹ Megheka beghkato kepado-Nyo, "Kami sanggup!" Lalu, Yesus beghkato kepado megheka, "Cangke koci yang Odan minum memang kamu minum, dan kamu akan dibaptis dongan baptisan yang dibaptiskan kepada-Odan ⁴⁰ Akan totapi, untuk duduk di sebolah kanan-Odan atau di sebolah kghi-Odan, bukan hak-Odan untuk memboghikannyo, totapi tompat itu adalah untuk megheka yang tolah dipeghsiapkan." ⁴¹ Mendongo itu, sepuluh mughid yang lain menjadi maghah kepado Yakobus dan Yohanes. ⁴² Lalu, Yesus memanggil megheka dan beghkato kepado megheka, "Kau tau bahwo megheka yang dianggap sebagai pemeghintah oghang-oghang bukan Yahudi beghbuat seolah-olah beghkuaso atas megheka. Dan, pejabat-pejabat megheka menggunokan kekuasaannyo untuk megheka. ⁴³ Namun, tidok sehaghusnyo di antagha kamu. Sebaliknyo, siapo sajo yang ingin menjadi bosogh di antagha kamu, haghus menjadi pelayanmu, ⁴⁴ dan siapo sajo yang ingin menjadi yang peghtamo di antagho kamu, haghus menjadi pelayan daghi semuonyo. ⁴⁵ Sobab, Budak Manusia pun datang bukan untuk dilayani, totapi untuk melayani, dan untuk memboghikan nyawa-Nyo sebagai tobusan bagi banyok oghang." ⁴⁶ Kohmudion, megheka sampai di Yerikho. kotika Yesus meninggalkon Yerikho beghsamo dongan mughid-mughid-Nyo dan oghang banyok seoghang pengemis buta beghnama Bartimeus, budak Timeus, sodang duduk di pingge jalan. ⁴⁷ Kotika io mandongo bahwo ado Yesus daghi Nazaret io pun mulo beghseru dan beghkato, "Yesus Budak Daud, kasihanilah oda!" ⁴⁸ Dan, banyok oghang menegughnyo dan menyughuhnyo diam. Namun, io semakin beghteriak, "Budak Daud, kasihanilah odan!" ⁴⁹ Lalu, Yesus beghhenti dan beghkato, "Panggil dio." Dan, megheka pun memanggil oghang buta itu dan beghkato kepadonyo, "Teguhkan hatimu! Beghdighilah, Io memanggilmu." ⁵⁰ Sambil melopaskan jubahnyo, oghang buta itu beghdighi dan datang kepado Yesus. ⁵¹ Dan, Yesus beghkato kepadonyo, "Apo yang kamu inginkan untuk Odan lakukan bagimu?" Oghang buta itu memjawobm, "Ghabi biaghkan odan menengok." ⁵² Lalu, Yesus beghkato kepadonyo, "Poghilah. Imanmu tolah menyombuhkkanmu." Seketiko itu jugo, io mendapotkan kombali penglihatannyo, dan io mengikut Yesus sepanjang jalan.