¹ "Ngan nyurat na pala' malaikat ya ngkin kulunan mengelan ko' Sardis: Ini ta tebara A, ya' un ketusu' Roh Allah, ngan ketusu' bettuen iti: Aki' tisen ketu' gayeng o': iku' ire bara' murip, tem iri matai o! ² Beti' na, ngan payeng na ineu ya' sa' un ya loo ke matai, ye ufana mpei un se umet gayeng o Aki' tegu pedekep kujume jume Allah E. ³ Tuman na mengiti ngetawai na, mengempei o' ala' ngan sekening a: baya naiti ngan pekaliu na urip o! Tuman a buke iku' nce un pengan tua' na, Aki' ke nai kebaan kelunan kelasit ngan iku' nce un tisen neng dau ya mpei E kenai neseu lu pala' iku'. ⁴ Aken ko' Sardis un kura' use ya' nce un mengano sapai ra lupa: Ire ke nai masat ngan Aki' un sapai puti', tumanna na ire ta tekep neng iti. ⁵ I ya' menang, ye ke un sapai puti' ya ngiti: mpei ye ke menyarap ngaran na umet kitab pengurip, neng iti ke mekun ngarana neng jume Amai E' ngan ko' jume ketu' malaikat Ta. ⁶ Ii' un kelinge, sekening na ineu ya' ken Roh ti bara pala' kelunan kadu' ya mengelan." ⁷ "Ngan nyurat na pala' malaikat ira ngkin kelunan mengelan ko' Filadelfia: Ini ta tebara Ya' Buwe', Ya' Teneng, ya' ngkang alet Daud; buku Ye mesikka, mpei i' senteng mekep a; buke Ye mekep a mpei i' senteng mesikka. ⁸ Aki' tisen ketu' gayeng o': naat na, Aki' lepek mesik bamen kume iku', ya' nce un senteng dulu mekep na pa i'. Aki' tisen pengayeng o mpei mengempeia puun, aken iku baya' isiu E' ngan iku' mpei o menukak ngaran Ne. ⁹ Naat na, kura' use umet jemaah balei ja'at, ya' iti ire bara' use ra kelunan Yahudi, aken ya' lan na mpei mengiti un, ken se baka', ke Aki' nai ra pala' iku'. Lan na Aki' ke so'on ire nai ngan kemuup ko' jume taket o ngan mengaku, ufan Ne un lesau iku'. ¹⁰ Ufan no' baya daau isiu E', ngan tudep pekena Aki', nga E ke ngelirung iku' umet dau penesek ya' ke nai usun tana' ke mesek ire ya' un ko' tana' ini. ¹¹ Aki' nai ngan palet, ngkang na ineu ya' un pala' iku', apana nce un se kelunan pa ke ala' beluko o'. ¹² Ya' mpei menang, ye Aki' ka jadikan sokoguru ko dalem Bait Buwe' Allah E' ngan ye mpeia kenai kawang le'e met iti; ngan neng ye Aki' ke nyurat ngaran Allah E', ngaran lebu' Allah E', ya' iti Yerusalem maring, ya' nai kenta' umet surga umet Allah E', ngan ngaran E' ya' maring. ¹³ Ya' un kelinge, tiga tia sekening ineu tebara' Roh pala' jemaat-jemaat." ¹⁴ "Ngan nyurat na pala' malaikat jemaat ko' Laodikia: Ini ta isiu umet Amin, Tebara' ya' tudep ngan teneng, penaring umet kenuyan Allah: ¹⁵ Aki' tisen mung ke gayeng o', mpei o sengim ngan mpeio pana pu un. Unco tiga a buke iku' sengim ngan buke iku' pana! ¹⁶ Aken neng ufan no ngepaang-ngepaang lu' nce sengim ngan nce pana. Aki' ke muwa' iku' umet ba' E'. ¹⁷ Neng a undaauw o, "Aki' kaya' ngan ke pekaya use E' ngan mpei un se kekurangan ineu un," ngan empei ufan no tisen iku' kasip ngan taru, kasip, buta' ngan ugai. ¹⁸ Nga a Aki' pekatuk iku', apan no menelei umet Aki' emas ya' lepek ire ngepilau dalem apui, apan no ke jadi kaya', ngan pele'e kelayen puti', apan no ke un na, apan na iri ketula' penyee o ya' pe se e iku' ngan le'e kenyu' ke mu mo mate o, apan no senteng menaat. ¹⁹ Ii' ya' Aki' lesau, Aki' puteu ngan Aki' pekatuk; nga mengiti ti ngeli ba'na penawai o ngan pekaliu na! ²⁰ Naat, Aki' nekedeng neng ba' bamen ngan megok, buke un kelunan ya' sekening daau E' ngan nai mesik bamen, Aki' ke nai ke dalem ngan ye ngan Aki' uman sedingan ye ngan ye kuwa' sedingan Aki'. ²¹ Ya' mpei ka menang, ye ke Aki' puku'a pekua ngan Aki' ko' usun takhta E', kebaan Aki' pa lepek menang ngan uku' kua'-kua' ngan Amai E' ko' usun takhta A. ²² Ya' un kelinge tiga tia sekening ineu ya' daau Roh pala' jemaat-jemaat."