¹ "Nyurat na pala' malaikat ya ngkin kelunan ira ko' Efesus: Ini na isiu umet Ye, ya' ngkang ketusu' betuen iti neng usu' ta' au ngan masat ko' nengaang ketusu' taket suka apui iti. ² Aki' tisen mung ke gayengo': tiga pa neng dite tengayet to' ngan neng ketudep po. Aki' tisen mpei o ke senteng dena' kimet neng kelunan-kelunan ja'at, ufan no' lepek mesek ire ya' bara' use ra rasul, aken ya lan na mpei mengiti un, ufan no' lepek tisen ire kelunan baka'. ³ Ngan ngiri to o' un dena' kimet ngan tuyen neng ufan koon ngaran e'; ngan iku' pa nce un tisen lama'. ⁴ Aken na pia mengiti Aki peja'at too', ufan no lepek kelupi' pengelesau ya' met penarin. ⁵ Neng iti ngetawai lu o' pelalau dalem no'o tai labu'! Pekaliu na ngan uyai na le'e ineu ya' umet taring da. Buke ye nce mengiti , Aki' ke nai pala' iku' ngan Aki' ke ala' taket suka apui o umet ufana, buke iku' nce tai pekaliu. ⁶ Aken ini ya' un neng iku', ya' iti iku' nce un ufa' neng ketu' pemuyan ra baya Niklaus, ya' Aki' nce ufa. ⁷ Ya' mpei un kelinge, tiga tia sekening ineu ya' ken Roh pala' kelepeng kelunan ira mengelan: I' ya' ke menang, ye ya' Aki' ke menakan umet pu un urip ya' un ko' penemek Tuhan Allah." ⁸ "Ngan nyurat na pala' malaikat ya ngkin kelunan kadu mengelan ku' Smirna: Ini na isiu umet ya' penaring ngan ya' ko o, ya' lepek matai ngan murip ngeluet: ⁹ Aki' tisen penusa o' ngan ke kasip o' aken iku kaya'- ngan suto'ra, ya' bara' usera kelunan Yahudi, ken ya' atek lan mpei mengiti un: buke ileu menaatta ke ire ta ke mpun kelunan Balei ja'at. ¹⁰ Iri' mentam neng ineu ya' iku' tusa! atek lan na Balei ja'at ke bet kura' use nengaang ikam ku' amin sepen apan nem siu' tesek ngan ikam ke un tusa seng dalem pulu dau. Tiga to'o tudep pafi' matai ngan Aki' ke mencai kume iku' beluko pengurip. ¹¹ Ya' mpei un kelinge, tiga tia sekening ineu ya' ken Roh pala' kelepeng kelunan ra mengelan: I' ya menang, mpei a tuyen un ineu-ineu neng patai ya' kedue." ¹² "Ngan nyurat na pala' malaikat yang ngkin kelunan mengelan ko' Pergamus: Ini na tebara A, ya ngkang malat lerip pipa: ¹³ Aki' tisen ko' mpei o' ufan no', ya' iti ka'a ti ta, ufan Balei ja'at ngan iku' ka ngkang pala' ngaran Ne', ngan iku' nce un kelupi' pengelan no pala' Aki', mpeia kebaan daleu urip Antipas, ira menaat Aki', ya' tudep pala' Aki', ya' ire menatai neng jume nem, ko mpei balei ja'at iti un. ¹⁴ Aken Aki' un kura' ke baat kimet pala iku: neng aang ikam un kura' kelunan ya' baya' katuk bileam, ya' pekatuk pala' Balak ke pelingeu kelunan Israel apanra ke uman pengencai ya' ja'at ngan ke uyai puyan-puyan apa. ¹⁵ Mengiri pa un pala' ikam kelunan-kelunan ya' ngkang pala' katuk baya Nikolaus. ¹⁶ Neng iti pa pekaliu na urip! Buke ye nce mengiti, Aki' ke nai palet pala' ikam ngan Aki' ke pe patai ngan ire ngan malat ya' un neng ba E' ini. ¹⁷ Ii' un kelinge, sekeninga na ineu ya' ken' Roh ti pala' kelunan kadu ira mengelan: Ii' ya' menang, pala' ye kemencai luti ya' penyuuke; ngan Aki' ke mencaia pala' ye bateu puti', ya' ko usun na surat ngaran ya'maring, ya' dulu nce un tisen, neng o ye ya' ala'a." ¹⁸ "Ngan nyurat na pala' malaikat ngkin kelunan ira megelan ko' Tiatira: Ini ta isiu Anak Allah, ya' matea kebaan ang apui ngan taketa kebaan uton pilau: ¹⁹ Aki' tisen ketu gayeng o': tiga pa penglesau o ngan ngiri pa pengelan no tiga gayeng o ngiri pa tudep o. Aki' tisen, ye ufanna gayeng o ya kooa unco kadu' neng penaringa. ²⁰ Aken aki pejaat iku', ufan no pele ledo Izebel, ya' bara' usea nabiah, pekatuk ngan pelingeu kelunan ira baya' aki apan uyai puyan jaat ngan uman penguman pengecai pala pala balei jaat. ²¹ Ngan Aki' lepek tai awanga kume ye ke pekaliu urip, aken mpeia ufa' pekaliu uripa met puyan jaat. ²² Naat na, Aki' ke bet ye ko' usun tilung kelunan sakit ngan ire ya' ke uyai penyala' ngan ye Aki' ke bet ko' dalem penusa ja'au, buke ire nce pekaliu umet puyan-puyan ledo iti. ²³ Ngan anak-anak a Aki' lematai ngan mung kelunan mengelan ra mengelan ke tisen, ufan na Aki' ta menesek use ngan atai kelunan, ngan ufan Aki' ka menyua pala' ikam singket kelunan kebaan pemuyan ra. ²⁴ Aken pala' ikam, kelunan-kelunan ira se ko' Tiatira, ya' nce baya' katuk iti ngan ya' nce nugen ineu ya' ire bara' aken balei ja'at, pala' ikam Aki' ke bara': Aki' nce ufa' pesuun lempin ira se pala' ikam. ²⁵ Aken ineu ya' un pala' ikam, ngkang na iti pefi kenai Ye ngeluet. ²⁶ Ngan iya' ke menang, ngan ya ke tei gayeng E' pe pelepek a, pala' ye Aki' ke tai pengayeng usun lebu'-lebu': ²⁷ Ngan ye ke soon ire neng utang uton; ire ye ke ngejuta kebaan kelenyo kebaan tukang kuren kua kebaan ya' Aki' ala' umet Tamak Ti. ²⁸ ngan ke pala' ye Aki' mencai betuen timur. ²⁹ I' un kelinge, sekening na ineu ya' Roh ti bara kepala' kelunan ira mengelan Tuhan."