¹ Yesus bara’ se ketenag kepalak ire untuk meteq daau, bahwa ire ka harus tangen sebayang ngan nceun tai nyelat. ² Un daauwa: “Dalen se lebuq jaau un se hakim yaq ence takut palaq Allah ngan ence un tunuk kelunan. ³ Ngan ko lebuq jaau inye un se ledo baleu yaq bang kenai palaq hakim inye ngan bara’: “Ngelirung hak e’ neng jume ira’ ngejume aki’. ⁴ Neng se kasan a hakim inye menyekang. Un o inye bara’ dalem ataia: Nag pee’ ence takut palak Allah ngan ence un tunuk palak tu’ kelunan, ⁵ ufana ledo baleu ini pelefe’ aki’, tiga nee’ peteneng inye, apana nyena bang kenai leeawai tiga ineu ngan kooa menyurup aki’.” ⁶ Un daau Tuhan: Ngetawaina ineu daau hakim yag jaat inye! ⁷ Unta Allah ka peteneng kelunan-kelunan penyile’a yaq singket dau nengalak palak Iye? Ngan un na ka pegut-pegut awang kenaa mebo ire? ⁸ Aki’ bara’ kume ikam: Iye ka petajen ka peteneng ire. Ka un o, buk Anak Kelunan iti kenai, ka un tia ka tegu’ iman ko usun tanak?” ⁹ Ngan kepalak kura’ use kelunan yaq naq usera teneng ngan menaat libaq ira’ se, Yesus bara’ ketenaq ini: ¹⁰ “Un due use kelunan tai ko Lamin Allah tai sebayang; un sena se kelunan Farisi ngan yaq sena pemungut cukai. ¹¹ Kelunan Farisi inye mengedeng ngan sebayang dalem ataia mengini: Aa Allah, aki’ bara’ syukur palak Iku’ tumanna aki’ empei e’ kuwaq kobaan ketu’ kelunan ira’ seni un, empei e’ mengelau, empei e’ jaat, empai e’ pezinah ngan lee empai e’ kobaan pemungut cukai ini; ¹² aki puasa due luwai dalem se minggu, naqpa persepuluhan met ketu’ bang gayeng e’. ¹³ Naq pia mengiti pemungut iti mengedeng su’-su’, ngan lee empeia makang menaat ko langit, suloa meban usea ngan petira’:Aa’ Allah lesau nee’ aki’ kelunan yaq salak ini. ¹⁴ Aki’ bara’ kume ikam: Kelunan ini tai uliq ku laminna kobaan kelunan yaq lepeq Allah peteneng ngan kelunan ira’ se empai un. Tumanna i’ yaq pempau usea, iye ka tai libaq ngan i’ yaq ngelibaq usea, iye ka tai kempau.” ¹⁵ Sulo nai kelunan-kelunan nai engkin anak-anak ra yag iut kepalak Yesus, apanna Iye engkang ire. Menaat iti murid-murid ta laset kelunan-kelunan ira’ iti. ¹⁶ Naq pia mengiti, Yesus bai ire ngan petira’: “Ineu pa anak-anak ira’ inye nai kopalak Aki’ ngan nyen nem mempeng-mempeng ire. Tumanna kelunan yaq kobaan itina yaq kaun Kerajaan Allah. ¹⁷ Aki’ bara’ kume ikam: yaq lanna i’ ira’ ence un alak Kerajaan Allah kobaan se anak iut ini, empeia ka ketai ko dalem a.” ¹⁸ Un daau se pengjaau lemuteu kopalak Yesus, undaaua: “Guru’ yaq tiga, ineu yaq lan aki’ ka ketei ufanne’ ka alaq urip yaq nyain?” ¹⁹ Un daau Yesus: Ineu tumanna iku’ naq Aki’ Tiga? Empei un se kelunan yaq tiga neng o Allah tilu’. ²⁰ Kaun too’ ka tisen ketu’ katuk Allah: enyen berzinah, enyen menatai, enyen mengelau, enyen ngebakak, nyelimaqna tamen nem ngan sinen nem.” ²¹ Un daau kelunan iti: Ketu’ ira’ inye lepeq aki’ bayaqna daleu wat e’da.” ²² Sekening inye Yesus bara’ kume iye: “Un lu’pa se eneu lee yaq ka iku’ ka ketei: pebeleina ketu’ yaq iku’ un inye ngan petulat-petulatna kopalak kelunan-kelunan kasip, nga lu’ o ka alak ineuko Sorga, o inye o naina ko ini ngan bayaq nee’.” ²³ Daleu kelunan itu sekening tira’ itu, iye tai kelesau, tumanna iye kayaq alek. ²⁴ Sulo Yesus menaat iye ngan bara’: “Tuyen ale’ dite kelunan ira’ kadu’ uang ka ketai dalem kerajaan Allah. ²⁵ Tumanna masa’ ka melai se unta tai dalem se lufang lo neng o se kelunan kayak tai dalem Kerajaan Allah.” ²⁶ Ngan ire yaq sekening iti bara’: Buk a mengiti, i’ lu’ yaq ka senteng kaselamat? ²⁷ Un daau Yesus: “Ineu ya ence un lan kume kelunan, lan kume Allah.” ²⁸ Petrus petira’: “Ami’ni lepek peleq ketu’ ineu me’ ngan nai ngebayaq iku.” ²⁹ Un daau Yesus kume ire: “Aki’ bara kume ikam yaq lanna ketu’ kelunan yag tumanna Kerajaan Allah peleq laminna, ledoa ngan senganaka, tuaa ngan anak-anaka, ³⁰ ka alaq ngeluwet due luwet naq kini ta, ngan dau yaq ka kenai iye ka alaqurip yaq nyain.” ³¹ Yesus bai keduwe suwi’ pulu’ use yaq bayaq Iye, sulo petira’ kume ire: “Tai nilu naq kini ko Yerusalem ngan ketu’ ira’ ufan nabi menyurat mengenai Anak Kelunan ka digenapi. ³² Tumanna Iye dulu ka naq kopalak bangsa-bangsa yaq ence un tisen Allah, petaro-petaro, pejaat, ngan ngejulak, ³³ ngan ire petuyenna ngan menatai Iye, ngan neng dau yaq ketileu Iye ka nai beti’.” ³⁴ Naq pia mengiti ire ti empei ra tisen ketu’ ira’ iti; arti isiu iti kelirung kume ire ngan empai ra tisen eneu sedepa. ³⁵ Kena Yesus ketai pafi’ Yerikho ti, un sekelunan butaq uku’ neng sare janan ngan mengak pengencai. ³⁶ Daleu kelunan itu sekening daau kenai kelunan kadu’, iye lemuteu: “Ineu inye? ³⁷ Un daau kelunan mipa iye: “Ni kenai Yesus, kelunan Nazaret ka lalau,” ³⁸ sulo a ngelalo: Yesus anak Daud, lesau ne e’!” ³⁹ Sulo ira’ masat mase jume penjeng iye apanna ence un pisiu. Naq pia mengiti apan so a ngelalo lu’: “Anak Daud , lesau ne e’!” ⁴⁰ Sulo Yesus ngeline’ ngan soon ire engkin kelunan inye kopalak inye. Daleu a lepeq undani’ Iye, Yesus lemuteu palak iye: ⁴¹ “Ineu yaq iku’ ufa’ Aki’ ka uyai kume iku?” Un daau kelunan itu: “Tuhan apan na aki ni senteng menaat!” ⁴² Un daau Yesus kume iye: “Menaat noo, pengelan noo lepeq page (menyelamatkan) iku’!” ⁴³ Ngan daleu iti tia menaat ngan tiga, sulo a ngebayaq Iye ngan pempau ngaran Allah. Ketu’ kelunan menaat puyan iti ngan pempau-pempau Allah.