¹ Daree dee doo anaan, teguu' lim murid nya'vaang temoh, te' ji' keluhan nyemo man kelunaan-kelunaan Helenis kenaan da' balo' dahaa' mam d' abaikan halaam pelayanan kumaan putung do'. ² Kenaan,puluu' dua' rasul anaan te' muvii' lim mured dahin duaan, "Jaan na' laan ha' kame' ju'ung jaan puto firman Tanangaan demi melayani mijaa'. ³ Kenaan anaan, p'lo' Harik, pilii' im' tusuu' kelunaan man haang p'lo' alaang laan sayu', penuu' dahin Ta' Na' Paran dahin hikmat, alaang an' kame' ju'u nayaan hadi' ani'. ⁴ sedangkan, kame' sang mahali' halam sabayaang dahin halam pelayanan firman." ⁵ Daho' anaan na' kenaap lim kelunaan senaang. Dahin, dahaa milii' Stefanus, kelunaan alaang penuu' dahin iman dahin Ta' Na' Paran, pejii' Filipus, Prokhorus, Nikanor, Timon, Parmenas, dahin Nikolaus, ji' kelunaan Proselit man Antiokhia. ⁶ Dahaa' ani' an' geri' ha' nang dahaa' rasul, dahin au' sabayaang, dahaa' rasul mete' usu'u dahaa' ha' usuun tusuu' kelunaan anaan. ⁷ Firman Tipang temo' puraah dahin araak mured ha' Yerusalem makin ngahum. Bahkan, ji' kelompok taat ha' iman anaan. ⁸ Dahin, Stefanus, penuu' ta' anugerah dahin kuasa, au' na' gat alaang menakjubkan dahin ina' ina' ajaib ha' haang kelunaan kahum. ⁹ Tapi', te' kuri' kelunaan man sinagoge, sayuu' kelunaan man Kirene atau kelunaan man Aleksandria, dahin te' kuri' kelunaan man Kilikia dahin Asia, biti' pano' dahin Stefanus. ¹⁰ Tapi', dahaa' anaan jaan lee' ngelawan kebijaksanaan dahin Paran alaang dahin-Na Stefanus pun duaan. ¹¹ Au' hiti', dahin ngeraam ngeraam dahaa ngasot kuri' kelunaan hujung megi', "kame' au' ngering kelunaan ani' na' daho' alaang mam tenaang ha' Musa dahin Tipang!" ¹² Dahin, maharu kelunaan ngahum, kunaan aya'a, dahin ahli ahli Taurat, au' hiti' te' ha' Stefanus, mekaam hia, au' hiti' an' da' gerii' h' nang Sanherdrin. ¹³ Dahaa' ngadaap saksi saksi mamoh alaang duaan, "Kelunan ani' jaan kala' ngeraam megi' daho' alaang ngelawan nayaan kudus ani' dahin Hukum Taurat. ¹⁴ Kenaan, kame' au' ngering hia duaan kenaan Jisus man Nazaret sang nasaa' nayaan ani' dahin ngubah adat istiadat alaang au' an' da' wariskan Musa ha' ita'." ¹⁵ Dahin, teguu' nyinaang nang Stefanus, lim kelunaan pah alaang melo' halam Sanhedrin nyinaang nang na' nekelung nang malikat.