¹ Tapi, te' ji' kelunan lake araan Ananias, peji' dahin hawa'an dooh hia' Safira, pevele' harta hipun naa'. ² Dahin, hawa'an dooh hia' ni' jam Ananias apii' setengah hasel pevele' hia' man hia' daap, dahin geri' alaang setengah ina, lalo melo' ina' ha' nang lim rasul. ³ Tapi, Petrus megi', Ananias, na' nun Iblis penuu' ha' halam kenap ka' ataang ika' mamooh ta' Roh Kudus dahin apii' setengah hasel pevele' tanaa' anan? ⁴ Teguu' jaan pah ga' pevele', jaan tana' anan anum? dahin, au pevele' ina', jaan tana' anaan ha' hida' kuasa ka'? Na' nun ika' memikirkan gat ani' ha' halaam kenap ka'? Ika' jaan mamooh dahin manusia, tapi t' Tenangan." ⁵ Lalo, teguu' ngering dahoo' anan, Ananias pun lega' dahin ngepah hengaan alang baya'. Lalo, jadi nah akut alaang taya' ta' lim kelunan alang ngering gat anan. ⁶ te' d' kelunaan muda ataang, api' hia' dahin geri' hia' te hawa', lalo ngubur ne hia'. ⁷ Lalo, ha' halaam waktu jelang telo' jam, hawa'an dooh Ananias atang, tapi hia' mam jaam nun alang au daha' na'. ⁸ Dahin, Petrus duaan ta' hia', "Megi' man akui, te' ika' pevele' tana' anan dahin belin alang taya' nuni'?" Dahin, Safira duaan, "Ai' taya' nunaan." ⁹ Lalo Petrus duaan ta' hia' "Na' nun ika' dahin hawa'an ka' peji' bepekat juung nesa' Roh Tenagan? Nginaang, inaa' tuda' kelunaan alaang au ngubor hawa'an ka' masih te' ha' nang betaman dahin daha' pun sang muga' ka' hawaa'. ¹⁰ "Tekjat, Safira lega' ha' naang tuda' Petrus dahin ngepaah hengaan hia' alaang bayaa'. Teguu' kelunaan muda mutaam, daha' nginaang Safira au mate', lalo daha' geri' hia' ta' hawaa' dahin ngubor hia' ha' behenji' hawa'an hia'. ¹¹ Lalo, jadi nah akuut alaang taya' ha' antara lim jemaat dahin de' kelunaan alaang ngering daho' gat ani'. ¹² Ngahum tanda ajaib dahin mukjizat terjadi ha' antara kelunaan bangu' ngelalo usu' lim rasul dahin daha' paah dahin ji' kenaap te' ha' Serabi Salomo. ¹³ Jaan te' man alang bale' nevaah diri juung peji' dahin daha', tapi de' kelunaan paling memuliakan daha'. ¹⁴ Dahin, te' semakin ngahum ngua' jumlah kelunaan alaang pesaya' ha' halaam Tenangan, sejumlah taya' sayuu' lake sayuu' dooh. ¹⁵ Kenan anaan, daha' bahkan geri' de' kelunaan medaam ta' alaan-alaan dahin ngemiri' daha' ha' husuun tandu dahin kasur jerami sebe teguu' Petrus ataang, setidakna' bayangan hia' hamaan ga' man lim daha'. ¹⁶ Dahin, te' ngahum kelunaan ta' kuta-kuta ha' sekitar Yerusalem ataang peji', geri' de' kelunaan medaam dahin daha' alaang ga' rasok roh ula'. lim daha' hamaan ne sayuu'. ¹⁷ Tapi, lim imam aya' biti', peji' daha' pengikut hia', hia' nan golongan Saduki, dahin daha' penu' man ula' kenaap. ¹⁸ Daha' mekaam lim rasul dahin ngemutaam hia' ha' penjara umum ¹⁹ Tapi, teguu' malam doo, ji' kelunan malekat Tenangan ma'ap betaman-betaman penjara, geri' hia' ne hawa', dahin duaan, ²⁰ "leka', biti', dahin mai daho' ta' de' kelunan ha' uma' Tipaang lim firman tentang urip ani'." ²¹ Dahin, au daha' ngering ina', teguu' jelaang doo, daha' mutaam ha' uma' Tipaang dahin ne' pekale. Teguu' Imam aya' dahin de' kelunaan alaang peji dahin hia' ataang, daha' mava'ang Sanhedrin dahin lim Majelis muku Israel, lalo nyuhu' kelunan te ha' penjara juung geri' rasul-rasul anaan pehinaa' daha'. ²² Tapi, teguu' de' kelunaan suruhan anan ataang, daha' jaan havung dawa' rasul anan ha' penjara. Lalo, hia' nekulaah dahin mai daho', ²³ dahin duaan, "Kame' havuung penjara anan mam ga' kusi dahin lim pengaman dahin lim rasul nekering ha' nang betaman, tapi teguu' kame' ma'ap na', kame' jaan havuung ji' kelunaan pun ha' alaam ina." ²⁴ dahin, teguu' kepala penjaga uma' Tipang dahin lim imam kepala ngering daho' anaan, daha' paling bingung dahin lim rasul anaan dahin metaang nuno' hamaan gat anan terjadi. ²⁵ Lalo, ji' kelunaan ataang dahin megi' daha', "Nginaang! de' kelunaan alaang ika' nemutaam ha' halaam penjara tengaah nekering ha' uma' Tipang dahin pekale kelunaan bangu." ²⁶ Lalo, kepala penjaga uma' Tipaang dahin pengawal hia' leka' dahin geri' rasul-rasul anaan, tapi jaan dahin kekerasan tavit daha' akut ga' so bato' kenaan kelunaan bangu'. ²⁷ Teguu' daha' au geri' Petrus dahin Yohanes, daha' nginaang kan hia' ta' Sanhedrin. Lalo, Imam aya' metaang daha', ²⁸ kurin hia' "Kame' au ngelarang ika' naje' sebe jaan ngua' pekale ha' halam araan anaan, tapi ika' au memenuhi Yerusalem dahin ajaran ka' dahin ika' te' maksud juung menanggungkan dahaa' kelunan ani ta' kame'." ²⁹ Tapi, Petrus dahin lim rasul nyue, "Kame' harus ngua' menaati Tipaang man manusia. ³⁰ Tipaang uku' aya' ita' au ngebiti' Yesus, alaang au ika' nelemate dahin ngatungkan hia' ta' kayo' saleb. ³¹ Tipaang ngebo Hia' ha' usu beta'oh hia' sebagai pemimpin dahin Juru Selamat juung mai pertobatan ta' Israel dahin pengampunan husun dusa-dusa. ³² Dahin, kame' ni' saksi-saksi man paah ani', dahin nunaan pun Roh Kudus, alaang au Tipang mai ta' de' kelunaan alaang naat Hia'," ³³ Teguu' daha' ngering gat anaan, ate' daha' ga' tusok dahin bermaksud juung nelemate lim rasul anaan. ³⁴ Tapi, ji' kelunan Farisi alaang araan Gamaliel, ji' kelunaan guru Taurat alaang ga' hurmat lim kelunaan, nekering ha' naang Sanhedrin dahin nyuhu' sebe lim rasul anaan ga' geri' ha' hawa' aki'. ³⁵ Lalo, hia' duaan ta' daha', "Hai de' kelunaan Israel, nginaang dahin sesama nun alaang sang ika' na' ta' de' kelunaan ani'. ³⁶ Kenaan, beberapa waktu alaang lalo, Teudas biti', ngaku hia' ni' kelunaan penting dahin kira-kira te' epaat atu kelunaan alaang peji' dahin hia'. Tapi, hia' ga' nelemate dahin lim pengikut na' puraah, ataang jaan te' ngua'. ³⁷ Au Teudas, Yudas man Galilea biti' teguu' do sensus, dahin mihir kelunaan ngahum juung ne hia'. Hia' pun ga' nelemate dahin lim kelunaan alang ne hia' puraah. ³⁸ Kenan anaan, ha' halaam kasus ani', akui ngenasehat ika': im su' de' kelunaan ani' dahin nyebe daha'. Kenaan, ha' rencana dahin perbuatan ani' berasal man manusia, gat ani' jaan sang berhasil. ³⁹ Tapi, ha' rencana ani' berasal man Tipang, ika' jaan sang sanggop menghentikan na'. Bahkan, ika' mungkin sang kela ngelawan Allah." ⁴⁰ Daha' nurot nasihat Gamaliel. Au anaan, au muvi' dawa' rasul anaan, daha' nukul dawa' dahin mam nyuhu lim rasul juung duaan halaam araan Yesus, lalo mela' nina'. ⁴¹ Kenaan anaan, rasul-rasul ani' leka' man nang Sanhedrin dahin bersukacita kenaan daha' nganggap pantas peraah ga' hina tavit araan-Na'. ⁴² Dahin, putung do, ha' uma' Tipang dahin man uma' ta' uma, daha' maam kala' berhenti pekale dahin mai daho' Injil bahwa Jisus lah Kristus.