¹ Lim kelunaan alang au perah kenaan an ta' na budak jaan da' pesalaa' hia'. ² Tapi lim budak alang taya' naan kelunaan pesaya' , jaan usah man hormat ta' daha' kenaan daha' naan da amin ta' alang peji kenap. nutik pi na alang au, lim budak jaam da' nuno tun daha' ngelayan tamin na dahin sayuu' vaa' kenaan alang maii berkat pelayanan hia' ti ka kelunaan-kelunaan alang pesaya' dahin alang an da' masii'. Da' pekale dahin an da' tebaraa na lim gat-gat anek man daha'. ³ Ha' tek kelunaan alang pekale gat bale alang jaan na' mek tun na' ti dahin dahok alang laan man Tanangaan taa' Kristus Yesus dahin jaan na' mek tun gat alang an da' pekale ta' kesalehan, ⁴ hia' naan kelunaan lee mamoh dahin jaan jaam lim nun. Hia' na ikam jii' tuvaa' dahin mem pake daho' alang sayuu', alang lee duvaan tuvaa ' alang pehemo kenap ja'ak, pe ja'ak kelunaan, duvaan kelunaan dahin hipun kenap ulak, ⁵ dahin hia' na temoh alang naa' gat man tenang tahaang kelunaan alang kenap na au man tenang dahin man ikam gat sayuu', alang kurin naa kesalehan na ka tun daha' ilo untung. ⁶ Tapi, kesalehan alang tugung sayuu' asa maii gat sayuu' alang tayaa'. ⁷ Kenaan, itak jaan gerii' nun lim teguu' mutaam ha' dania dahin itak lim jaan hamaan gerii' nun lim teguu' ta' musaang man dania anek. ⁸ Ha' au te' peng'ngumaan dahin hakauv, ita' au nekelung hipun. ⁹ Kelunaan alang ikam hipun lim gat legaa' halam sang te ga' tesak dahin gat alang an da' ta an, pejii' lim nafsu alang magaov dahin ngeperah alang sang mu'veh kelunaan-kelunaan te halam lim gat alang ja'ak dahin alang sang ngeperah. ¹⁰ Kenaan, cinta ta' duit hia' ti ka akah man lim gat ja'ak. Kelunaan-kelunaan alang ngaso' duit au nya'yaang man kenap laan dahin ngeperah lu'ung na dap dahin lim gat alang man senaang. ¹¹ Tapi, ikak kelunaan alang man Tipang, im peksuu na lu'ung kan man lim inak naan. livoh na gat alang sayuu',kesalehan, iman, le masii', kenap alang aruu', dahin penuu kenap lemaa. ¹² Naa' laan na halam kenap alang sayuu' dahin mekam nah ta' urip aruu' alang kenaan na' ikak an da' uvi teguu' ikak ngaku' maii alang sayuu' ha naang lim kelunaan bang'ngu alang nyinaang. ¹³ Ha' naang Tipang alang maii urip husaun man lim gat dahin ha' naang Jisus Kristus alang mai pengakuan alang sayuu' teguu' pehinang dahin Pontius Pilatus, akui nyuhuu' ikak, ¹⁴ kurik ni ikak manoo daho' anek dahin jaan na' gat pamu au hia' ti jaan na usah mukeh atang Tanangaan ta' Kristus Jisus atang. ¹⁵ Teguu' do alang au an Na' naa', Hia' sang atang ne megii' Hia' na ka jii' kelunaan alang himun lim gat ha' tana ida atang husun, Raja ha' husun raja, dahin Tuan ha' husun tuan. ¹⁶ Hia' na dap ka alang aru urip, alang murip halam gagt ma'lah alang nekelung nun alah na, alang jii' kelunaan man kalak lem'nang Hia'. Kenaan Hia', lim gat alang sayuu' dahin alang aruu urip! Amin. ¹⁷ Jarun hia' ti, suhuu' na kelunaan-kelunaan alang hipun lim gat ta' dumaan alang kere ni' jung jaan daha' subong au hia' ti melok kenap daha' ta' gat alang an daha' hipun alang jaan na' laan, tapi laa' na lim ake ka ha' Tipang, alang nunaan kahum lim gat au an na' ai man itak jung an ta' hipun. ¹⁸ Suhuu' daha' jung daha' na gat sayuu', jadi hipun lim gat halam barik-barik sayuu' au hia' jadi kelunaan alang sayuu' kenap, dahin te' temoh mai. ¹⁹ Dahin nunaan, daha' sang nyekung nun lim gat alang te' man daha' dap ngayaan alang sayuu' ngayaan urip alang sang atang jung daha' hamaan mekam ta' urip alang laan na. ²⁰ Timotius, nyinaang na nun lim alang au an da' pesaya' ta' ikak. liung na man daho' alang duniawi dahin apor guhaang dahin alang man marung alang an daha' gii' " lim gat jaam". ²¹ Alang dahin ngakuk inak, kenap kuriik kelunaan au te nyayang. Anugerah livoh ikak.