¹ Jaan da' hamaan duvan dahin da' lake' alang au tya' man ita' mete' daho' mahing, tapi an da' na me' tun ka' dahin bapa, dahin im na da' lake' nyaam nekelung da' harim. ² Im na da' doh alang au taya' nekelung ine ka, dahin da doh nyaam ti im na nekelung harin doh ka dahin penuu kesucian. ³ Ngevarik sayuu' im dahin da balok-balok alang laan da' balok. ⁴ Tapi, ha' tek janda alang hipun anaak dahin soo, daha' naa ke'alang taharii' pekale nujok gat alang sayuu' man daha' jii' luvaang amin naa dap. Kenaan hia' ti' ka tun, dahaak au nekulah lim gat alang au an tamaan hinaan na' ai. kenaan gat hiak ni ka alang na Tipang senaang. ⁵ Dahin baloo' alang laan-laan baloo' au hia' ti' murip gerii' lu'ung dap, hia' hamaan melok kenaap ayaa' ta' Tipang dahin temoh mejuu' akee dahin sabayaang temoh ngetdo dahin au lingah malam. ⁶ Tapi, baloo' alang murip man tenaang mee' turin urip kelunaan dang, hia' au an da' gii' mate, mihaa' piha' murip loh. ⁷ Suhuu' lim pa lim gat anek man jamaat jung dahaa' jaan melaa' inaa'. ⁸ Tapi, ha' jaan jii' kelunaan alang man nyinaang da' amin na' dap, mee' tun da' amin jelang naa', ha' nunaan hia' au nyangal iman naa' dap dahin hia' na ka alang man tekap patee daripada kelunaan alang jaan pesaya'. ⁹ Balok alang mutam halam bukuu' hia' ti ayaan na' nam puluu' dumaan, au jadi havaan man jii' lakee', ¹⁰ dahin an da' jaam kenaan barik naa' alang sayuu'. alang au pekaya' da' anaak-anaak na', maii hia' ngyaan na' melak, mayo tudak kelunaan-kelunaan kudus, nulong kelunaan halam perah urip na, dahin na' laan halam hadii alang sayuu'. ¹¹ Au hia' ti, da' balok-balok alang doh nyaamjaan usah mutaam daha' halam bukuu', kenaan barik ikam naa' dahin da' lakek heya' naa ka alang na' dahaa' suu' man kristus, daha' sang ikam ngahavak vaa'. ¹² Gat anek ka alang naa' adat atang kenaan dahaa' au muveh dahoo' kam dahaa' dap alang au an dahaa' na teguu' hia' ti. ¹³ Behenji na' tii', dahaa' nahari duyaa, ngelilit man jii' umaa te ha' uma alang balee na' vaa'. bang hia' naa' tuvaa', dahaa' lim pa alang lee duvaan barik kelunaan dahin ikam duvaan hadi kelunaan bale, duvaan gat alang jaan na' haman an dahaa' duvaan. ¹⁴ Jadi, akui ikam jung da' balok-balok hia' naan ngahavaa' vaa', nganaa', dahin tuta'ang umaa' na' jung jaan te' daho' kelunaan vaa' ta' dahaa'. ¹⁵ Kenaan hia' ti, te' kurii' kelunaan au pudee ha' sitan. ¹⁶ ha' te' da' doh alang pesayaa' jaan usah an da' pebahaat, dahin gereja te' nulong balok-balok balee alang laan-laan ikam an da' tulong. ¹⁷ Penatua-penatua alang lem'nang jemaat dahin sayuu' hamaan laan an ta' apii' duaa' kali lipat, nunaan pa daha' alang nyadi laan halam mai tebaraa dahin pekalee kelunaan. ¹⁸ Kenaan, Bukuu' Tanangaan duvaan, " Am ngatung baa lembu alang muvar gandom," ¹⁹ Am apii' selemaa' alang an da' gaa' ta' panatua ha' jaan duaa' dahin telok kelunaan alang man nyinang inaa'. ²⁰ Dahaa' alang naa dusa an da' duvaan ta' na'ang kelunaan bang'ngu jung dahaa' balee man tevah naa dusa. ²¹ Ha' na'ang Tipang, Jisus Kristus, dahin lim malaikatalang da' pili, akui megi man ikaa', akui duvaan ikaa' dahin laan-laan jung pakee tujok-tujok anee' halam jaan ka' pek'nap alang man patut dahin jaan ka' milii' jii' tuvaa'. ²² Am haring lalee' metee usu ha' husun hii' lim dahin jaan usah livooh halam dusa kelunaan balee. Im nyinaang lu'ung ka' jung ma'ang temoh. ²³ Jaan usah duii' atak puti' tuvaa', tapi im tee uk anggur na ngayaan butit dahin lu'ung ka' alang ikam medaam. ²⁴ Dusa man lim kurii' kelunaan an ta' nyinaang sayuu' kenaan hia' ti kaa alang gerii' dahaa' an da' adat'. Tapi, dusa man kurii' kelunaan balee maring sang an ta' nyinaang au hia' tii'. ²⁵ Nuti' pa lim te' barii' sayuu' alang ta' nyinaang tenang. Tapi barii' sayuu' alang jaan hamaan ta' nyinaang, jaan na' lee an daha' huk.