¹ Man Paulus, alang jadi rasul Jisus Kristus kenaan suhu Tipaang, Juru Selamat ta, dahin Jisus Kristus, alang ta' kave. ² Man Ika' Timotius, anaa' alang laan halam iman. Anugerah, kahum asii, dahin urip alang sayu dahin Tipang Tamee ta. dahin Jisus Kristus, Tanangaan ta'. ³ Me' tun akui akee ta' ika' teguu' kui te ha' Makedonia, ⁴ ha' jaan ti ngait hinang daha' ta' lung-lung dahin silsilah-silsilah. ⁵ ha' jaan ti, man ngayaan dahoo' hia' ti asi' alang atang man kenap alang ma'ang, kenap alang sayu, dahin kenap alang lemaa. ⁶ Lim kelunaan au nya'yaang man ngayaan na' ni dahin lingo' halam daho' alang peleh-peleh. ⁷ Daha' ikam sang mekelung kelunaan jaam Hukum Taurat, tapi jaan jaam nun alang an daha' du'van dahin nun lim gat alang daha' pesaya'. ⁸ Au hia' ti pa, lim ita' jaam Hukum Taurat hia' ti sayu ha' kelunaan jaam mete' ina' nuno tun alang sayu. ⁹ dahin he'yah kenaan Hukum Taurat jaan da' na jung lim kelunaan laan, hia' ti ka ngayaan da jung jaan da mete' hukum dahin ngeperah sama daha', kelunaan fasik dahin kelunaan bedusa, kelunaan alang kudus dahin duniawi, daha' alang lemate hinaan dava' tamaan na daap, ¹⁰ kelunaan alang na dusa seksual,homoseksusal,penculik, mamoh, le duaan gat man laan, dahin hi lim alang memete' daho' alang sayuu, ¹¹ hia' ti daho' Injil alang maran man Tipang sumber Berkat, alang au na pesaya' man akui. ¹² Akui besukor ta' Hia' alang au naje' akui, hia' ti ka Jisus Kristus, Tanangaan taa, kenaan Hia' au megi akui au setia dahin melo' akui halam pelayanan ane'. ¹³ miha' pa una' de akui kelunaan jaa', le ngeperah kelunaan, dahin kelunaan alang jaa' pate. hia' ti va' akui nerima' asi na, kenaan una' de akui au na alang na suhu halam jaan kui jaam dahin jaan kui pesaya'. ¹⁴ Tanangaan mai man akui berkat alang kahum laan, peji dahin kenap pelaso dahin asi halam Jisus Kristus. ¹⁵ Daho' ane' hamaan da pesaya' dahin hamaan da apii' atang baya'-baya' ti kenaan Jisus Kristus atang ha' dania kenaan hia' sang ngapon kelunan-kelunan alang bedusa; tahaang daha', akui ni ka alang taya' laan dusa. ¹⁶ Kenaan bari' hia' ni ka, akui hipun asi aya', hia' ti ka jung daha' te' halam akui, kelunaan alang taya' dusa ane', Jisus Kristus megi kenap asi Na alang sempurna nekelung cuntoh na me' tun kelunaan alang sang pesaya' ta'-Hia' jung hipun urip alang aru-aru laan. ¹⁷ Man Raja aya' alang husun lim dumaan, alang aru urip, dahin jaan hamaan da nyinaang, Tipaang alang ji laan, nyekukur dahin kemuliaan atang baya'-baya' ti. Amin. ¹⁸ Daho' ane' a' ai man ika', Timotius, anaa' kui, nekelung daho' alang an daha' ai man ika', au hia' ti dahin daho' hia' naan na' laan im halam ka' naa gat alang sayuu, ¹⁹ halam ka' mekam ta' iman dahin kenap alang sayu. halam kuri kelunaan au jaan ikam na ina' kenaan hia' ti balaang naa kenap daha'. ²⁰ te' tahaang na Himeneus dahin Aleksander.