¹ Nahari daho', akui nebara ika' jung meju daho', sabayaang, sabayaang syafaat, dahin daho' syukur ta man lim kelunaan, ² man lim raja-raja, dahin lim kelunaan alang au melo' ha' halam pemerintahan jung ita' hamaan mano urip alang ninggaan laan dahin urip peplu halam lim sayuu na dahin kehormatan na. ³ Gat ane' sayuu dahin hamaan na ha' nang Tipaang, Juru Selamat taa, ⁴ alang nyuhu lim kelunaan an da selamat dahin atang man lim gat jaam jung atang gat laan. ⁵ Kenaan, jii' ka Tipang au hia' ti jii' ka alang tahaang Tipang dahin kelunaan, hia' ti ka kelunaan Jisus Kristus, ⁶ alang au mai lu'ung Na daap jung haman nebos dusa lim ta' kelunaan. Daho' laan ane' an da gi man do alang au an Na' naa. ⁷ kenaan hia' ti, akui au mela' ina' nekelung tebaraa. ⁸ Kenaan hia' ti, akui ikam lim da lake' hino lim ngayaan daha' te' sabayaang temoh meju usuu' daha' alang kudus halam jaan da heleh dahin pano'. ⁹ Nuti' lim pa, akui ikam da doh mete' hakov alang sayu, penuu dahin supan na au hia' ti jaam na lu'ung na sayuu. perhiasaan na jaan nekelung buu' alang da ngatung pebiyaang dua', emas, mutiara, dahin lim hakov mahal, ¹⁰ ha' kina' bari'-bari' alang sayu nekelung doh alang hipun adat. ¹¹ Da' doh ti hamaan daha' pekale halam lengyo dahin halam lim gat alang da ta'at laan. ¹² Hia' kanaan , akui jaan ikam daha' doh pekale dahin nyuhuu' da lake'. ha' kanaan, daha' doh hamaan pelema kenap daha'. ¹³ kenaan Adam da na taharii', au hia' ti va' Hawa, ¹⁴ Dahin bang Adam alang an daha' mamoh, hia' kanaan da doh alang an da mamoh dahin legaa' halam pelanggaran na. ¹⁵ Au hia' ti, daha' doh sang daha' selamat lalo man nganaa' anaa' ha' daha' murip temoh halam iman, asi, au hia' ti halam kudus dahin pepkaam lu'ung.