¹ Dansanak- dansanak nu kukasihi, inyah surat nu kadua nu ku tulis gasam dayam. Dalam kadua surat intuh, aku bausaha mambangkit akan pikiran dayam nu murni wan cara maingatakan dayam, ² supaya dayam maingat panderan nu lawas nu talah disambat ali nabi- nabi kudus wan parintah- parintah Tuhan ing Juru Selamat malalui buhan rasul. ³ Partama- tama, Katahuilah bahwa hari- hari paampihan kaina, bubuhan pahuhulut akan datang gasan maumpati hawa nafsu buhannya nu badosa. ⁴ Buhannya pacangan baucap, '' Mana tih janji tantang kedatangan-Nya? ali sejak datu- nini- muyang kita mati, sagalanya sining bajalan nu kaya panambayan Penciptaan''. ⁵ Sababbuhsannya tinghaja mangalumpanani kanyataan bahwa ali firman-Nya, langit talah ada sejak bahari kala, ing bumi dijadiakan tumatan aying malalui aying. ⁶ lawan, ing aying intuh jua, dunia nu ada wayah intuh di layap akan ing aying ba'ah. ⁷ Tagal, ali firman nu sama, langit ing bumi nu ada wayah inih ditaruh cagar dibanam ing api pada hari pahakiman ing kahancuran urang- urang jahil. ⁸ Dansanak- dansanak nu ku kasihi, jangan kalumpanan kanyataan inih: Bagi Tuhan, sahari sing saribu tahun wan saribu tahun sing sahari. ⁹ Tuhan kada suah maulur- ulur mamanuhi janji- Nya sing nu dianggap babarapa urang sebagai keterlambatan. Sabaliknya, Inya sabar tahadap dayam alih Inya dada hakun saikongpun nang binasa, tatapi cagar samunya urang kawa datang ka pertobatan ¹⁰ Hari kadatangan Tuhan talah tiba sing saurang pancuri wan langit akan hadam ing suara nu hangkuy banar. pakakas- pakakas langit pacang lingis mandah ali api nu hangat, wan dunia ing sagala isinya pacang habis mandah ¹¹ Jaka sagala sesuatu pacang dhancur akan ing cara inih, sing napakah dayam harus hidup? Bukankah dayam harus hidup suci wan mangabdi ka Allah. ¹² Sambil mahadang-= hadang ing malakasi hari kadatangan Allah? wayah hari Tuhan, langit talah hancur ali api, lawan pakakas- pakakas langit lunuh ali panasnya api. ¹³ Tagal, sasuai ing janji Allah, kita mahadang- hadang langit ing bumi nu hanyar, wadah urang- urang nu bujur bagana. ¹⁵ Anggaplah kasabaran Tuhan ntuh sabagai kasampatan gasan kita manarima keselamatan. Sama ing Paulus, dansanak terkasih kita, tulis akan gasan dayam ing hikmat nu dibari akan ali Allah gasan inya. ¹⁶ Inya jua manyambar akan hal- hal inih disuratnya nu lain. Bujur ada hal- hal nu ngalih di mangarti sahingga diputar balik akan ali urang- urang nu badal nang lamah iman nya. Buhannya juamalakuakan nhya dibagian- bagian lain tumatan Kitab Suci, nu ma akibatakan kabinasaan atas bukang buhannya swaurang. ¹⁷ Dansanak- dansanak ku nu kukasihi, ali dayam talah mangatahui tantang hal inih, bahati- hatilah supaya dayam jangan taumpat atawa tasasat ali kesalahan tuymatan urang- urang nu dada mangenal hukum. Janganlah dayam anjak tumatan iman mu nu kokoh ¹⁸ Tatapi, batumbuhlah dalam anugerah ing pengenalan akan Tuhan ing Juru Selamat kita, Yesus Kristus. Bagi Sidinlah kamuliaan, wayah inih hampai salawas- lawasnya! Amin.