¹ . Waktu jaman bahari kala, ada nabi- nabi palsu ditangah- tangah umat Allah, kaya wayah inyah ing jua ada guru- guru palsu ditangah- tangah dayam nu basambunyi mangajari papadh nu dada bayik, bahkan malawan Tuhan nu talah manabus bubuhan nya hingga mandatangakan kahancuran nang lakas atas bukang nya saorang. ² . ing, akan ada bayak urang nu maumpati cara hidup buhan nya nu dada bamoral, wan ali buhannyalah , jalan kabanaran di awalakan. ³ . lawan manguluh buhannya maambili untung tumat dayam mamakai pandaren nu manipu; ajapan gasan buhannya nu talah disiapakan mulai baharikala ing dada mungkin dilalambatakan, ing kahancuran buhannya kada pacang taguring, ⁴ . Ali, jaka Allah dada nu manahan diri katika buhan malaikat badosa, malainkan mambuang buhannya kadalam api nu kekal (Neraka) ing mambariakan buhannya ka dalam rantai kawadah nang kadap gasan ditahan hampai hari pahakiman, ⁵ . ing jaka Allah jua dad manyayangakan dunia jaman bahari kacuali Nuh, urang nu mahabarakan kabanaran basamaan pitu (Tujuh) urang nang lain, tatapi mandatangakan aing ba'ah nu dalam banar ka atas dunia nang dada maminandui Allah; ⁶ . ing jaka Allah ma'ajap Kota Sodom ing Gomora wan cara maramukakan kadua kota intuh hampai manjadi habu, wan manjadi akan buhannya manjadi contoh manganai napa haja nu pacang tajadi gasan urang- urang nu awal kalakuannya nang hidup ka inanya; ⁷ ing jakanya Allah manyalamatakan Lot, urang nang bujur intuh, nang mandarita ali cara hidup nang najis tumatan urang urang nang dada tahu hukum, ⁸ (gasan samantara waktu, Lot hidup ditangah- tangah buhannya saban daway, wan jiwanya nu mandarita banar ali mailing wan mandangar gawian- gawian nu jahil nang inya lihat ing dangar;) ⁹ makanya Allah pasti tahu banar sing apa malapasakan urang- urang nang bujur tumatan pencobaan in g manahan urang- urang nu jahil gsan diajap pada hari pahakiman. ¹⁰ ta husus gasan urang- urang nang mamuasakan bukang nya ing kecemaran, lawan mahuluti parintah. Ing harat wan sombong, guru- guru palsu intuh dada ingawan mamajahi makhluk- makhluk nang mulia. ¹¹ padahal buhan malaikat nang walaupun labih harat ing labih bakuasa dibandingakan ing buhan nya, ing dada maucapakan tuduhan nang baisi hujatan kawadah buhannya dihadapan Tuhan. ¹² guru- guru palsu intuh kaya binatang nu dada baakal, nang dikaluarakan gasan ditangkap wan dimatiakan. buhannya manghujat napa nang kada buhannya tahu, pacang dibinasaakan kadalam kahancuran buhannya saurang; ¹³ buhannya akan ditimpa kajahatan sabagai upah atas ulahan buhannya nang jahil. buhannya maanggap bamabuk mabukan wayah hari dawai sabagai kasanangan buhannya adalah nuda dan cela,basukaria dalam muslihat buhannya imbah makan basasamaan ing dayam. ¹⁴ buhannya baisi mata nang hibak nafsu perjinahan wan nu dada baranai baulah dosa, buhannya manggoda urang- urang nu lamah jiwanya, wan hati buhan nya talah tabiasa dalam kasarakahan. Buhannya intuh adalah anak- anak nang takutuk! ¹⁵ buhannya maninggalakan jalan nang bujur wan maumpati jalan nang sasat (kada ngangaruan), nintu jalan Bileam bin Beor, nu suka manarima upah gasan ulahan nang jahil. ¹⁶ Tagal, inya mandapat taguran nu karas ali pelanggaran nya tumatan saikong keledai nu bisu, tagal nu bisa baucap ing suara manusia hampai mahampihakan ulahan gila nabi intuh. ¹⁷ urang- urang intuh nu kaya mata aing nu karing wan nu kaya kabut dikibas ali badai. Kakadapan nu paling pekat talah di sadia akan gasan buhannya. ¹⁸ lawan ing pamandiran nang sombong, tagal dada baisi, buhannya manjarat urang- urang nu talah lapas ali buhan nya nang hidup dalam kesesatan ing kahandak- kahandak daging ing parcabulan. ¹⁹ Guru- guru nu palsu intuh manjanjiakan kebebasan padahal buhannya saorang gin budak tumat kabinasaan. Ali, napa haja nu talah manaklukakan sasaurang, ka inyalah urang intuh dibudakakan. ²⁰ sabab, jaka buhannya talah dilapas akan tymatan pancamaran dunia nu jahil maliwati pengenalan akan Tuhan ing Juru Selamat kita, Yesus Kristus, tagal imbah intuh babulik pulang ka dunia nu jahat ing dikuasai alinya, hampai- hampai buhannya intuh labih buruk lagi pada nu talah- talah. ²¹ bakal labih baik jaka kada suah tahu ing jalan kebenaran intuh, daripada imbah tahu buhannya babalik pulang tumatan hukum suci nu talah dibari akan ka buhannya. ²² Buhannya adalah gambaran tumatan paribahasa nu bujur inih: ''Kuyuk babulik kawadah muntahnya saurang'' ing '' Bayi nu talah dibarasihi, babulik pulang ka kuangan nya dilumpur''