¹ Tapi, kolai,ajaran tam bala jolu nya sesuai agan pangajaran nya sehat. ² Lalaki nya lobih tuha, harus dapat manahan diri, terhormat, menguasai diri, dahan sehat dalam iman, dalam kasih, dahan dalam ketekunan. ³ Udahan, bala betina nya lebih tuha harus menuyuan tingkah laku nya saleh, bukainya mamfitnah atau hamba anggur baragi, tapi harus ma'ajarai jolu baik. ⁴ Aman uba inyan, sia dapat manasehatai bala batina muda akai mencintai lakinya, mangasihai bala anaknya, ⁵ menguasai diri, saleh, maurus rumah tangganya, ramah, dahan tunuk agan lakinya, akai Firman Allah tidak dilecehan. ⁶ Uba inyan jam, nasihatai tam bala urang muda akai dapat manguasai diri. ⁷ Dalam sgala jolu, jadian diri kolai teladan bala perbuatan baik. Dalam pangajaran, tunyuan kalakuan baik, kahormatan, ⁸ Pamaniran bonar nya ntah bacola lalu bala lawan nyadi malu obai antah ulih mamaniran jolu nya buruk mangonaai kita. ⁹ Bala hamba harus tunuk ka bala tuan sia dalam sgala jolu, usahaan akai menyonangan sia, dahan ntah mambantah. ¹⁰ Jangan mongolit, tapi tunyuan bahwa kolai suba dipercaya dalam sgala jolu sia memuliaan ajaran Allah, Juruslamat kita. ¹¹ Sobab, Anugerah Allah nya mambaba kaslamatan jadi nyata akai semua urang, ¹² akai manguatan kita manula bala jolu nya antah saleh ataupan hawa nafsu duniawi lalu kita dapat hidup manguasaai diri, adil, dahan saleh di zaman inini. ¹³ Samantara kita manungu pengharapan nya ponuh berkat, inyaam kadatakan ponuh kemuliaan dari Allah nya mahabosar, dahan juru slamat kita, Kristus Yesus. ¹⁴ Inya jadi mongonyu diri-Nya bagi kita akai manobus samua kalakuan jahai dahan akai manyucian diri-Nya, jolu umat pilihan-Nya nya rajin malakuan perbuatan baik. ¹⁵ Ajarai tam samuanya ini. Nasihatai tam dahan togur tam agan sagala kawibawaan. Jangan ada urang nya merendahan kolai.