¹ Dahan,Pas hari sabat lalu am, Maria Magdalena, Maria uma Yakobus, agan Salome, langsung mamboli rarompahan akai sia paca'an hingkas maminya'ai Yesus. ² Sunsung kabut, pas hari pertama mingu inyan, pas matahari mancirak, sia pan datang ka kuburan. ³ Sia batanya ka siku manyiku, "Sopa nya paca'an manggulikan batu di pintu mansu kuburan nona ni?" ⁴ Tapi,pas sia maniat ka pucu, sia maniat batu bosar inyan tagulikam. ⁵ Dahan, pas mansu ka dalam kuburan, sia takonyat'an urang lalaki muda makai jubah putih, tongahan dudu di sabolah kanan. ⁶ Lalu, inya bapanir ka sia, "jangan gola, hunin nan ngoyap'ai Yesus urang Nazaret nya jadi disalib'an. Inya udah bangkit am. Inya ntah ada di sini tam. tiat ja tompat sia maulit'an-Nya nan. ⁷ Tapi,lobih baik pulang,lalu padahan ka bala murid-Nya dahan ka Petrus bahwa Inya holuam ka Galilea. Susul tam,hunin paca'an batomu agan Inya di nuhun, uba nya jadi Inya padahan ka kolai." ⁸ Habis inyan, sia kaluar lalu lari dari kuburan inyan obai sia gola dahan heran, sampai pan ntah dapat bapanir apa-apa ka sopa pan obai sia maha kagagolaan. [Lalu, bala posan pontal nya disuruh akai sia sampaian ka Petrus agan kakawalannya, sia sampaian singkat ma. Habis inyan, Yesus ma nya mautus sia dari timur sampai ka barat, akai manyataan brita nya kudus dahan nya ntah dapat binasa mangona'ai kasalamat'an kakal. Amin.] ⁹ Waktu Yesus bangkit sunsung dihari pertama dalam minggu inyan, Inya pertama-tama tomus ka Maria Magdalena dahan lalu mausir tujuh roh jahai dari inya. ¹⁰ Lalu, inya hingkas akai mamboritahu sia nya kala sasama agan Yesus, samantara sia ni tongahan sedih dahan manangis ¹¹ Lalu, pas sia mandinga bahwa Yesus tai hidup udi, dahan Inya maniatnya, tapi sia tidak percaya. ¹² Jadi kajadian inyan, Yesus pan tomus jam dalam bentuk bukai ka dua urang nya tongahan bajalan ka laman. ¹³ Lalu, sia pan babalik dahan mamboritahu sia bukainya,tapi sia pan tidak percaya jam. ¹⁴ jadi inyan, Inya nomusai ka sabolas murid-Nya waktu sia tongahan duduk makan dahan Inya manggodi'ai sia obai katidakpercayaan sia dahan kakorasan hati sia. Sebab, sia ntah percaya agan urang nya jadi maniat-Nya pas Inya jadi bangkit. ¹⁵ Dahan, Inya bapanir ka sia, "tula tam kaliling dunia dahan britaan tam Injil ka samua ciptaan. ¹⁶ Sopa nya percaya am dahan jadi dibaptisam, paca'an dislamat'an, tapi sopa nya tidak percaya paca'an dihukum. ¹⁷ Dahan, bala tana ini paca'an manyarota'ai sia nya percaya: Dalam nama-Ku sia akan mausir bala roh jahai; Sia akan bapanir dalam bahasa-bahasa baharu; ¹⁸ Sia paca'an mamigap ular; agan tangan sia; dahan amun sia minum racun nya mamati'ai, sia tidak apa-apa; sia paca'an manumpaan tangan sia ka bala urang kapodihan lalu bala urang iyan akan sehat." ¹⁹ Lalu, jadi Tuhan Yesus mamanirannya ka sia, Inya naik ka surga dahan duduk di sabolah kanan Allah. ²⁰ Lalu, sia pan tula lalu bahotbah di muna-muna tompat, samantara Tuhan bagawi agan sia lalu meneguhan Firman-Nya malalu'ai bala tana nya manyarota'ainya.