¹ Ompat bolas tahun jadi inyan, aku babalik lagi ka Yerusalem agan Barnabas dahan aku mambaba Titus. ² Aku Hingkas obai suatu panyataan dahan akai manyolasan ka sia mangonaai Injil nya kubritaan di antara bala urang bukai Yahudi. Tapi aku malakuan nya dalam pertomuan pribadi, nyaam baya agan sia yang bapangaruh akai mamastian bahwa apa nya aku krojaan dahan apa yang jadi aku krojaan antah sia sia. ³ Bahkan, Titus, nya agan aku nan ntahnya harus di sunat biarpan Inya urang Yunani. ⁴ Inya uba inyan obai ada bala samadikan nya palsu mansuk dahan manyusup akai mamata-mataai kabebasan kita dalam Yesus Kristus akai kita dibaba babalik nyadi budak. ⁵ Tapi, kami tidak hona tunuk sadikit pan agan sia demi Kabonaran Injil totap diap di kolai. ⁶ Tapi, dari bala urang nya bapangaruh inyan, nya kadudukannya antahnya sangat penting bagi aku obai Allah bila mambeda-bedaan,sia ntah ada mandatakan apa-apa bagiku. ⁷ Sabaliknya, sia maniat bahawa agan aku di Parcayaai Injil akai bala urang ntah ntah basunat, sama uba Petrus nya dipacayaai Injil akai bala urang nya basunat. ⁸ Sobab, inya nya jadi bakaroja malaluai Petrus akai nyadi Rasul bagi bala urang basunat, Inya jam nya bakaroja malaluai aku akai nyadi rasul bagi bala urang nya bukai Yahudi. ⁹ jadi, Yakobus, Petrus, dahan Yohanes, nya ditiat uba Saka Guru bagi jemaat manyadarai anugerah nya di konyu ka aku, sia mangonyu tangan kanan persekutuan ka Barnabas dahan ka Aku akai kami datang ka bala urang nya bukai Yahudi, sodakan sia datang ka bala urang basunat. ¹⁰ Sia baya nyuruh kami akai ingat agan bala urang jara, sabuti hal inyan nya aku sikupan maha samangat akai malabuhannya. ¹¹ Tapi, pas Kefas datang ka kota Antiokhia, aku tontorakan manantangnya, obai maha jelas inya basalah. ¹² Obai sabolum bala urang dari bubuhan Yakobus, datang, Kefas jadi biasa makan sasama agan bala urang nya bukai Yahudi. Tapi, pas sia datang Inya munduram lalu mamisahan diri obai gola agan kalompok urang nya basunat. ¹³ Bala urang Yahudi nya bukai pan janjumpatan munafik jam agan sasama siaan, bahkan Barnabas pan jumpat taseret jam agan kamunafikan sia. ¹⁴ Pas aku maniat kalakuan sia ntahnya sajalan agan Kabonaran Injil, ongka aku bapanir ka Kefas di hadapan urang banyak, "Amun kolai urang Yahudi tapi hidup ntahnya uba urang Yahudi,bila ulih kolai mamosa urang nya bukai Yahudi akai hidup uba urang Yahudi?" ¹⁵ Kita ni bala urang nya di lahiran nyadi bangsa Yahudi dahan bukainya bala urang badosa dari bangsa Yahudi. ¹⁶ Tapi, kita tahu ntah ada siku pan nya dibonaran obai malakuan Hukum Taurat, tapi malaluai iman dalam Yesus Kristus. Bahkan kita pan jadi pacaya agan Yesus Kristus akai kita dibonaran oleh Iman dalam Kristus, bilanya obai malakuan Hukum Taurat. Sobab, ntah ada siku pan nya di bonaran obai malakuan Hukum Taurat! ¹⁷ Tatapi, samantara kita bausaha akai di bonaran dalam kristus, kita marasa diri kita pan pandosa, apa baarti Kristus nan palayan dosa? Tontunya antah! ¹⁸ Amun aku balik maninyakan apa nya jadi aku robohan, inyanam buktinya bahawa aku urang palangar hukum. ¹⁹ Obai, malaluai Hukum Taurat aku jadi mati am bagi hukum Taurat supaya aku ulih hidup akai Allah. ²⁰ Aku jadi disaliban agan Kristus. Bukai aku lagi nya hidup, tapi Kristus nya hidup dalam aku. Hidup nya inini ku hidupai dalam Daging, inyanam hidup obai iman dalam Anak Allah, nya mangasihai aku dahan jadi manyorahan diri-Nya akai aku. ²¹ Aku ntah mambatalan anugerah Allah obai amun kabonaran datang malaluai Hukum Taurat, sia-sia am Kamatian Yesus Kristus!