¹ Dari Paulus, rasul Yesus Kristus obai kahona Allah. Ka bala urang kudus di Efesus, bala urang baiman dalam Kristus. ² Anugerah dahan damai sejahtera bagi kolai dari Allah, bapa kita, dahan Tuhan Yesus Kristus. ³ Tapuji tam Allah agan bapa dari Tuhan Kristus Yesus, nya jadi mamberkatai kita dalam Kristus agan satiap berkat rohani di tompat surgawi. ⁴ Sobab, Inya mamilih kita dalam Kristus sabolum permulaan dunia akai kita nyadi kudus dahan ntah ada cola di hadapanNya. Dalam kasih, ⁵ Inya manotapan kita dari mulanya pakai diangkat nyadi bala anakNya malaluai Kristus Yesus sasuai agan kahonaNya. ⁶ Sia malakuan inyan akai kapujian kamuliaan AnugrahNya, nya dikaruniaanNya agan cuma-cuma ka kita dalam Anak kakasihNya. ⁷ Dalam Sia, kita dapat panobusan malalui darah-Nya, inyanam pangampunan akai bala palangaran kita sasuai agan kakayaan anugerah-Nya, ⁸ nya Allah limpahan ka kita dalam sagala hikmat agan pangarotian. ⁹ Inya mamadahan ka kita rahasia kahonak-Nya sasuai agan maksud baik nya Inya rancanaan dalam Kristus, ¹⁰ nya pacaan dijalatan pas waktu kaponuhanya datang akai manyatuan bala jolu dalam Kristus, nya ada di surga agan nya ada di bumi. ¹¹ Dalam Kristus, kita pan nyadi bagian jam dari warisan nya jadi ditotapan-Nya dari mulanya sasuai agan rancana-Nya, nya malakuan bala jolu dalam kaputusan kahona-Nya ¹² akai kita nya pertama-tama manaruh harapan agan Kristus pacaan nyadi puji-pujian bagi kamuliaan-Nya ¹³ Dalam Sia, kolai pan, pas jadi maningaam firman kabonaran, inyanam Injil kasalamatan kolai, dahan mempercayaai-Nya, disegel agan Roh Kudus nya dijanjian. ¹⁴ Roh Kudus inyani jaminan akai warisan kita, sampai panobusan dilabuhan akai sia nya nyadi milik umpu Allah siku-- bagi pujian kamuliaan-Nya. ¹⁵ Sobab inyanam, pas aku maninga mangonaai iman kolai dalam Tuhan Yesus agan kasih kolai ka samua urang kudus, ¹⁶ Aku ntah putus-putusnya maucap syukur akai kolai waktu aku ingat agan kolai dalam bala doaku. ¹⁷ Aku badoa akai Allah dari Tuhan kita, Yesus Kristus, Bapa dari kamuliaan, mangonyuai hunin roh hikmat agan panyataan dalam pangatahuan agan Sia. ¹⁸ Aku badoa akai mata hati kolai ditorakai akai kolai lalu dapat mangaroti pengharapan nya tasimpan dalam pangilan-Nya, kakayaan nya tasimpan dalam warisan-Nya nya mulia akai bala urang kudus, ¹⁹ dahan kakuatan bosar nya ntah taukur kita nya percaya, uba nya ditunyuan dalam kamahabosaran kakuatan-Nya. ²⁰ Kamahabosaran kakuatan-Nya ini Inya tunyuan wakyu Inya mambangkitan Kristus dari antara urang mati dahan mandudu'an Sia di sabolah kanan-Nya di surgawi, ²¹ nya jauh lobih tingi dari samua aturan, kakuasaan, kakuatan, pamarintahan, dahan lobih tingi dari samua nama nya jadi kala ada, bilanya baya masa inini, tapi pan akai masa nya akan datang jam. ²² Inya mangalahan bala jolu di babah kaki-Nya lalu mangonyu diri-Nya nyadi kapala akai bala jolu bagi jamaat, ²³ nya inyanam tubuh-Nya, di muna kaponuhan-Nya mamonuhai sagalanya samuanya.