¹ Bala tuan, paulahan tam bala budak kolai agan bonar dahan adil karna kolai tahu, kolai pan ada jam Tuan di surga. ² Badoa tam rajin-rajin, dahan bajaga-jaga agan maucap syukur. ³ doaan jam kami, akai Allah membukaan pintu bagi firman akai kami ulih mamproklamasian rahasia Kristus, obai inyanam aku dipanyara. ⁴ Badoa tam akai aku dapat manyampaian agan jelas uba apa saharusnya aku bapanir. ⁵ Basikap tam bijaksana agan bala urang luar agan mamakai kasompatan sabaik-baiknya. ⁶ Dahan bala pamaniran kolai kahonanya hala ponuh kasih, lalu digarapai, akai kolai tahu uba apa saharusnya manjawab satiap urang. ⁷ Tikhikus pacaan mangesahan samua kabar mangonaai aku. Inya nan samadikan saiman kita nya terkasih, palayan setia, dahan kawalku bagawi dalam Tuhan. ⁸ Aku mautusnya ka kolai batujuan akai kolai tahu kaadaan kami dahan akai inya dapat manguatan hati kolai. ⁹ Inya pacaan datang agan Onesimus, samadikan saiman kita nya satia dahan terkasih, siku dari antara kolai. Sia pacaan mamadahan bala jolu nya pacaan bakajadian di sini. ¹⁰ Kawalku sapanyara, Aristarkhus, mangirim salam pakai kolai, macam inyan jam Markus, kamanakatan Barnabas, nya mangonaai inya, kolai jadi manarima patunyuk; samut tam pas inya datang ka kolai. ¹¹ Ada jam salam dari Yesus, nya ditingkau Yustus. Di antara kawalku sasama palayatan akai karajaan Allah, baya sia inima nya baasal dari bubuhan urang basunat, dahan sia nyadi pahibur hatiku. ¹² Epafras, samadikan saiman kolai, hamba Kristus Yesus, mangirim salam jam akai kolai. Inya hala bagumul dalam doa demi kolai akai kolai dapat badiri togap dahan ponuh kayakitan dalam sagala kahona Allah. ¹³ Aku dapat basaksi uba apa inya jadi banyak mandrita akai kolai dahan akai sia nya di Laodikia agan Hierapolis. ¹⁴ Lukas, dokter paling dikasihai, agan Demas mangirim salam akai kolai. ¹⁵ Sampaian tam salamku ka bala samadikan saiman di Laodikia, dahan ka Nimfa dahan ka Jemaat nya ada di rumahnya. ¹⁶ Jadi surat ini dibacaan ka kolai, bacaan jam ka jemaat Laodikia. Sabaliknya, bacaan jam suratnya akai jemaat Laodikia tai. ¹⁷ Paniran tam agan Arkhipus, "Perhatian tam akai kolai manjadiai tugas palayatan nya kolai trima dari Tuhan." ¹⁸ Aku, Paulus, manulis salam ini agan tanganku siku. Ingat tam belenguku. Anugerah Allah menyertai kolai.