¹ Dorumak kalau nya todopat ngkodi suatu torunt polangarr,maka mo dik rohani, arus mimpint nya nyent koni jorant dik bonarr wah minu lomah lomuut,samel njago mo soniriik, sopayo mo geh kae oduuk toncubaa. ² Botulongk-tulongklah nanggonggk bobant mo!Wook nyent geh mo nginyaak ukump Kristus. ³ Tek konaant ngirraa,bahwa domp boritii,padahal domp samoh sokalik kae boritii,domp nipuu domp soniriik. ⁴ Baek bah tiap-tiap ntoyant nguji korija domp soniriik;maka domp taook bopagooh lek koadaan domp sonirik ngant kae leek koadaan nya laingk. ⁵ Sbab tiap-tiap ntoyant akan nyingkonggk bebant domp soniriik. ⁶ baeklah domp,e, diik nrima pongajoor ngant Firman, mbagi sidik torunnt dik odooh wah domp,e ngant nyaa dik munyook pongajoor nyent. ⁷ Yook sosat! Ponompa kae mbiaarkan domp,e nya tongajool. Niih oneh dik nih taboor nya, nyent haeek kae akan ditokodii. ⁸ Sbab barong oseeh menabur wah daginggk e, domp akan nopat binasa siik daginggk e, tapi barongoseeh menabur wah saih Minu, domp akan nopat midoop dik kokal sik Minu nyent. ⁹ Dop lojuuk bobuat baeek. korina apabila jeh moniik onu,e, dop akan menuai, jika dop kae jodi lomah. ¹⁰ nyent,solama gek odooh kosompatan bagi dop,boohlah dop bobuat baeek koni sidik ntoyannt, dik torutama ngant gok dingant-dingant dop soiman. ¹¹ Kameeh daiiknya uruuf-uruuf dik nih konulis koni mo nyaak tongan Ko soniriik. ¹² Diennt dik socara lahiriah konaak magoh dop, Dientlah dik bousaha maksa mo nyaak roo bosunannt, hanya gok maksud, supayo diennt e kae toaniaya nih saleb Kristus. ¹³ Sbab dient dik nyunant todop pun,kae moliara ukump Taurat, Tapi dient rongassoo, sopayo mo nyunant dop, agar dient taook magooh nih pongodimo jeh lahiriah. ¹⁴ Ko sokali-kali kae longgk bopagooh, solaingk wah saleb Ponompa dop Yesus Kristus, niih cara domp,e dunia jeh tosaleb nyaak ko gook ko bagi dunia. ¹⁵ Sbab mak bosunant atau kae bosunannt kae odoh ritii e, tapi mak jodi ngkodooh bauuh,nyentlah dik odooh ritii,e. ¹⁶ Gok sidik nya dik munyook domp,e topimpinnt nih patokan nyent, tomonahlah kira,e Damae sojahtra ngant rahmat atas diennt,e gok wah Israel Ponompa mpoo,e. ¹⁷ Yooklah odooh ntoyannt dik nyusahkan ko, Nih pado wonggk ko odooh tanoo-tanoo Yesus Mpoo,e. ¹⁸ Kaseh karunia Ponompa dop Yesus Kristus ngopiik Minu mo, Gook ballo Dorumaak! Amin.