¹ Dop sunguh-sunguh bojaya, Kristus jeh memerdekakan dop. Nih nyent tokitlah togap ngant yook longkk gek nongkoduknya cap kuli ² Sobonarr,e Ko,Paulus bojantoh koni mo: jikalao mo nyunant mo e, Kristus samoh sokali kae boguna bagi mo. ³ Gek ko bosona koni sidik nya dik roo nyunant domp,e,bahwa domp wajib ngkodi soluruh ukump Taurat. ⁴ Mo lopas asik Kristus, maak mo ngaroop kobonar nih ukump Taurat mo midop wah luar kaseh korunia. ⁵ Niih minu,gok iman,dop botunguk kobonarr dik dop aroop. ⁶ Bagi nya urangk dik odoh wah saih Kristus Yesus hal bosunant atao kae bosunant kae bosangkot koni torunt dik boriti, hanya iman korija bokaseh. ⁷ Saeek mo boluma baeek,oseh kira dik nghalangk mo, soingaa mo kae nuruut kobonarr gek? ⁸ Pongoraah nyak kae nyunoot gek kae monik sik domp, nya dik nosuu mo. ⁹ Maeh ragi jeh nyorrap koni rompangk. ¹⁰ Ponompa ko akent pongodi mo, bahwa mo kae mpo pondiri laingk,daripado pondirian to. tapi barongoseeh dik ro ngacao mo, domp akan nanggonng ukump,e oseh pun urangk nya. ¹¹ Agek ko to, balo dorumak, soandae ko agek maseh nyiaar borita nyunant, ngonehlah ko agek maseh tonjora nya geh? sobab mak wok nyent, Saleb kae jodi botuh sandungan geek. ¹² Ballo dik ngasut mo nyent njoraa dop maeeh. ¹³ Dorumak, memang mo jeh oduk tasu naso merdeka, tapi yook lah mo ngguna kojaya mo nyent nyak sobagae kosompatan nya pomidop dik bodosa,molaingk tolayanlah nya dik laingk nih pongodi kaseh. ¹⁴ Soluruh ukump Taurat toncakup wah tek firman to,torunt haeek:Nongaseh sosamooh mo monsia wook mo soniriik. ¹⁵ So samoh salingk boritant ngant salingk ningook, awas maeh sopayo mo yok salingk njorra. ¹⁶ Maksud ko ialah, Midoplah niih Minu, maka mo kae akan nyunoot koowangk isehh. ¹⁷ koowangk iseeh bolawont gok koowangk Minu, gok koowangk minu bolawont ngant gok koowangk dagingk-nih sobab kodukaah,a botontangk - sohinga mo sotiap kali kae ngkodi oneh dik mo koowangk. ¹⁸ Akan tetapi mo munyok mo sonirik tomimpin nih Minu,maka mo kae midop wah ator ukump Taurat. ¹⁹ Dagingk jeh nyato, tu nyent, bocabul, kocomaarr, gok hawa nafsu. ²⁰ bohala, siheer, monam owangk, kepentingan dop todop, codera, minu pomocah. ²¹ Kodingki, koobook, bogawaee gok sobagaee. Tohadap sidik nyent ko poringant mo wok dik jeh komongki saeek seh - barongoseh ngkodi hal dik wok nyent, domp kae akan nopat bagian wah Korajaan Ponompa. ²² Buah Minu haeek; Kaseh, sukacita, damae sojahtra, kosabar, komurah, kobaek, sotia. ²³ Kolomah lomuut, ponguasaan todop, kae odoh ukump dik nontangk hal-hal to. ²⁴ Barongoseh jodi mpo Kristus Yesus, domp tlah nyalebkan dagingk ngant sogala hawa nafsu gok koowangk domp,e. ²⁵ Dop midop nih Minu, baek bah midop dop geh tomimpin niih Minu. ²⁶ yoklah dop gila romat, yooklah dop salingk nontangk ngant salingk kodingki.