Yohanes Pemanik ¹ Alam taun ke limak belas pemerintahan Kaisar Tiberius, rama Pontius Pilatus jadi wali negeri Yudea, ngau Herodes raja wilayah Galilea, Filipus menyadik ya, raja wilayah Iturea ngau Trakhonitis, ngau Lisanias raja wilayah Abilene, ² rama yak Hanas ngau Kayafas jadi Imam Besai, datai firman Allah ngau Yohanes anak Zakharia, de padang pasir. ³ Nyak nyuruh Yohanes datai ke sekamat daerah Yordan ngau nyeru ke: "Betobat, berik kitak depanik, ngau Allah bakal ngampun dosa kitak, ⁴ upa bisik tetulis alam kitab nubuat-nubuat Yesaya: Bisik ingan mangkas de padang pasir: Siap ke jalai bagi Tuhan, gitik ke jalai bagi Ya. ⁵ Setiap lebak detim'un, bukit ngau gunuk suruh rata, te bebiluk suruh gitik, ⁶ ngau semua urang bakal medak keselamatan re Tuhan." ⁷ Udek ya banai ngau urang mayuh te datai ngau ya kiak untuk depanik, jekuh ya: "Kitak kenturun ular beludak! Sapa te madah ngau kitak, isak rari re ukum (murka) page lusak? ⁸ Jadi, asil ke buah-buah te sesuai ngau pertobatan. Ngau nang bepikir alam ati kitak: Abraham apai kami! Aku madah kitak: Allah tau nyadi ke bagi Abraham anak re batu-batu tuk! ⁹ Kapak udah siap nugau d'akar pun, setiap pun te ndai ngasil, detebang ngau debuai k'alam api." ¹⁰ Urang mayuh betanyak ngau ya: "Antik piak nama te kalah kami pulah?" ¹¹ Saut ya: "Barang sapa bisik dua lai baju, ya kalah magi ngau urang te ndai sik, ngau sapa te bisik pemakai kalah piak ugak." ¹² Bisik ugak datai pemungut-pemungut cukai untuk depanik, sidak betanyak ngau ya: "Guru, nama te kalah kami pulah?" ¹³ Saut ya: "Nang nagih lebih mayuh repada te udah detentu ke bagi kitak." ¹⁴ NGau prajurit-prajurit betanyak ngau ya: "Ngau kami, nama te kalah kami pulah?" Saut Yohanes ngau sidak: "Nang ngerampas, nang meras, cukup ke na kitak ngau gajih kitak." ¹⁵ Tapi empadai urang mayuh ketengah nunguk ngau ngarap, ngau semua urang betanyak alam ati, kalau--kalau ya yak Mesias, ¹⁶ Yohanes nyaut ngau banai ngau semua sidak diak: "Aku bemanik kitak ngau aik, tapi Ya te lebih bekuasa re aku bakal datai, ngau mukak tali selup Ya aku ndai pantas. Ya bakal bemanik kitak ngau Roh Kudus ngau Api. ¹⁷ Alat penampik dah de jari Ya untuk meresih tempat pengirik ngau untuk ngumpul gen'um Ya kalam lupung Ya, tapi ampis sjeramik detunu Ya kalam api te ndai mampu depadam." ¹⁸ Ngau mayuh nasihat bukai, Yohanes madah ke Injil ngau mayuh urang. ¹⁹ Tapi udah ya ngerara raja wilayah Herodes empadai peristiwa Herodias, bini menyadik ya, ngau semua pengenyaik bukai te depulah ya, ²⁰ raja yak nam'ah pengenyaik ngau nepuk ke Yohanes ke penyara. ²¹ Rama urang mayuh dah depanik ngau Yesus depanik ugak ngau ketengah bedoa, langit tebukak ²² ngau Roh Kudus upa burung merpati turun katau Ya. Ngau tedinga ingan re langit: "Mih Anak Ku te Ku kasih, ngau Mih me Aku bekenan." ²³ Yesus mulai kereja kekira umur tiga puluh taun ngau menurut angapan urang Ya anak Yusuf, anak Eli, ²⁴ anak Matat, anak Lewi, anak Malkhi, anak Yanai, anak Yusuf, ²⁵ anak Matica, anak Amos, anak Nahum, anak Hesli, anak Nagai, ²⁶ anak Maat, anak Matica, anak Simei, anak Yosekh, anak Yoda, ²⁷ anak Yohanan, anak Resa, anak Zerubabel, anak Sealtiel, anak Neri, ²⁸ anak Malkhi, anak Adi, anak Kosam, anak Elmadam, anak er, ²⁹ anak Yesua, anak eliezer, anak Yorim, anak Matat, anak Lewi, ³⁰ anak Simeon, anak Yehuda, anak Yusuf, anak Yonam, anak Elyakim, ³¹ anak Melea, anak Mina, anak Matata, anak Natan, anak Daud, ³² anak Isai, anak Obed, anak Boas, anak Salmon, anak Nahason, ³³ anak Aminadab, anak Admin, anak Arni, anak Hezron, anak Perez, anak Yehuda, ³⁴ anak Yakub, anak Ishak, anak Abraham, anak Terah, anak Nahor, ³⁵ anak Serug, anak Rehu, anak Peleg, anak Erber, anak Salmon, ³⁶ anak Kenan, anak Arpakhsad, anak sem, anak Nuh, aanak Lamekh, ³⁷ anak Metusalah, anak Henokh, anak Yared, anak Mahalaleal, anak Kenan, ³⁸ anak Enos, anak Set, anak Adam, anak Allah.