Ari Tuhan ¹ Bala menyadik te dekasih, tuk dah surat ke dua te kutulis ngau kitak, alam kedua pucuk surat yak, aku berusaha ngidup ke pengertian te murni ulih peringatan-peringatan, ² isak kitak kingat ke anai te subak dah depadah bala nabi kudus, ngau ngingat ke perintah Tuhan Juruselamat te udah depadah ulih rasul ngau kitak. ³ Te terutama kalah kitak ketau, ari kebaduk zaman, tampil urang te tugam mejah (ngejek) te idup nunak hawa nafsu. ⁴ Jekuh sidak: "Ni jan'yi pentai Ya? Empadai mulai re apai leluhur kita mati, semua utai upa peruba denia depulah." ⁵ Sidak sengaja nai mauk tau, bahwa ulih firman Allah langit dah asal bisik, bumi te berasal re aik, ⁶ bahwa ulih aik yak, bumi te subak dah benasa empadai aik bah. ⁷ Tapi ulih firman ugak langit ngau bumi te pituk tepelihara re api pengakiman ngau kebenasaan urang-urang fasik. ⁸ Bala menyadik te kukasih, tapi bisik sutik te ndai tauk kitak kelupa, dadap Tuhan, sari sama ngau seribu taun, seribu taun sama ngau sari. ⁹ Tuhan ndai lalai nepat jan'yi Ya, biarpun bisik urang te ngangap piyak, tapi Ya sabar teradap kitak, empadai Ya kak isak ndai sik urang te benasa, tapi isak semua urang bekalih ngau Ya, ngau betubat. ¹⁰ Tapi ari Tuhan datai upa pencuri, tapi rama yak langit lenyap ngau gemuruh te kayah, ngau isik denia alak alam api, bumi ngau semua isik e ayap lenyap. ¹¹ Jadi, antik semua yak ancur upa yak, betapa kitak kalah idup suci ¹² kitak te nunguk ngau mempegesak ari penatai Allah. Pada ari yak langit benasa lam api, isik denia lelak kenak dilah api. ¹³ Tapi sesuai ngau jan'yi Ya, kitak nunguk langit ngau bumi te baru te bisik kebenaran. ¹⁴ Bala menyadik te kukasih, maka, samil nunguk semua yak, kitak kalah berusaha isak kitak detemu Ya ndai becacat cela dadap Ya, alam perdamaian ngau Ya. ¹⁵ Angaplah kesabaran Tuhan kita sebagai kesempatan bagi kitak untuk bulih selamat, upa Paulus, menyadik kita te dekasih, dah nulis ngau kitak menurut hikmat te dekarunia ke ngau ya. ¹⁶ Hal tuk depulah ya alam surat, antik ya banai tentang pekara-pekara tuk. Alam surat yak, mayuh te pedih depaham, sehinga urang te ndai paham ngau ndai teguh iman, deputarbalik jadi kebenasa dirik sidak, upa te sidak pulah ngau tulisan sidak te lain. ¹⁷ Bala menyadik te kukasih, tapi kitak ketau semua tuk subak, Maka waspada, isak kitak nang tirit-irit kalam kesesatan uraang-urang te ndai ngelala ukum, ngau nang sampai teguh pegai kitak telecut. ¹⁸ Tapi tumuhlah alam kasih karunia, alam pengenalan Tuhan Juruselamat kita, Yesus Kristus. Bagi Ya kemuliaan, pituk sampai selamanya.