Nabi-nabi ngau guru-guru pelsu ¹ Upa nabi-nabi pelsu subak tampil detengah umat Allah, piyak ugak dentara kitak, bakal tampil guru-guru pelsu. Sidak namak ke pengajaran-pengajaran sesat te ngeminasa, bahkana sidak nyangkal penguasa te udah nebus sidak, ngau upa yak sidak udah natai ke kebenasa atas dirik sidak. ² Mayuh uranag tamai cara idup sidak te dekuasa hawa nafsu, empadai sidak, jalai kebenaran bakal dehujat. ³ Empadai perangkak bala guru pelsu yak, berusaha ngegak untung re kitak ngau cerita te bulak ngampur. Tapi untuk pempulah sidak, ukuman dah lamak desiap, benasa ndai bakal depelamak (tunda). ⁴ Antik Allah ndai sayang ngau bala malaikat te mulah dusa, nyempalung ke sidak kalam neraka, nyerah ke sidak kalam guaa te keleman untuk naruh sidak sampai ari pengakiman; ⁵ Antik Allah ndaai sayang ke denia lamak (purba), tapi nyelamat ke Nuh, pemadah kebenaran, tamai sidak tujuh, rama Ya natai ke aik bah atas denia urang-urang fasik; ⁶ Antik Allah ngemenasa kota Sogom sedua Gomora ngau api, ngemusnah ke, nyadi ke yak peringatan bagi urang-urang fasik kedudi ari, ⁷ tapi Ya nyelamat ke Lot, urang te benar, sisa seruntik ulih cara idup urang te ndai ngelala ukum, te idup nunak ke hawa nafsu sidak kedirik,- ⁸ empadai urang benar tuk idup detengah-tengah sidak, te tiap ari ninga, medak pempulah sidak te jaik, sampai jiwa ya te benar yak tesisa- ⁹ maka nyata bahwa Tuhan tau nyelamat ke urang-urang saleh re pencobaan, ngau numut naruh urang te jaik untuk de sisa pada ari pengakiman, ¹⁰ terutama sidak te nunak ke hawa nafsu, encemar ke dirik, ngau menghina pemerintahan Allah. Sidak tekik bebenar ngau angkuh, sampai ndai gik segan mejah kemuliaan, ¹¹ padal malaikat-malaikat te lebih kuat ngau bekuasa repada sidak, ndai mengau anai hujat, antik malaikat malaikat nuntut ukuman atas sidak dadap Allah. ¹² Tapi sidak yak sama ngau benatang te ndai berakal, te delahir ke untuk detangkap lalu debunuh. Sidak mejah nama te sidak ndai ketau, sehinga ulih pempulah sidak te jaik, sidak debenasa upa benatang sigak, ¹³ benasib sial, sebagai upah pengenyaik sidak. Befuya-fuya pada lawas ari, dangap sidak nyaman (kenikmatan), sidak yak kuturan ngau nuda, te mabuk alam hawa nafsu antik sidak duduk makai minum tamai kitak. ¹⁴ Mata sidak penuh nafsu Zinah, ngau sidak ndai puas mulah dusa. Sidak mikat urang-urang te lemah. Ati sidak dah telatih alam keserakahan. Sidak yaka urang-urang tekutuk! ¹⁵ Empadai sidak dah nudi ke jalai te benar, nyak nyuruh sidak sesat, lalu nunak jalai Bileam, anak Beor, te tugam nerimak upah untuk pempulah te jaik. ¹⁶ Tapi Bileam bulih peringatan keras untuk pengenyaik ya, empadai keledai beban te bisuk tau banai ngau anai mensia, ngau nyegah kebebalan nabi yak. ¹⁷ Guru-guru te pelsu yak upa mata aik te rangkai, sidak dah bisik jatah tempat re te keleman bebenar. ¹⁸ Empadai sidak ngucap ke anai te cungkak, nguna ke hawa nafsu cabul untuk memikat urang-urang te baruk ngelepas kedirik re sidak te idup alam penesat (kesesatan). ¹⁹ Sidak nyan'yi (menjanjikan) kemerdekaan ngau urang, padahal sidak hamba kebenasaan, empadai sapa te dekalah ke urang, ya hamba urang yak. ²⁰ Empadai antik sidak ulih ngelala Tuhan Yesus Kristus, dah ngelepas kedirik ari kecemaran denia, tapi sidak telibat agik, maka keadaan sidak lebih parah re peruba. ²¹ Maka lebih baik bagi sidak untuk ndai ngelala kebenaran sama sekalik, repada sidak ngelala udek bebalik re perintah te kudus te depadah ngau sidak. ²² Bagi sidak cucuk nama te depadah perebahasa te benar tuk: "Ukui bekalih ke mutah, babi te manik bekalih ke pelangkan."