Salam ¹ Ari Simon Petrus, hamba ngau Rasul Yesus Kristus, salam ngau sidak te tamai kami bulih iman empadaai keadilan Allah ngau Juruselamat kita, Yesus Kristus. ² Kasih Karunia ngau damaia sejahtera ngelimpah kitak ngau pengenalan ke Allah, Yesus, Tuhan kita. ³ Empadai kuasa Ilahi Ya, udah merik ngau kita bala utai te beguna, untuk idup saleh, ngelala Ya te udah ngumai kita ngau kuasa Ya te mulia ngau ajaib. ⁴ Ngau jalai piyak ya merik ngau kita janyi berega ngau besai, isak empadai Ya kita tau ngamik baagian alam kodrat Ilahi, ngau luput re hawa nafsu te tau ngemenasa denia. ⁵ Nyak mek nyuruh kitak kalah berusahaa benar-benar namah ke iman kitak kebajikan, kebajikan pengetahuan, ⁶ pengetahuan penguasaan dirik, penguasaan dirik ketekunan, ketekunan kesalehan, ⁷ kesalehan kasih ngau bala menyadik, ngaua semuaa urang. ⁸ Antik semua yak bisik entang kitak belimpah-limpah, kitak depulah ya jadi giat, berasil, alam pengenalan akan Yesus Kristus, Tuhan kita. ⁹ Tapi barangsapa ndai sik semua yak, ya jadi butak, picik, empadai ya kelupa, kalau dusa-dusa ya te subak dah dapus ke. ¹⁰ Maka dari yak, bala menyadik, berusaha lah benar-benar, isak panggilan ngau pilihan kitak teguh. Antik kitak mulah piyak, kitak ndai tesentuk. ¹¹ Ngau kitak bakal dekarunia ke hak penuh untuk tamak kalam kerajaan kekal, Kerajaan Tuhan ngau Juruselamat kita, Yesus Kristus. ¹² Aku bemaksud kak ngingat ke kitak tentang semua yak, biarpun kitak dah ketau, teguh alam kebenaran te kitak terimak. ¹³ Aku angap udah kewajiban aku kalah madah kitak selamak aku agik nginang tubuh tuk. ¹⁴ Empadai aku ketau kalau aku pesti nudi ke tubuh tuk upa te depadah Yesus Kristus Tuhan kita ngau akau. ¹⁵ Aku berusaha, isak sepengangkat aku, kitak ingat semua tuk seruntik. ¹⁶ Bukai engkana te kami dinga, rama kami madah ngau kitak kuasa ngau penatai Tuhan kita, Yesus Kristus sebagai raja, tapi kami tuk saksi mata re pemesai Ya. ¹⁷ Kami medak tipa Ya nerimak kehormatan ngau kemuliaan ari Allah Apai, rama ingan te Mahamulia datai ngau Ya te madah: "Tuk mek Anak te Kukasih, ngau Ya Aku bekenan." ¹⁸ Ingan yak kami dinga re surga, rama kami tamai Ya datau bukit te Kudus. ¹⁹ Upa yak mek kami mangkin deteguh ke ulih Firman te udah depadah bala nabi. Alangkah baik kitak merati ke yak upa kitak merati ke pelita te bepenang de tempat te keleman sampai pansut mata panas ngau bintang re timur terbit mancak lam ati kitak. ²⁰ Kitak kalah ketau terutama nubuat-nubuat Kitab Suci ndai tau detafsir menurut penekak dirik, ²¹ empadai nubuat ndai dasil ke ulih penekak mensia, tapi durungan Roh Kudus urang-urang banai atas nama Allah.