Dayua di'k Biatn Na'k dan Naga ¹ Kemudian, kololah sebuah tana di'k daeh no'k honyiatn: nyo dayua bu aduah motih sohonuh ngan buhatn no'k sigatn kojo'k'e ngan mahkota so'k du bolas cubita no'k ba'k;e. ² Dayua han tukah biti'k ngan niji'kng konapm ho'k biatn na'k, diapm makas ngina'p monapm. ³ Kemudian, napa'klah sebuah tana lai'kng no'k honyiatn: nyi'k golo'k naga daeh buwarna sio'k di'k buba'k ju'k ngan simia tanua'k bohoto ju'k mahkota no'k ba'k,e. ⁴ Kui'k naga han nohia'k sepertohuah cubita no'k honyiatn ngan ninopuah kanu poyo'k tono'k. Naga han tokit no'k joi dayua di'k ho'k bia'tn han supaya la'k dayua han jeh buna'k, diapm tau'k ningia'k Na'k,e. ⁵ Dayua han laher'k na'k Nadi'k dahi, di'k acapm ho'k hitah bangsa-bangsa nginya'k sokut bosi; tetapi Nadi'k han nihobut ngan ni ma'tn nganu Baipunopo'k ngan kanu joi takhta-Diapm. ⁶ Dayua han obu nuju pada'kng belantara, no'k aho'kng di'k odiah ni Baipunopo'k nyilu'k supaya no'k han, diapm nipongun selama'k sihibu du hatus nimm puhu'k onu. ⁷ Dan, jodilah pora'kng no'k surga, Mikhael // ngan balo malekat'n bupora'kng lawatn naga han. Naga han bupora'kng bohoto balo malekat'n, ⁸ tetapi balo kai cukup kuat sihinga kadiah agi'k aho'kng nya'k balo no'k surga. ⁹ Naga daeh han ninopuah kanu sigatn, si nyipih mutuh di'k ninyono'k Iblis atau Setatn, di'k menyesatkan sumua dunia, diapm ninopuah nganu poyo'k tono'k, ngan balo malekat'n ninopuah kusigatn ngan diapm. ¹⁰ Dan, ku'k ngopi'kng caho di'k kohas no'k surga kuatn, ''Tia'ng, jeh moni'k keselamatan, kuasa, ngan kerajaan Baipunopo'k iyah, hoto kekuasaan Kristus*-Nya karna si penuduh balo dingan kayau diap, di'k menuduh balo no'k joi Baipunopo'k nyowo'k ngan ngohipm jeh ninopuah kanu sigatn. ¹¹ Balo ngalah'ng nya'k doyo'k Na'k Domba, ngan jatoh bobo'k nya'k balotigitn; karna balo kai ngito'kng pungasia balo, bahkan saat ngadap pukome'k. ¹² Karna han, bersukacitalah, hai surga ngan sumuadi'k motia'k no'k wah'ng! Namun, celakalah bumi ngan lawuat karna Iblis jeh mono'k nganu mu'k no'kwah punohuh;ng di'k doii karna diapm tau'k bahwa waktu di'k odiahhan bi'kng.'' ¹³ Ketika naga han ngolo sigatn diapm jeh ni nopuah nganu poyo'k tono'k, diapm ngangah dayua di'k ho'k biatn na'k nadi'k dahi atui. ¹⁴ Akatn tetapi, dayua han niminyu'k du ohot monua'k bouh di'k daeh supaya diapm dopit mibir'r nganu pada'kng belantara, nganu aho'kng diapm, nokiah diapm nipongun sulama'k nyi'k masa du masa, ngan hopuat masa oju'k sok joi si nyipih. ¹⁵ Nyipih han nyobuar pi'kng di'k mah sungi kanu arah dayua han, nya'k naman si dayua no'k wah'ng. ¹⁶ Namun, poyo'k tono'k nulo'kng dayua han; poyo'k tono'k muka'k tukua'kng ngan ningia'k pi'kng di'k ni naga nyumur han. ¹⁷ Maka, naga jodi mangah nohuh kanu dayua han ngan obu inya'k matn bupora'kng balo nadi'k di'k lai'kng so'k dayua han, yaitu balo nyo di'k pongun pihitah-pihitah Baipunopo'k ngan ngan bupigitn kanu kesaksian Yesus. ¹⁸ Naga han tokit no'k soni'kng lawuat.