¹ Mosikhan kurusuhan han pun berakhir, Paulus ngundang balo murid, dan sutelah menguatkan oti balo, dipam togant balo dan obu menuju koni Makedonia. ² mosikhan dipam ngisai wilayah-wilayah nok nyih dan minyuk koni balo obia nasihat, diapm monik nok Yunani. ³ Dan, nok nyih Paulus monai kotihan 3 buhant. Karna balo nyo Yahudi moki busukongkol nyak nyak lawanthan kutika diapm hok bulayar koni Siria, diapm memutuskan nyak boliak nosok Makedonia. ⁴ Paulus ni pii'k sok Sopater sok Berea, nak Pirus, sok Aristarkhus dan Sekundus, sok Tesalonika, dan Gayus sok Derbe, dan Timotius sok Asia. ⁵ balo burangkat lobiah tiant dan tukah nunguk mik nok Troas, ⁶ tutapi mik bulayar sok Filifi mosik onu Raya Roti Kai Buragi, dan monik koni balo nok Troas wah 5 onu, nok nyih mik monai kotihan 7 onu. Kunjungan Paulus dik terakhir nok kota Troas ⁷ Pada onu putojih mingu han , kutika mik tukah bupulua busama nyak mohuah roti , Paulus ngomong koni balo bumaksud nyak burangkat pada onu kumisikng han, dan diapm ngadok omuh posanthan sapai tudok ngohupm. ⁸ Biant obia lampu nok ruang somu, ahokng mik bupulua. ⁹ Dan, nok nyih pumuda buodant Eutikhus tukah guhuk nok polingu dan tuk ngolapm wah pumis dik liliak. Lalu, smentar Paulus trus nomong wah waktu dik oti, dipam sumakint tungolapm nok wha pumis ngan hobuk sok latai ku tahuah dan ni ngokat mah keadaan jeh kobek. ¹⁰ Namun, Paulus monok lalu numa diapm koni somuhan, ngan makap suhoto bupodok,'' yok kitau motikng karna nyawa bayu biant nok wah diapm.'' ¹¹ Kutika Paulus boliak simak, lalu mohuah-mohuah roti ngan duak, diapm ngomong koni balo wah waktu dik oti, sapai punuhu. Mosikhan , diapm burangkat. ¹² Balo mant pumuda han mohik wah keadaan diik midiap ngan merasa sangant tuk hibur . punyalant sok kota Troas koni kota Miletus ¹³ Namun, mosikhan obu lobiah tiant koni kapal, mik bulayar koni Asos ngan maksud nonu Paulus nok nyih karna diapm jeh merencanakan han mahan model, diapm todiap bumaksud obu koni koih ngan bujalant kojok. ¹⁴ Dan, kutika diapm budopit ngan mik nok Asos, mik monuhan, lalu obu koni Metilene. ¹⁵ Mosik bulayar sok nyih , mik sapai ku onu babuthan nok Khios. Onu kumisikng han, mik nyomak Samos, dan nyik onu mosikhan mik sapai nok Miletus. ¹⁶ Sobab, Paulus jeh mutushan nyak hok bulayar nosok Efesus supya diapm kai kosik waktu nok Asia karna diapm nok Yerusalem, jika memunkinkan, pada onu Pentakosta. Paulus ngomong koni penatua Efesus ¹⁷ Sok Miletus, Paulus ngutus nyo koni Efesus ngan ngadok nyo penatua jemaat monik koni dipam. ¹⁸ Dan, kutika balo monik koni diapm, dipam bupodok koni balo, '' Muk todiap tauk, makiah maniah kuk midap nok antara muk sepanjang waktu, sok onu putojih kuk piiyat kojok nok Asia, ¹⁹ samel melayan Tuhant ngan sugala kerendahan hati, dan ngan pinkg motih, dan ngan pencobaan-pencobaan dik menipak kuk nosok pusekongkolan balo nyo Yahudi, ²⁰ makiah maniah kuk kai nahant kuk nyak bupodok koni muk sugala susuatu dik kai buguno ngan ngajar muknok jowi umum dan sok homing kuhoming, ²¹ busunguh-sunguh minyuk kusaksian, baik koni balo nyo Yahudi maupun balo nyo Yunani, tontankg putobatan koni Bai punopo'k ngan buiman koni Tuhant yah, Yesus Kristus. ²² Dan dik tia, kololah, ngan ni ngisiat sok roh,kuk tukah tukah nok johant kuk koni Yerusalem, kadiah dik tauk oniah dik tuk jadi koni kuk nok nyih, ²³ kecuali bahawa Roh Kudus busaksi ngan bonar-bonar nok sutiap kota koni kuk bahawa punjara dan nyiksa jeh nunguk kuk. ²⁴ Namun, kuk kai mengannggap pumidiap kuk buhogo bagi kuk todiap suhinga kuk dopit kosik poyo kuk dan pulayan dik nih kuk himok sok Tuhant Yesus, dikhan nyak busaksi ngan bonar-bonar tontakng Injil puminyuk Bai punopo'k. ²⁵ Dan dik tia, kololah kuk tauk bahawa kai odiah nok antaramuk, dik konimuk kuk buklilikng ngisah kerajaan, akan honong jowikuk agik. ²⁶ Karna han, kuk busaksi konimuk konimuk pada onu tia bahawa kuk kuk kai busalah atas doyo'k muk sumua. ²⁷ Sobab, kuk kai nahant kuk nyak ngisah han konimuk sumua rencana Bai punopo'k . Jagalah dirimuk todiap dan sumua kayaumuk , dik nok somu Roh Kudus dik jeh ngadok muk jodi pungawas nyak menggembalakan Jemaat Bai punopo'k , dikjeh dipam nginyak nyak doyo'k dipam todiap . ²⁹ Kuk tauk bahawa mosikhan keberangkatankuk, srigala-srigala buas pasti monik nok antara dant, kai sayakng ngan kayau han. ³⁰ Dan, sok antara muk todiap akan bangkik balo nyo dik ngomong tontakng hal-hal menyesatkan nyak menarik murid-murid sok balo. ³¹ Oleh karna han, bujaga-jagalah, samel nyiant bahawa nyowok ngan ngohupm, selama 3 sowok, kuk kai togak hawuah muk masikng-masikng ngan pikng tongis. ³² Dan diktia, kuk nyerah muk koni Tuhant dan koni Firman puminyuk diapm dik sangiap ngokat muk dan minyuk muk warisan nok antara sumua nyo dik ni ngudushan. ³³ Kuk kai morolu pihak, atau omas, atau aduah osiah pun. ³⁴ muk todiap tauk bahawa tongan tia melayani keperluan kuk dan balo dik busamah-samah ngan kuk. ³⁵ Nok wah sumua hal, kuk jeh nijuk han koni muk bahawa ngan khija kohas mah cara tia, yah arus nulokng dik lomah nyian omong Tuhant Yesus, bahawa diapm todiap bupodok, 'Lobiah bubahagia minyuk daripada himok'o.''' ³⁶ Dan, kutika diapm jeh podok hal-hal han, diapm bulutut dan budoa busamah balo sumua. ³⁷ Lalu, biant kobia tongis nok antara balo sumua dan balo makap hinan Paulus, suhoto ngan ciupm'ngi, ³⁸ Balo tukah susah, trutama karna kata-kata dik diapm podokhan bahawa balo kai akan honong jowi diapm agik. Lalu , balo pi'ik Paulus koni kapal.