¹ Mosikhan han, Paulus togant Atena dan obu koni Korintus. ² Dan, Paulus dopit nyo Yahudi buodant Akwila, kutuhunt Pontus, bauh giik'i monik sok Italia busama ngan sau'ngi, Priskila, nih Klaudius jeh hitah sumua nyo Yahudi togant Roma. Paulus monik koni balo, ³ dan karna balo puk khija dik samah, Paulus monai busama balo dan kuhija karna kuhija han balo odialah pumoki tenda. ⁴ Dan, Paulus butukar pumiker nok Sinagoge sutiap onu sabat dan buusaha nyak yakent balo nyo Yahudi dan Yunani. ⁵ Namun, kutika Silas dan Timotius monok sok Makedonia, Paulus mulai mengabdikan diapm sepenuh nya nyak podok Firman, samel busaksi ngan sunguh-sunguh koni balo nyo Yahudi bahawa yesus odialah Kristus. ⁶ Akan tutapi, kutika balo nota dan nohuh Paulus, dipam ngibas aduah dan bupodok koni balo, '' Doyok muk odiah nok somu bak muk todiap! Kuk broseh. Mulai tia dan suterusnya, kuk akan obu koni bangsa -bangsa laikng,'' ⁷ mosikhan, dipam togant ahokng han dan obu kuhoming nyik kunan buodant Titus Yustus, nyo dik kai Yahudi dik nyemah Bai punopo'k dik hominghan odiah nok sipiak Sinagoge. ⁸ Krispus, kupalak Sinagoge, jodi pucayak nokwah Tuhant ngan sumua nyo dik monai nok homing han, dan obia nyo Korintus dik ngopikng Paulus jodi pucayak dan nibabtis. ⁹ lalu, Tuhant bupodok koni Paulus nok han ngohupm nokwah subuah puhonong,'' yok golak, tutapi toruslah bupodok dan yok monai, ¹⁰ karna kuk busamah ngan muk dan kai odiah nyik kunan pun dik akan nyoha muk nyak nganiaya muk karna biant obia umat-kuk nok kota tia.'' ¹¹ maka, Paulus monai nok nyih selama nyik sowok 6 buhant, samel ngajarkan firman Bai punopo'k nok antara balo. Paulus ngadap koni Galio ¹² Namun, kutika Galio jodi Prokonsul Akhaya, balo nyo Yahudi ngan suoti bangkik lawant Paulus dan mant nok jowi kursi pengadilan, ¹³ ngan bupodok, '' Nyo tia tukakng pungaruh obia nyo nyak menyemah Bai punopo'k dik bulawant ngan Hukupm Taurat.'' ¹⁴ Akan tutapi, kutika Paulus hamper hok mukak tukuak, Galio bupodok koni balo nyo Yahudi han, '' jika tia odiah lah suatu pusoalan pulangar atau dik bek dik tega, hai balo nyo Yahudi, kuk patut butangokng jawab atas pukara muk. ¹⁵ Namun, jika tia odialah pusoalan tontakng kata-kata, dan odant-odant, dan hukupm muk todiap, uruslah todiap. kuk kai lua jodi hakipm atas hal-hal muk han.'' ¹⁶ lalu, Galio ngosar balo sok ahokng pungadilan. ¹⁷ Mosik han, balo sumua dokiap Sostenes, kupalak Sinagoge, ngan mokua nok jowi ahokng pungadilan. Akan tutapi, Galio kai honong hal-hal han. Paulus boliak nganu kota Antiokhia ¹⁸ Mosik han, Paulus monai ku kudu onu agik, lalu togant ngan balo posik suiman dan bulayar koni Siria, busamah ngan Priskila dan Akwila. Nok Kengkrea, Paulus jeh ngukuar buhubak han karna diapm jeh moki posant. ¹⁹ Mosikhan, balo monik nok Efesus dan Paulus togant Priskila ngan Akwila nok nyih, tutapi diapm todiap namok koni Sinagoge ngan butukar pikerre ngan balo nyo Yahudi. ²⁰ Kutika balo mitok Paulus nyak monai lobiah oti, Paulus kai setuju hanne, ²¹ tutapi togant ngan balo ngan bupodok, ''Kuk pasti boliak agik koni muk jika Bai punopo'k menghendaki han.'' Dan, diapm bulayar sok Efesus. ²² Mosik han diapm monok nok Kaiseria, diapm simak dan minyuk salam koni balo jemaat, lalu monok koni Antiokhia. ²³ Dan, sutelah kosik tah kukudu waktu nyok nyih, diapm togant ahokng han dan ngelilikng nyik ku ahokng laikng han nok wilayah Galitia dan Frigia, samel nguat balo murid. Apolos nok kota Efesus ngan kota Korintus ²⁴ Suatu saat, biant nyo Yahudi buodant Apolos, kutuhunt Aleksandria, monik koni Efesus. Diapm odialah nyo terpelajar dan maherre nok wah hal kitab Suci. ²⁵ Nyo tia jeh ni ngajar tontakng johant tuhant dan busemangat nok wah roh. Diapm ngomong dan ngajar han ngan tuliti hal-hal tontakng Yesus, tutapi diapm hanyan tauk'u namuh Yohanes . ²⁶ Diapm mulai ngomong ngan burani nok wah Sinagoge, tutapi kutika Priskila dan Akwila ngopikng han, balo nohiak han koni johant Bai punopo'k ngan lobiah topat. ²⁷ Dan, kutika Apolos owa hok mutas koni Akhaya, balo posik suiman nguat han dan nulis koni murid-murid agar nyamut pumonik han. Kutika diapm monik, diapm obia nulokng balo dik makiah maniah karna anugrah jeh jodi pucayak, ²⁸ karna dipam ngan kohas lawant balo nyo Yahudi nok jowi umum, samel nijukhan sok Kitab Suci bahawa Kristus odiahlah Yesus