1 Suatu saat, odiah nok antara jemaat Antiokhia, nabi-nabi dan guru-guru, oikhan Barnabas, Simeon dik ni podok Niger, Lukius soki Kirene, menahem dik ni nyebar han bu sama Herodes, haja wilayah, dan Saulus. 2 Smentara balo nyo tia tukah buibadah koni Tuhant dan bupuasa, Roh Kudus bupodok ,'' Khusus ngan lah bagi-kuk Barnabas dan Saulus nyak tugas dik nyak han Kuk jeh memangel balo.'' 3 mosikhan , sutelah balo bupuasa dan budoa, suhoto numpakng tongan balo atas Barnabas dan Saulus, balo ngutus du kunan obu. Barnabas ngan Saulus nok pulau Siprus 5 Kutika balo monik nok Salamis, balo ngisah firman Bai punopo'k nok sinagoge- sinagoge balo Yahudi, lalu balo gik'i mant Yohanes subagai pulayan balo. 6 Kutika balpo obu menjelajahi sluruh pulau sapai koni Pafos, balo dopit nyik kunan tukakng sihir, nyik kunan nabi palsu Yahudi, dik buodant Baryesus. 7 Dipam busamah ngan Prokonsul Sergius Paulus, nyik kunan dik ligat, dik mitok Barnabas ngan Saulus monik koni diapm han dan inigin ngopikng firman Bai punopo'k. 8 Akan, tutapi Elimas, tukakng sihir han, karna mahanlah odant dipam dik nijemahan, dik nota Barnabas ngan Saulus , ngan bu'usaha dik milo'k Prokonsul han sok iman han. 9 Namun, Saulus, dik juga ni ngenal subagai Paulus, dik pununkng ngan Roh Kudus, ni hati Elimas, 10 dan bupodok, '' Hai muk, dik punukng ngan sugala tipu muslihat dan sugala pumek, muk odialah nak Iblis, muk odialah musuh sok sugala kubonar han, kai lua koh muk togak milok johant Tuhant dik bujuar? 11 Diktia, hanonglah, tongan Tuhant monik kosomu muk dan muk akan jodi bokap dan kai ngolo motih sohonuh selamak kudu waktu.'' 12 lalu, Prokonsul han jodi pucayak kutika ngolo oniah dik jeh tuk jadi karna diapm anal wa terhadap pungajar Tuhant. Paulus ngan Barnabas obu koni kota Antiokhia nok wilayah Pisidia 13 Suatu saat, Paulus dan balo nyo dik buhoto diapm bulayar sok Pafos sapai koni Perga, nok Pamfilia, tutapi Yohanes togant balo dan boliak koni Yerusalem. 14 Namun, Saulus ngan Barnabas nyamokng punyalant sok Perga dan sapai nok Antiokhia, nok Pisidia. Dan, pada onu Sabat, balo obu koni Sinagoge dan guhuk nok nyih. 15 Sutelah pumaca Hukupm Taurat dan kitab balo nabi, kupalak-kupalak Sinagoge ngadok nyo bupodok kudu rasul han, '' posik-posik, jika muk puk kata-kata pungibur nyak balo nyo tia, padoklah.'' 16 Maka, Paulus tokit dan minyuk isyarat ngan tongan diapm dan bupodok, '' Hai balo nyo Israel dan muk dik golak akan Bai punopo'k kapikng guant! 17 Bai punopo'k baso Israel tia jeh miliah nek moyang yah dan ningik baso yah sulamak balo monai nok poyok Mesir dan ngan tongan dik mokat, Diapm mimpitn balo kluar sok nyih. 18 kotihan sukitar pat puhuk sowok, diapm busabar terhadap tingkah laku balo nok iap tohunt. 19 Dan, sutelah diapm ngangah juk bangsa nok poyok Kanaan, Diapm waris poyok han. 20 Sumua han tuk jadi kira-kira kotihan 450 sowok. Sutelah han, Bai punopo'k nyerah koni balo hukupm-hukupm sapai pada masa Nabi Samuel, 21 Mosikhan,balo bupitok nyik kunan haja, ngan Bai punopo'k minyuk balo Saul, nak nadik dahi Kish, nyo sok suku Benyamin, kotihan pat puhuk sowok. 22 Dik jeh Bai punopo'k ngosar Saul, Bai punopo'k mangkik Daud nyak nih jodi haja balo, dik tontakng Bai punopo'k jeh busaksi ngan bupodo'k, 'Kuk jeh dopit Daud, nak nadik dahi Isai, nyo dik bukenan nok oti-Kuk, dik akan kodi sumua kuhendak-Kuk.' 23 Sok kutuhunt nyo tia, Bai punopo'k, susuai janyi-Diapm, mant koni Israel nyik kunan juhu salamat, dikhan Yesus. 24 Subelum pumonik Yesus, Yohanes jeh bucihito subelumhan tontakng punamuh butobat koni sumua nyo Israel. 25 Dan, smentara Yohanes tukah kosik tugas sipam, diapm trus bupodok,'muk ngira osiah kuk tia? Kuk kai Diapm. Namun, kololah, nyo nyik kunan monik sutelah kuk, silup nok kojok-Diapm pun kuk kai layak macualhan.' 26 Posik-posik, kutuhunt kluarga Abraham dan balo nyo nok antara muk dik kai golak akan Bai punopo'k, koni yah keselamatan tia jeh ni podok. 27 Sobab, balo dik motiak nok Yerusalem dan para pumimpint balo, dik kai ngonal Diapm dan kai memahami ucapan para Nabi, dik nimacahan sutiap onu Sabat, jeh nigenap ucapan para nabi han ngan ngukupm Yesus. 28 Dan, sukalipun balo kai dopit alasan oniah pun nyak hukupm komek, balo miyok Pilatus nyak komek-Diapm. 29 Dan, kutika balo genap sumua dik nih nulis tontakng Diapm, balo tonok-Diapm sok koyuh salib dan nguhikng-Diapm nok wah kubur. 30 Akan tutapi, Bai punopo'k mangkiik Diapm sok antara nyo kobek, 31 dan kotihan buonu-onu, Yesus ngayan diapm koni balo nyo dik busama ngan-Diapm sok Galilea sapai Yerusalem, dik tia jodi saksi-saksi-Diapm bagi bangsa tia. 32 Dan, mik mant bagi muk kabar bai'k tontkng janyi Bai punopo'kkoni nek moyang yah, 33 bahawa Bai punopo'k jeh nepati janyi han bagi yahamak, nak-nak balo, ngan mangki'k Yesus, mah dik ninulis nok wah kitab Mazmur pasal du'u: 'muk odialah nak-Kuk. Onu tia, Kuk jeh jodi ma-Muk.' 34 Tontakng Bai punopo'k mangki'k Yesus sok antara nyo kobek, kai akan lagik boliak koni kebinasaan, Bai punopo'k jeh bupodok, 'Kuk akan minyuk koni muk brokat dik kudus dan dopit tuk pucayak, dik nih minyuk koni Daud.' 35 Hanlah sobab, Diapm gik'i bupodok nokwah Mazmur dik laikng, , Mukhan kai akan mubiarkan nyo Kudus-Muk honong kebinasaan.' 36 Sobab, Daud, dikjeh melayani generasi dipam todiap oleh karna kuhendak Bai punopo'k, lalu kobek, dan ni nguhikng nok antara nek moyang diapm, suhoto honong kebinasaan, 37 ttutapi Yesus dik Bai punopo'k mngki'k sok antara nyo kobek, kai honong kebinasaan. 38 Oleh karna han, biarlah kutauk oleh muk, Posik-posik, bahawa nosok Diapm tialah pungampunt atas dosa-dosa dik nyata koni muk, 39 dan nosok -Diapm,sutiap nyo dik pucayak ni bebas sok sugala susuatu han, dik sok diapm muk kai dopit ni bebas sok hukupm Taurat Musa. 40 Jodi, buhati-hatilah supaya hal-hal dik ni podok nok wah kitab balo nabi kai tujadi koni mu: 41 Kololah, hai balo pungejek! Pojiat ngan binasalah, Karna Kuk kodi kuhija dik jaman muk, subuah khija dik kai akan muk pucayak, bahkan lakmahan nyik kunan dik jelas han koni muk.''' 42 Smentara Paulus dan Barnabas kluar, balo nyo memohon agar balo ngisah tontakng firman han koni onu Sabat paji'i. 43 Sutelah budopit nok Sinagogehan slesai, obia balo Yahudi dan para poselit dik golak akan Tuhant ngajah Paulus ngan Barnabas, dik ngomong koni balo ngan nyunga balo nyak trus motiak nokwah anugrah Bai punopo'k. 44 Pada onu Sabat dikpaji han, hamoir sumua nyo nok kota bukumpul nyak ngopikng firman Tuhant. 45 Akan tutapi, kutika balo nyo Yahudi honong kuhami han, balo nimunukng iri hati dan mulai nota oniah dik ni sok Paulus samel ngajar. 46 Lalu, Paulus dan Barnabas nyawab ngan brani dan bupodok, ''hal tia pontekng bahawa firman Bai punopo'k searus'ngi ni ni nyonok koni muk tiant guant. Karna muk nulak dan nganggap muk todiap kai pantas puk pumidiap dik kekal, kololah, mik bupalikng koni bangsa-bangsa laikng. 47 Sobab, matialah Tuhant minyuk porintah koni mik: 'Kuk jeh jodi han muk torakng bagi bangsa-bangsa laikng supaya muk dopit mant sulamat sapai ku ujokng bumi.''' 48 Kutika balo nyo kai Yahudi han ngopikng hal dik matia, balo busukacita ngan muliahan firman Tuhant. Dan, kobiahan dik jeh ni notu nyak midiap kekal, dik jodi pucayak. 49 Maka, firman Tuhant nyebar koni sluruh wilayah han. 50 Akan tutapi, balo nyo Yahudi hasut balo dayua hukunt dik tuk hormat dan balo nyo pontekng nok kota, dan mubangkik punganiaya han nganu Paulus ngan Barnabas, suhoto nguser kudu'u han koni luar sok daerah perbatasan balo. 51 namun, samel ngibas dobu sok kojok balo buhadap balo nyo Yahudi nok nyih, Paulus ngan Barnabas obu koni Ikonium. 52 Dan, balo murid ni lobiah ngan sukacita dan ngan Roh Kudus.