¹ sementara han, para rasul dan balo posik seiman dik odiah nok Yudea ngopikng bahawa balo nyo kai Yahudi juga jeh himok Firman Bai punopo'k. ² Karna han, kutika Petrus simak koni Yerusalem, balo nyo dik busunat busilisih punopit ngan diapm, ³ ngan bupodok, '' muk obu koni balo nyo kai busunat dan duak busamah balo.'' ⁴ Akan tutapi, Petrus mulai menjelaskan secara buturut koni balo, kuatn diapm, ⁵ '' Kuk sedankg budoa nok kota Yope, dan wah keadaan kai sadar, kuk ngolo subuah puhonong, susuatu mah nyik lamar kaikng lebar monok, dik nguluar ngan kupat cikuhhan sok honyiant, dan benda han nyomak koni kuk. ⁶ Sutelah kuk hati han, kuk honong dan ngolo binatakng-binatakng bukojok pat nok bumi, binatakng-binatakng liar, biantakng-binatakng melata, dan monuak-monuak nok somu . ⁷ Kuk juga ngopikng biatn caho bupodok koni kuk, Mokat , Petrus, baleh dan naslah! ⁸ namun, kuk bupodok, 'kai Tuhatn . Sobab, kai odiah dik haram atau najis suwah namok koni wah tukuak kuk.' Akan tutapi, caho han bujawab nyak kudu'u kalihan sok honyiant, Onia dik jeh Bai punopo'k puhik, yok skali-kali muk podok haram!' ¹⁰ Hal tia tujadi tahuak kali, lalu sumuahan ni nohiak kembali koni honyiant. ¹² Kemudian, Roh bupodok koni kuk nyak obu busamah balo ngan kai ragu-ragu. kunim buposik seiman han juga obu busamah kuk dan mik namok Kuwait homing nyo han. ¹³ Lalu, diapm bupodok koni mi'k makiah maniah diapm jeh honong malekat tokit nok homing han ngan bupodok, ' nadok lah nyo nganu Yope dan mitoklah Simon dik ni nyonok Petrus monik koni kotuk, ¹⁴ dan diapm akan podok posatn koni muk dik nginyak posatn han muk akan ni nyelamat, muk ngan sumua nyo dik monai nok homing muk.' ¹⁵ Smentara kuk mulai bupodok-podok, Roh Kudus monok nok somu balo, samah mah dik sok awalhan tujadi somu yah. ¹⁶ Maka, kuk teringat koni omongan Tuhatn, kutika Dipam bupodok, 'Yohanes namuh nyak pikng , tutapi muk akan ninamuh ngan Roh Kudus .' ¹⁷ Jodi, jika Bai punopo'k minyuk karunia dik samah koni balo mah dik Diapm nyiluk gik'i koni yah sutelah pucayak nok wah Tuhatn Yesus Kritus, osiahkoh kuk sohinga kuk dopit ngapia Bai punopok?'' ¹⁸ kutika balo ngopikng hal-hal han, balo jodi tonang ngan memuji Bai punopok ngan bupodok, '' lak mahan, Bai punopok gik'i jeh mengarunia han koni balo nyo kai Yahudi pertobatan dik nuju koni midiap.'' Injil Monik koni Antiokhia ¹⁹ Kumudian, balo nyo dik pocai bohai karna punganiaya dik tujadi nganu Stefanus, tuk sebar sapai koni Fenisia, Siprus ngan Antiokhia, ngan kai cihito firman Tuhatn koni osiah pun kcuali koni balo nyo Yahudi. ²⁰ namun, biatn kudu kunan nyo sok balo, dikhan balo nyo Siprus ngan Kirene, dik monik koni Antiokhia ngan gik'i ngomong koni balo nyo Helenis , samel bupodok tontakng Tuhatn Yesus. ²¹ Tongan Tuhatn hoto balo, dik jumlah kobia balo dik jodi pucayak buboliak koni Tuhatn. ²² Agah tontakng balo sapai koni kopikng jemaat nok Yerusalem, dan balo ngutus Barnabas koni Antiokhia. ²³ Kutika Barnabas monik dan ngolo kaseh karunia Bai punopok, diapm busukacita dik nasehat balo sumua nyak totap sutia koni Tuhatn ngan owa dik giah. ²⁴ Karna Barnabas odiahlah nyo dik bai'k , punukng ngan Roh Kudus ngan iman , dik jumilah kobia nyo ni matn koni Tuhatn. ²⁵ kmudian, Barnabas obi koni Tarsus nyak ngogau Saulus. ²⁶ Dan, sutelah diapm matn han koni Antiokhia. Kotihan nyik sowok, balo budopit ngan jemaat dan ngajar kobia nyo. Dan, nok Antiokhia, murid-murid nyak puniatn nojih han ni podok ''nyo Kristen''. ²⁷ Pada onu-onu han, kudu kunan Nabi monok sok Yerusalem monik koni Antiokhia. ²⁸ Salah nyik kunan sok balo buodatn Agabus, butokit ngan meramal ngan punolokng Roh bahawa akan tujadi bagatn hebat nok sluruh dunia. Dan, bagatn han tujadi nok masa pemerintahan Klaudius. ²⁹ maka, balo murid memutuskan nyak cihipm sumbangan , susuai ngan kumampu balo masikng-masikng, koni balo posik-posik suiman ngan monai nok Yudea. ³⁰ Dan, dik gik'i balo kodihan, cihipm sumbangan han koni balo penatua melalui tongan Barnabas ngan Saulus.