¹ Dan, Saulus pun menyetujui pukome'k Stepanus han. Saulus membinasakan jemaat nok Yerusalem ² kudu'u kunan nyo saleh dik ngubur Stepanus dan konik ratapan dik begitu doi'i terhadaphan. ³ Akan tutapi, Saulus bu usaha membinasakan jemaat ngan namok ku homing demi homing. Diapm nyeret nyo dahi ngan dayu'a, lalu nyerah balo koni punjara. ⁴ Lalu, balo dik jeh bupocai han buklilinkg samel membritakan Injil. ⁵ Filipus monok koni suatu kota nok Samria dan bupodok tontankg Kristus . ⁶ Dan, nyo obia ngan suoti memperhatikan oniah dik filipus podokhan kutika balo ngopinkg dan honong tana-tana ajib dik diapm kodihan. ⁷ Sobab, roh-roh bek kluar sok balo nyo dik nih rasok han, samel bupakas ngan caho kohas, suhoto obia nyo lumpuh dan pincang dik nih puhi'k han. ⁸ Karna han, biant sukacita do'i nok kota han. ⁹ Namun, biant nyo nyik kunan dahi buodant Simon dik subelumhan jeh memperhatihan sihir nok kota dan moki kagum sumua nyo Samaria, ngan nyobut bahawa diapm han nyo do'i. 0 Sumua nyo, mulai sok nyo palinkg cik sapai nyo palinkg do'i, bupodok, ''Nyo tia odiahlah kuasa Bai ponopo'k dik nih nyobut 'Do'i'.'' ¹¹ Maka, balo minyu'k perhatian koni diapm karna jeh sekiant koti diapm jeh moki balo takjub ngan ilmu sihir han. ¹² Namun, sutelah balo nyo han dik pucayak Filipus dik ngisahan Injil tontankg kerajaan Bai punopo'k dan odatn Kristus Yesus, balo nibabtis, baik dahi-dahi mau pun balo dayua. ¹³ Bahkan, Simon todiap pucayak dan sutelah diapm nibabtis, diapm trus biatn nok nyomak Filipus, Dan kutika honong bubagai mukjizat dan tana-tana ajaib dik terjdi, diapm jodi takjub, ¹⁴ Pada waktu han, kutika rasul-rasul nok Yersalem ngopinkg bahawa balo nyo Samaria jeh himok firman Bai punopo'k, balo ngutus Petrus ngan Yohanes koni balo nyo nok nyi'h, ¹⁵ dik monik ngan budoa bagi bagi balo agar balo himok Roh Kudus. ¹⁶ Sobab, Roh Kudus guatn monok somuk nyik kunan pun sok balo, balo hanya jeh nibabtis nok wah odatn Tuhant Yesus. ¹⁷ Lalu, Petrus ngan Yohanes dik numpankg toganhan somu balo ngan balo dik himok Roh Kudus. Kutika Simon honong bahawa Roh Kudus ni minyuk han melalui punumpankg tongan rasul-rasul, Simon nawar duet koni rasul-rasul han, ¹⁹ ngan bupodok, '' pinyuk juga koni ku'k kuasa tia supaya sutiap nyo dik koni diapm kuk nupankg tonganku'k akan himo'k Roh Kudus .'' ²⁰ Akan tutpi, Petrus bupodok koni Simon, '' semoga duetmu'k han binasa buhotomu'k karna muk bupiker muk dopit memperoleh krunia Bai punopo'k ngan duet! ²¹ Mu'k kai pu'uk bagian atau hak nokwah hal tia karna otimu'k kai bujuar nok jowi Bai punopo'k. ²² Jodi, butobatlah sok kejahatan mu'k tia dan budoalah koni Tuhatn supaya, jika mungkin, niat otimu'k dopit nih ngamputn konimu'k. ²³ Sobab, ku'k honong bahawa mu'k biatn nok wah puduh dik poyiat ngan nokwah jora't kejahatan.'' ²⁴ Namun, Simon nyamuat ngan bupodok, ''budoalah nyak ku'k koni Tuhatn supaya oniah dik jeh mu'k podokhan kai menimpa ku'k ²⁵ Maka, sesudah Petrus ngan Yohanes busaksi ngan sunguh-sunguh ngan nyono'k Firman Tuhatn, balo boliak koni Yerusalem samel hito'o Injil koni obia desa nyo Samiria. Filipus membabtis nyo Etiopia ²⁶ Kemudian, malaikat Tuhatn bupodok koni Flipus, kuatndia'pm, '' mokatlah ngan obu koni Selatan, konib johatn dik monok sok Yerusalem Nuju Gaza. Johatn han odialah johatn dik sunyik.'' ²⁷ Filipus pun mokat ngan burangkat. Dan, mayan nyo nyi kunan Etiopia , dik odialah sida-sida sok nyik kunan pujabat pengadilan Sri Kandake, Ratu kerajaan Etiopia. Diapm butanggung jawab atas sumua harta sang ratu. Diapm jeh monik koni Yerusalem nyak budoa, ²⁸ dan, sodankg buboliak mohik, samel guhuk nokwah keretahan ngan bubaca kitab Nabi Yesaya. ²⁹ Lalu, Roh bupodok koni Filipus, obu dan bugabunglah ngan kereta han.'' ³⁰ Maka, Filipus buhogok koni kereta han ngan ngopinkg nyo han sodankg bubaca kitab Nabi Yesaya. Filipus bupisiak koni diapm, '' Oniahkoh tuatn tuhiti oniah dik sodang tuatn baca?'' ³¹ Dan, nyo han bujawab, ''Makiah maniah ku'k tau'k, kecuali nyo nyik kunan membimbing ku'k?'' Maka, diapm dik ngundang Filipus nyak simak ngan guhuk busama han. ³² Pada waktu han, bagian sok Kitab Suci dik sodankg diapm baca odiahlah tia, ''Diapm nihmatn maa'h nyik golok domba koni ahonkg pumoleh, dan maah nyik golok nak domba subelum ningutinkg buhuhhan bisukhan suhinga Diapm mukak tukuak-Diapm, ³³ Nokwah dik hina-Diapm, dik kai adel nih rampas Diapm-han. osiah dik dopit dik hito kutuhutn-Diapm? Sobab, midiap-Diapm jeh nih rampas sok bumi.'' ³⁴ Kemudian, sida-sida han bujawab ngan bupodok koni Filipus, '' Ku'k mohon koni muk, tontankg osiah sang nabi bupodok tia, tontankg diapm todiap atau tontankg nyo lainkg?'' ³⁵ Lalu, Filipus muka'k tukua'k diapm, dan mulai sok Kitab suci tia, dipam bukotbah tontankg Yesus koni diapm. ³⁶ Dan, saat balo obu menempuh perjalanan, balo sapai nok ahonkg dik bupinkg, ngan sida-sida han bupodok, '' hanonglah, biatn pinkg! Oniah dik menghalangikuk nyak nibabtis?'' ³⁷ [Lalu, Filipus bupodok, ''Jika tuan pucayak ngan seperhuman hati tuan, tuan boleh.'' Lalu, diapm bujawab ngan bupodok, '' Kuk pucayak bahawa Kristus Yesus odialah nak Bai punopo'k.''] ³⁸ Kemudian, sida-sida han ngadok han kereta nyak togak. Dan, balo dukunan monok koni pinkg, Filipus ngan sida-sida han, lalu Filipus membabtis diapm. ³⁹ Sutelah balo dukunan kluar sok pinkg, Roh Tuhatn matn Filipus obu, dan sida-sida han kai honong gik, lalu melanjutkan perjalananhan samel anal owa. ⁴⁰ namun, Filipus nopit diapm han brada nok Asdod, dan kutika diapm lalu kawasan han, diapm membritakan Injil koni sumua kota sapai diapm tiba nok Kaisarea.