¹ Akan tutapi, odiah nyi'k kunan balo dahi buodatn Ananias, busama ngan sau'ngi, Safira, ninyual harta di'k diapm pu'uk. ² Dan, ngan sepengetahuan sau diapm, Ananias ninahatn subagian hasel punyualhan bagi diapm todia'p, dan hanya matn subagian, lalu ngno'k no'k jowi kojo'k balo rasul. ³ Namun, Petrus busono'k, ''Ananias, ningoniah Iblis kunukng otimu'k sohinga mu'k ngelakar nganu Roh Kudus dan nahatn subagian hasel punyual poyo'k han? ⁴ Kutika bayu guatn ninyual, kaikoh poyo'k han totap milik mu'k? Dan, sutelah ninyualhan, kaikoh poyo,k han biant no'k sigatn kuasa mu'k? nigoniah mu'k bupiker perbuatan tia di'k nok wah otimu'k? Mu'k kai bulakar nganu naksio, tutapi nganu bai punopo'k.'' ⁵ Lalu, kutika di'k ngopikng perkataan han, Ananias hobu'k dan mengenbuskan napas di'k kumisikng. Maka, tujodi di'k golak di'k do'i terhadap sumua nyo di'k ngopikng hal han. ⁶ Tahkudu nyo mungun moni'k, mouluat nyak kaikng kapan , dan nyikua ,ngi kusopo'k. ⁷ Kumudian, dalam waktu kira-kira tahuah japm, sau Ananias moni'k, tutapi diapm kai tau'k oniah di'k jeh tujadi. ⁸ Dan, Petrus busono'k nganu diapm, '' busono'k lah koni ku'k, oniah lah mu'k nyual poyo'k han ngan hogo di'k ko'i tia?'' ⁹ Kumudian Petrus busono'k, ''ni ngoniah mu'k ngan sau mu'k busupokat busamah nya'k mencobai Roh Tuhant? Kolo, jejak-jejak kojok nyo di'k jeh ningubur bonihmu'k bayu biatn no'k jowi mitn dan balo juga akan ngokat mu'k ku sopo'k.'' ¹⁰ Tiba-tiba, Safira hobu'k no'k jowi kojo'k Petrus dan mengembuskan napas di'k kumisikng. Kutika nyo-nyo mungunt masok, balo honong Safira jeh kobe'k, lalu balo ngokathan sumopo'k dan nguburhan no'k sonikng bonih han. ¹¹ Maka, tujodi gola'k di'k daeh no'k antara sumua jemaat dan nyo-nyo di'k ngopikng hal han. Tana-tana Ajaib so'k Bai punopo'k ¹² Obia tana ajaib dan mukjizat tujodi no'k antara nyo obia melalui tongan para rasul dan balo sumua ngan suhati di'kodiah no'k Serambi Salomo. ¹³ Kai odiah so'k di'k laikng han di'k brani nya'k bugabung ngan balo, tutapi balo nyo sangat memuliakan . ¹⁴ Dan, odiah sumakint obia gi'k jumilah nyo di'k pucayak no'k wah Tuhatn, sujumilah daeh, baik balo dahi mau pun dayua. ¹⁵ Karna han, balo bahkan ngokat balo nyo monapm ku johatn dan nguhikng balo no'k somu punyota ngan kasur jerami supaya kutika Petrus moni'k, setidaknya bayangan diapm dopit kodukng kudu kunan so'k balo. ¹⁶ Juga, biatn obia nyo so'k kota-kota no'k sekitar Yerusalem moni'k busamah, di'k matn balo nyo monapm dan balo di'k ni rasok roh-roh be'k. Balo sumua disembuhkan, ¹⁷ Namun, para imam daeh bangkik, busamah balo pungikut han,* dan balo dipenuhi ngan iri hati. ¹⁸ Balo dokia'p para rasul dan muhua'k no'k wah punjara umum. ¹⁹ Akan tutapi, pada ngohupm tia, nyi'k kunan malaikat Tuhatn muka'k mitn-mitn punjara, ngukutn balo sumopo'k, ngan bupodo'k, ²⁰ ''Obu tokit, dan sano'klah nganu balo nyo no'k Bait Bai ponopo'k sumua Firman tontakng pumidia'p tia,'' ²¹ Dan, sutelah balo ngopiknghan, pada waktu punuhu, balo maso'k kuwah Bait Bai punopo'k dan mulai mengajar. Kutika Imam Daeh ngan balo nyo di'k busama moni'k, balo bukumpul Sanhedrin ngan sumua majelis balo mutuh Israel, lalu ngado'k nyo koni punjara nya'k matn balo rasul han menghadap balo. ²² Namun, kutika balo nyo suruhan han moni'k, balo kai kudopit ku du'u rasul han no'k punjara. Kemudian, balo bolia'k ngan minyu'k laporan, ²³ ngan bupodo'k, ''mi'k dopit punjara han tu'k kunci ngan sluruh pungaman ngan balo punjaga tokit no'k jowi mitn, tutapi kutika mi'k mukakhan, mi'k kai dopit nyi'k kunan pun di'k no'kwah han.'' ²⁴ Dan, kutika ba'k punjaga bait bai punopo'k ngan balo imam kupala'k ngopikng omongan han, balo sangat bingong ngan balo rasul han dan bupisia'k- pisia'k makiah maniah mungkin hal han dopit tujadi. ²⁵ Kemudian, nyik kunan moni'k dan bupodok nganu balo, ''kolo! Balo nyo di'k mu'k namok han ku saih punjara sodangk tokit no'k Bait bai punopo'k dan ngajar nyo obia,'' ²⁶ Lalu , kupala'k punjaga Bait bai punopo'k buhoto pungawal han obu dan mant rasul-rasul han, tutapi kai ngan kukohas karna balo golak duk parankng botuh oleh nyo obia, ²⁷ Kutika balo jeh matn Petrus dan Yohanes, balo ngadap han nganu Sanhedrin. Lalu, Imam Daeh misia'k balo, ²⁸ Kuwant han, '' mi'k jeh nohuh mu'k ngan kohas agar kai agik ngajar nok wah odant han, tutapi mu'k jeh punukng Yerusalem ngan ajaran mu'k dan mu'k bumaksud nyak nangokng doyo'k nyo tia nganu mi'k ,'' ²⁹ Namun, Petrus dan balo rasul nyamua't, ''mi'k harus lobiah menaati bai punopo'k so'k nak sio . ³⁰ Bai punopo'k nek moyang yah jeh membangkitkan Yesus, di'k jeh mu'k kome'k ngan ngantokng diapm no'k koyuh salib. ³¹ Bai punopo'k ngokat Diapm nok tongan touh - Diapm han subagai pumimpint dan juru slamat nyak minyu'k pertobatan nya'k Israel dan pungampunt atas dosa-dosa. ³² Dan, mi'k odiahlah saksi-saksi so'k suluruh tia, dan mahan gik'i Roh Kudus, di'k jeh Bai punopo'k minyu'k koni balo nyo di'k menaati-Diapm,'' ³³ Kutika balo ngopikng hal han, oti balo tuticua'k dan bumaksud nyak komis balo rasul han. ³⁴ Akan tutapi, nyik kunan Farisi bu odatn Gamaliel , nyik kunan guru taurat di'k nihormati sumua nyo, tokit no'k jowi Sanhedrin dan ngadok agar balo rasul han tubatn sumopo'k sutogal. ³⁵ lalu, diapm bupodo'k nganu balo, ''Hai balo nyo Israel, hanongan ngan bonar oniah di'k akan mu'k kodi han terhadp balo nyo tia. 36 Sobab, kudu waktu di'k lalu, Teudas bangki'k, ngakuk diamp subagai nyo pontekng dan kira-kira odiah pat hatus nyo di'k bugabung ngan diapm. Akan tutapi, diapm ni komek dan sumua nyo pungikutdiapm pocaibohai, sapai kai odiah sama skali. ³⁷ Sutelah Teudas, Yudas so'k Galilea bangki'k , pada onu-onu sensus, dan tutarik obia nyo nyak ngajah diapm. Diapm juga nikome'k dan sumua nyo di'k ngajahdiapm pocaibohai. ³⁸ Karna han, nokwah kasus tia, ku'k nasehat mu'k: ojuklah lah so'k balo nyo tia dan biarngan balo. Sobab, jika rencana dan perbuatan tia buasal so'k naksio, hal han kai akan buhasel. ³⁹ Namun, jika rencana tia buasal so'k Baipunopo'k, mu'k kai akan mampu nogak diapm. Bahkan, mu'k mungkin akan dikdopit bulawant Baipunopo'k.'' ⁴⁰ Balo nurut nasehat Gamaliel. Kumudian, sutelah mangel kudu'u rasul han, balo mokua dik du'u han ngan mohok balo rasul nya'ak ngomong no'k wah Yesus, lalu nih lopas han. ⁴¹ Karna han, rasul-rasul han obu sok jowi Sanhedrin ngan busukacita sobab balo ni nganggap layak menderita penghinaan demi odatn Diapm. ⁴² Dan, sutiap onu, nok Bait Baipunopo'k dan so'k homing ku homing, balo kai suah togak ngajar ngan cihito Injil bahawa Yesus odialah Kristus .