¹ Kutika Petrus ngan Yohanes ngomong nganu nyo obi'a, moni'k lah nganu balo para iman, ba'k pujaga Bait Baipunopo'k, ngan nyo-nyo Saduki, ² ngan sangat nohuh karna balo ngajar nyo obia ngan busono'k no'k wah Yesus odiah bangki'k so'k nyo kobe'k. ³ Lalu, balo doki'ap Petrus ngan Yohanes ngan muhu'ak nganuh wah punjara kubabut onu'ngi karna onu jeh ngohupm. ⁴ Namun, obi'a so'k balo dik jeh ngopikng punyono'k para rasul di'k jodi pucaya'k, ngan jumilah dahi-dahi di'k antara balo di'k jodi kira-kira himih hibu nyo. ⁵ Pada ku onu babuthan, pumimpit-pumimpit, tuh-tuh, ngan ahli-ahli Taurat balo bukumpul busama no'k Yerusalem, ⁶ busama ngan imam Besar Hanas, ngan Kayafas, Yohanes, Aleksander, ngan sumua nyo so'k keluarga Imam Daeh. ⁷ Kutika balo ngono'k Petrus ngan Yohanes no'k tudo'k-tudo'k, balo bupisi'ak, ''Dengan kuasa oniah atau ngan odatn osiahkoh mu'k di'k kodi hal tia?'' ⁸ Lalu, Petrus ngan Roh Kudus, bupodo'k nganu balo, ''para pumimpit bangsa ngan tuh-tuh, ⁹ jika mi'k ni mrosa onu tia karna suatu perbutan baik ngan jeh mi'k kodi terhadap nyo di'k lomah tia, ngan cara oniah nyo tia jeh ni puhi'khan? ¹⁰ Biarlah hal tia kutau'k oleh mu'k sumua ngan sumua Israel bahawa nih odatn Kristus Yesus, Nyo Nazaret, di'k mu'k nyalibhan, di'k jeh Bai punopo'k mangkik'ngi so'k antara nyo kobe'k, nyo tia tokit no'k jowi mu'k dalam keadaan sehat. ¹¹ yesus tia odialah: 'Botuh di'k ni nula'k so'k mu'k, tukakng-tukakng bangunan, di'k jeh tujodi botuh punjuru. ' ¹² Ngan, kai odiah punyelamat no'k wah osiah pun lainkg han karna kai odiah odatn laikng no'k sigatn honyiant di'k nyilu'k no'k antara naksio di'k oleh odatn han dia'p dopit nih nyelamat.'' ¹³ Kutika balo di'k honong kubrani Petrus ngan Yohanes ngan tu hiti'ngi bahawa balo odialah nyo-nyo kai tuplajar ngan awam, balo jodi eratn ngan mulai nginal bahawa datn di;k du suwah busama-sama ngan Yesus. ¹⁴ Ngan, sutelah honong nyo di'k jeh nipuhi'khan tokit no'k sonikng Petrus ngan Yohanes, balo kai dopit ngelawatnhan'ne. ¹⁵ Akan tutapi, kutika balo hitah Petrus ngan Yohanes nyak togatn Sanhedrin, balo brunding nyik nganu di'k laikng, ¹⁶ ngan busono'k, Oniah di'k arus dia'p kodi koni du'u ku nyo tia? Sobab, subuah tana ajaib di'k luar biasa jeh tujadi noso'k balo ngan bugitu nyata bagi sumua nyo di'k monai no'k Yerusalem, ngan yah kai dopit nyangkal han'ne. ¹⁷ Akan tutapi, supaya hal ti'a kai sumakitn tusebar no'k tudo'k balo nyo, boh yah ngancapm balo nya'k kai agi'k bucaho nganu osiah pun no'k wah odatn han .'' ¹⁸ kemudian, balo mangel Petrus ngan Yohanes, lalu murintah nyo dugolo'k nyak kai bucaho atau ngajar oniah pun no'k wah odatn Yesus. ¹⁹ Akan tutapi, Petrus ngan Yohanes bujawab ngan busono'k nganu balo, '' Patik ngan oniah di'k odu'k no'k wah pandangan Bai ponopo'k, nya'k ngopikng han mu'k lobia'h daripada Bai punopo'k? ²⁰ Sobab, mi'k kai bisa kecuali podo'k han hal-hal di'k jeh mi'k honong ngan ngopikng.'' ²¹ Maka, kutika balo trus ngancapm Petrus ngan Yohanes, balo nibiarkan rasul-rasul han obu, sutelah kai kudopit cara nyak ngukupm kudu'u oleh karna nyo obia di'k mumuji Bai Punopo'k atas oniah di'k jeh tujadi. ²² Sobab, nyo di'k nganuhan tana kesembuhan han jeh nyata, jeh bu umur lobiah so'k pat puhu'k sowo'k . ²³ kutika jeh nibebashan,Petrus ngan Yohanes obu nganu kayau-kayauhan todia'p ngan bucihito sugala susuatu di'k nipodo'k oleh balo Imam kupalak ngan tuh-tuh nganu balo. ²⁴ Ngan,kutika kayau-kayau datn han di'k ngopikng, balo di'k ngokat caho balo koni Bai Ponopo'k ngan suhati ngan bupodo'k, ''O tuhatn, Mu'klah di'k jeh nyodi honyint , bumi, lau'at, ngan sugala bi'ih han, ²⁵ Roh Kudus, noso'k tuku'ak hamba-mu'k ,Daud, ne'k moyang mi'k: 'Ningoniah bangsa-bangsa laikng ngagant, ngan nyo-nyo memperhatikan di'k sia-sia? ²⁶ haja-haja dunia busiap-siap, ngan para pengusaha bupulu'a busama, lawatn Tuhatn ngan lawatn di'k Diurapi-Han'ne,' ²⁷ Sobab, subonarhan no'k kota tia jeh bupulu'a busama nyak lawatn Yesus, Hamba-Mu'k di'k Kudus, di'k Mu'k urapi, ba'ik Herodes ngan Pontius Pilatus, busama ngan bangsa-bangsa laikng, ngan nyo-nyo Israel, ²⁸ Nyak melakukan sugala susuatu di'k jeh tongan-Mu'k ngan rencana-Mu'k jeh notuhan di'k guatn nyak tujadi. ²⁹ Ngan di'k tia, Tuhant, kololah ancaman-ancaman balo ngn karuniakanlah hamba-hamba-Mu'k tia nya'k hitohan firman Mu'k ngan sugala kuburani, ³⁰ Sementara Mu'k di'knguluar tongan mu'k nya'k puhi'k ngan tana-tana suhoto keajaiban-keajaiban tujadi oleh hamba-Mu'k di'k Kudus, Yesus.'' ³¹ Ngan, sutelah balo budoa, bugucahlah ahokng balo bukumpul busama ngan balo sumua nimenuhi ngan Roh Kudus, suhoto trus hitohan firman bai punopo'k ngan burani. ³² Ngan kumpulan balo di'k pucaya'k busatu oyi ngan jiwa. Kai odiah nyi'k kunan pun di'k buomong bahawa barakng di'k diapm pu'k odialah diapm pu'k todia'p, tutapi sugala susuatu odialah pu'uk balo busama. ³³ Lalu, ngan kuasa di'k daeh para Rasul nyilu'k kusaksian balo tontakng kubangki'k Tuhant Yesus ngan anugrah odiah somu balo sumua. ³⁴ Kai odiah nyi'k kunan pun di'k kuha so'k antara balo karna sumua nyo di'k pu'uk mi'ih atau homing,di'k nyual han, ngan matn hasel punyualhan, ³⁵ Lalu ngono'k no'k kojo'k balo rasul, ngan ni magi-magihan nganu masikng-masikng nyo susuai ngan kubutuhan han. ³⁶ Mahan gi'k Yusuf, nyo Lewi, kutuhutn Siprus, di'k nih mangel oleh balo rasul, Barnabas, di'k buarti 'na'k puhibur' , ³⁷ ninyual mi'ih ngan di'k diapm pu'uk ngan matn duet han, lalu ngono'k no'k kojo'k balo rasul.