¹ Laju Yesus ngumong ke die uhang "Aku ngumongkan yang sebenarnya ke ngan, ade bebehape jeme yang dang betegak di sini yang dekde kan mati sampai die uhang nginak kerajaan Allah dateng nggok kuase". (Yesus Rembak Musa Dan Elia) ² dan enam ahi ndai itu, Yesus ngajak Petrus, Yakobus, dan Yohanes laju mbawe die uhang menyendiri ke gunung yang tinggi, laju Yesus behubah rupe di depan die uhang. ³ dan pakaian-Nye jadi cemerlang dan putih nian, ngado tukang pemutih kain di dunie pacak mutihken lok itu. ⁴ laju, nimbul di depan die uhang Elia rembak nggok Musa dan die uhang dng ngumong nggok Yesus. ⁵ laju Petrus ngumong ke Yesus "Rabi" ilok nian bagi kami berade di sini. Pelah kite mbuat tige kemah sikok njok Musa dan sikok unjuk Elia. ⁶ dikarenakan Petrus dekde tahu harus jawab ape karne die uhang galenye takutan. ⁷ Laju nimbullah awan menaungi die uhang dan teanenglah sikok suare yang datang ndai awan itu, kate-Nye "inilah Anak-Ku yang terkasih, anengkanlah Die". ⁸ ndai itu juge, waktu die uhang nginak ke sekitar, die uhang dekde agi nginak siape pun rembak nggok die uhang kecuali Yesus. ⁹ dan sementare die uhang tuhun ndai gunung, Yesus ngenjuk perintah ke die uhang unjuk dekde ngenjok tau siape pun ape yang lah die uhang kinak sampai Anak Manusie bangkit ndai antare jeme mati. ¹⁰ Karne itu, die uhang mengecak umongan itu enjuk die uhang diwek sambil betanye-tanye ape artinye kebangkitan ndai kematian itu. ¹¹ Laju, die uhang betanye ke Yesus "ngape para ahi taurat ngumong bahwe Elia harus datang lebih dulu? ¹² Laju Yesus ngumong ke die uhang "Elia jelah datang duluan unjuk memulihkan segale sesuatu, dan bakmane nggok yang tertulis tentang Anak Manusie bahwa Dei harus menderite banyak hal dan dihina? ¹³ Tapi aku ngumonh ke ngan bahwa Elia memang dah datang, dan die uhang memperlakukannye sesuai nggok ape yang die uhang kendaki. Lok yang tetulis tentang die. ¹⁴ Laju, waktu Yesus, Petrus, Yakobus dan Yohanes balek ke murid-murid, Die uhang nginak berumunan jeme rami di sekitar murid-murid itu dan para ahi taurat dang bedebat nggok die uhang. ¹⁵ gancang ndai itu segale kerumunan jeme itu nginak Yesus, die uhang jadi tekanjat dan belahian unjok nyambut-Nye. ¹⁶ laju Yesus betanye ke die uhang "ape yang dang ngan debatkan nggok ahi-ahi taurat itu? ¹⁷ Suhang jeme ndai kerumunan itu nimbal die "guru aku ngundang anak jantan ku ke kamu karne die kesurupan setan dan buatnye bisu. ¹⁸ tiap kali roh itu nguasainye, die ngempaskannye ke tanah dan die ngeluarken bueh ndai mulutnye dan ngertakkan giginye laju die jadi kejang, aku minta-murid-murid Ngan ngusir roh itu tapi die uhang dekde mampu. ¹⁹ dan Yesus nimbal die uhang dan ngumong "hoi generasi yang dekde beriman! behape lame agi Aku harus rembak ngan? behape lame agi Aku harus betahan nggok ngan? bawe anak itu ke Aku! ²⁰ Laju die uhang ngundang anak itu ke Yesus dan waktu roh itu nginak Yesus, Die langsung mengguncang-guncangkan anak itu. Anak itu titek ke tanah dan tegelundong-gedong nggok mulut yang ngeluahkan bueh. ²¹ Laju Yesusbetanye ke bapang anak itu, " lah behape lame hal ini terjadi nggok die?" gimbalnye ndai masih kecil. ²² dan roh itu lah kerap nguntalkannye ke dalam api dan ke dalam ayakh unjuk ngancurkannye. Tapi, men engkau pacak bebuat sesuatu. Kasiani kami dan tulong kami. ²³ Yesus ngumong ke die, men Engkau Dapat? segale sesuatu mungkin unjuk die uhang yang percaye. ²⁴ gancang bapak anak itu menangis dan berseru, "Aku percaye! tulonglah aku yang dekde percaye ini! ²⁵ Waktu Yesus nginak men jeme rami datang bekerumun nggok gancang.Die nyegak roh itu sambil ngumong ke die "kamu roh bisu dan tuli, aku ajungkan kamu keluah ndai anak ini dan hala masuknye agi. ²⁶ sesudeh melaho dan menguncang-nguncangkan anak itu nggok hebat, laju roh itu leluah. Anak itu jadi lok jeme mati sehingga jeme rami itu ngumong" die mati ²⁷ tapi, Yesus ngecak tangan anak itu dan mbangunkannye, laju anak itu betegak ²⁸ dan waktu Yesus masuk ke dalam humah, murid-murid-Nye betanye ke Die secare pribadi "ngape kami ndek tau ngusirnye"? ²⁹ dan, die ngumong ke die uhang "jenis ini dektau keluah kecuali hanye nggok doa. ³⁰ Ndai sane, Yesus dan merid-murid-Nye pegi dan ngelewati wilayah Galilea dan Die dekde galak ade jeme yang tahu. ³¹ dikarenakan Die dang ngajah murid-murid-Nye dan ngumong ke die uhang "Anak Manusia nak dienjokkan ketangan manusie dan die uhang nak mbunuh-Nye dan ndai itu Die dibunuh tige ahi ndai itu die kan bangkit" ³² tapi murid-murid dekde mahami umongan itu dan ngehi betanye ke Die. ³³ Laju, Yesus dan murid-murid sampai di Kapernaum dan sesudeh Yesus berade di dalam humah die betanye ke die uhang " ape yang kamu umongkan dalam perjalannan? ³⁴ Tapi, die uhang diam karne dalam perjalanan die uhang bedebat sikok nggok yang lain tentang sape yang tebesak. ³⁵ Laju Yesus cugok dan ngantau kedua belas murid dan die ungumong ke die uhang " men suhang jeme galak jadi yang pertame, die harus jadi yang kendian ndai segalenye dan babu bagi segalenye". ³⁶ Laju Yesus ngambek suhang anak kecik dan bataknye betegak diantare die uhang. Dan sambil meluk anak itu Die ngumong ke die uhang. ³⁷ siape kian yang nyambut suhang anak kecik lok ini dalam name-Ku, die nyambut Aku dan siape kian yang nyambut Aku, kange nyambut Aku, melainkan die yang ngutus Aku. ³⁸ Yohanes ngumong ke Yesus, Guru kami nginak jeme ngusir setan-setan dalam name-Mu, dan kami menghalanginye karne die dekde milu dihi. ³⁹ Tapi Yesus ngumong ndalah menghalanginye karne ngado jeme yang nggawikan perbuatan ajaib dalam name-ku pacak diwaktu itu pule menghujat Aku. ⁴⁰ dikarnekan siape yang dekde melawan kite dipihak kite' ⁴¹ dikarenakan aku ngumongkan yang sebenarnye ke ngan, siape kian yang ngenjok ngan secangkir ayakh karne milu Kristus dekde kan kelengetan upahnye. ⁴² dan siape kian yang nyebabkan suhang ndai anak-anak kecik yang percaye ke Aku itu buat duse lebeh ilok bagi badanye men sikok batu kilangan yang besak digantungan ke liahnye dan die diuntalkan kedalam laut. ⁴³ dan men tangan ngan nyebabkan ngan beduse, tetaklah tangan ngan itu, lebih ilok unjuk ngan masok ke dalam kehidupan nggok tangan buntung ndai pade nggok due tangan masok ke nerake, ke dalam api yang dekde kan pernah mati. ⁴⁴ badah yang ulatnye dekde kan mati dan apinye dekde kan mati. ⁴⁵ dan men keteng ngan nyebabkanngan beduse, tetaklah keteng ngan tu, lebih ilok unjuk ngan masuk ke dalam hidup nggok keteng buntung ndai pade nggok due keteng diuntalken ke dalam nerake. ⁴⁶ badah yang ulatnye dekde kan mati dan apinye dekde kan mati". ⁴⁷ dan men matte ngan nyebabkan ngan beduse, cungkellah mate ngan tu. Lebih ilok unjuk ngan masok ke kerajaan Allah nggok sikok mate ndai pade nggok due mate diuntalkan ke dalam nerake, ⁴⁸ badah ulatnye dekde kan mati dan apinye dekde kan mati. ⁴⁹ dikarnekan tiap jeme kan digahami nggok api. Gaham itu ilok tapi men gaham tu lengket keasinannye, makmane ngan nak buatnye asin agi? punyeilah gaham di dalam badan ngan diwek dan berdamailah sikok nggok yang lain.