PELAYANAN YOHANES PEMBAPTIS ¹ Ndielah awalnye Injil Yesus Kristus, Anak Allah, ² Lok yang ditulis dalam kitab Nabi Yesaya: "Kinaklah! Aku ngihim utusan-Ku ndului kamu yang nak ngijekan bakal unjok Kamu. ³ "Ade Suare jeme berseru-seru di padang belantara: Ijekelah bakal unjuk Tuhan, jadikelah bakal-Nya luhus. ⁴ Jadi Yohanes membaptis Jeme-jeme di Padang Belantara dan mengkhutbake baptisan pertobatan unjok maafkan dosa. ⁵ dan segale penduduk Yudea dan segale jame Yerusalem datang ke Yohanes. Die membaptis dieuhang di ayikh Yordan, sambil dieuhang ngakui duse-dusenye. ⁶ Yohanes makai gumbak Unta wan bebatan kulit dilingkar Pinggangnye. Die makan belalang dan Manis Medu. ⁷ Yohanes Berkhutbah dan Ngumong, Sesude aku nak datang Jeme yang lebih berkuase ndai aku. Aku dekde pantas mbungkuk gok miculkan tali sendalnye. ⁸ Aku membaptis ngan gok Ayakh, tapi die nak membaptis ngan nggok Roh Kudus. ⁹ Laju, Tejadilah di akhi itu, Yesus datang ndai Nazareth, wilayah Galilea, dan dibaptis oleh Yohanes di Ayikh Yordan. ¹⁰ Gancang sesude keluah ndai ayakh, Yesus nginak langit tebelah dan Roh lok burung merpati tuhun ke Pucuk-Nye. ¹¹ Laju suare datang ndai Surge, "Engkaulah Anak yang ku kasihi kepada-Mu Aku berkenan." ¹² Sesude ndai itu, Roh ngundang Yesus ke padang belantara, ¹³ Die ade di padang belantara itu selama emat puluh hari dan di uji Iblis. Yesus ade diantare binatang-binatang liar dan pare malaikat melayani die. ¹⁴ Sesude Yohanes ditangkap, Yesus pegi ke Galilea dan mengatekan Injil Allah. ¹⁵ Die ngumung, "Genaplah waktunye Kerajaan Allah lah parak, Bertobatlah dan Percayelah gok Injil". ¹⁶ Yesus dang nyusuri tepi danau Galilea, Die Nginak Simon dan Andereas sanaknye, dang jale Ikan di Danau karne itulah gawi die Uhang. ¹⁷ Laju, Yesus ngumung gok dieuhang "Miluilah Aku, mangke Aku nak njadikan ngan penjale Manusie" ¹⁸ Simon Andreas laju ninggalkan jale dieuhang dan milu Die. ¹⁹ Waktu Die pegi lebeh jauh agi, Die nginak Yakobus, anak zebedeus, dan Yohanes, sanaknye, yang lagi mbenahi jale di dalam perahu. ²⁰ Laju Yesus ngantau dieuhang laju dieuhang ninggalkan bapang dieuhang, Zebedeus, ade di perahu rembakan nggok kuli-kiulinye, laju pegi milui Yesus. ²¹ Laju dieuhang sampai di Kapernaum dan gancang di akhi sabat, Yesus masok ke Sinagoge dan ngajah ²² Dieuhang takjub nganing ajahannye karne die ngajah lok jeme punye kuase, dekde same lok Ahli Taurat. ²³ Waktu itu di Sinagoge ade suhang jantan yang kesurupan setan laju die melaho. ²⁴ Ujinye, Ape urusan ngan gok kami, Yesus ndai Nazaret? damrnye Kamu datang nak mbinasakan kami? Aku pacak siape Kamu. Kamu jelalah kudus ndai Allah! " ²⁵ Tapi Yesus nyegak die ujinye, "Diam! ngeluahlah ndai jeme ini". ²⁶ sesude setan tadi ni ngguncang-guncangkan die sambil melaho, ngeluahlah setan itu ndai die. ²⁷ Dieuhang takjub gale laju betanye suhang nggok yang lain, ujinye Damenye ini? sikook ajahan anyar nggok kuase! Die bahkan ngajung ke setan itu dan dieuhang nuhut ke die. ²⁸ Laju, nggok gancang cerite tentang Die tesebah di mane-mane sampai ke Seluruh wilayah Galilea. ²⁹ Sesude Yesus nggok Murid-muridnye ninggalkan Sinagoge, Die uhang masok ke humah simon dan Andreas, rembak nggok Yakobus dan Yohanes ³⁰ Tapi, umak mertua Simon dang mulik karne bidapan dieuhang gancang ngenjuk tau kondisinye nggok Yesus. ³¹ Yesuspun negahi dan ngecaki tangannye same nolongnye tegak. waktu itu juge bidapannye semboh dan betine itu mulai melayani die uhang. ³² Waktu lah dalu, sesude mataakhi tebenam, dieuhang ngundang ke Yesus segale jeme yang bidapan nggok yang kesurupan Setan. ³³ Laju segale penduduk kota bekumpul di adapan lawang humah itu. ³⁴ Yesus nyembohkan Jeme rami yang bidapan nggok berbagai macam bidapan dan ngusir setan" tapi, die dikde ngajung setan-setan itu ngumong, karne dieuhang kenal Die. ³⁵ Pagi-pagi nian waktu akhi maseh akap Yesus betegak laju pegi ke sikok badah yang sepi, laju Die bedoa di sane. ³⁶ Laju, Simon nggok jeme-jeme yang rembak die cakahi Yesus. ³⁷ Waktu dieuhang tegah Yesus, die uhang ngumong, "Segale jeme nyakahi Kamu!" ³⁸ dan Yesus ngumung "Pehlah kite pegi ke kota-kota yang parak mangke aku pule pacak berkhutbah nggok jeme-jeme disane. Dikarnekan ndielah alasan Aku datang." ³⁹ karne itu, Yesus pegi ngayaw ke segale wilayah Galilea. Die ngatekan Firman di Sinagpge-Sinagoge dieuhang dan ngusir setan-setan. ⁴⁰ Laju, ade jame yang bidapan Kusta dateng ke Yesus. die memohon dan belutut ke Die dan ngumong, "amun Kamu galak, Kamu pacak menahirkan aku. ⁴¹ Dikarenakan kesian laju Tegeraklah ati Yesus, Laju die ngenjukkan tangannye dan ngecak jeme itu sambil ngumong, "Aku gala. Laju sembohlah jeme itu. ⁴² Waktu itu pule, Bidapan kustanye lengit dan jeme itu jadi sihat. ⁴³ Yesus gincang ngajung jeme itu pegi laju ngingatkannye nggo tegas. ⁴⁴ Die ngumong nggok Die, ndalah katekan ape-ape nggok siapa kian tentang hal ini. laju, pegilah, kinakkanlah badan ngan ke imam, dan enjukkanlah kurban dikarnekan ngan lah semboh lok yang diajungkan oleh Musa sebagai sikok kesaksian unjok die uhang. ⁴⁵ Tapi, jeme itu pegi dan mulai ngatekan berita itu secare tebuka ke jame rami ndai itu, Yesus dekde pacak agi masok secare terang-terangan ke Kota, tapi ade di luah di dusun yang sepi. Laju Jeme-Jeme ndai segale badah maseh kian ndatangi-Nye.