Sara Wolum Sa Tuu ¹ Ampi itung reo numpan suntup saman mpah pemerintah anri penguasa, taat anri siap ngulah setiap gawian maasus, ² bakoi mafitnah hie pun, bakoi katait, amah, nelang tuu-tuu bersikap lemah lembut pa kahai ulun. ³ Ket, takam pono pada budu, bakoi taat, tawang, na samalah et bamasam nafsu anri kasanangan, wolum huang kejahatan, anri bihiri ate, nakuar anri saling muar. ⁴ Kude, tawuk kemurahan anri ahi Allahtala Jususlamat takam, na nyatakan, ⁵ Io nyalamat takam, bukan et gawian tuu sa takam ulah, malah ket ahi lelu ne metah pembersihan na kayaan mulek, anri nyamayu Roh Barasih. ⁶ sa Io curahkan gi bawo takam anri melimpah metah Kristus Yesus, Juruslamat takam. ⁷ Jari, ukah na suntuu et anugrah ne, takam jari ahliwaris sesuai anri kaharapen kai wolum kekal. ⁸ Papaneran itu bangat tuu. Neo hal itu uki sidi iko tuu-tuu yakin numpan reo sa haut persaya mpah Allahtala ki iuh rajin ngulah gawian maasus. Hal-hal itu maasus anri bariran pa kahai ulun. ⁹ Kude, ampi oro perdebatan-perdebatan, asal-usul, basuat anri kalait sa budu neu hukum Taurat, ket hal iro bakoi oeng riran ne anri sia-sia. ¹⁰ Pakau ulun sa ngu ta pisah, ampi itung io hinra atau hunruo kali, ukah iro ampi oroleh io. ¹¹ Ket iko kutue ulun yalah iro haut na santawang anri ponu dusa, io ngampi hawi hukuman bawo tonga ne re'erai. Petunjuk Terakhir anri Tabe ¹² Ukah uki ngutus Artemas atau Tikhikus mpah iko, bausahaleh pakai hawi mpah uki gi Nikopolis ket uki haut memutuskan pakai duloi gi raha kunguhang musin mirisak taha. ¹³ Anri kawigasen tenaga ko, karawah Zenas, si ahli hukum iro, anri Apolos sa nan huang perjalanan numpan reo bakoi kukurangan inunpun. ¹⁴ Harusleh ulun-ulun takam, pajar rajin huang ngulah gawian sa maasus numpan reo ki'iuh nyunsukup keperluan wolum tiap-tiap onro dan bakoi wolum anri bakoi mu'a. ¹⁵ Kahai ulun sa nan baya uki nahampe tabe uki mpah reo sa malelu kain huang iman. Anugrah nyinrah ikam kahai.