Pengajaran Sa Tu'u ¹ Kude, iko, ajar leh hal sa sesuai andri pengajaran sa sehat. ² Upo-upo sa lewi muntuo harus naham diri, terhormat, menguasai tonga, nelang sehat gi huang iman, huang ahi lelu, dan huang ketekunan. ³ Pada wawe-wawe sa lewi muntuo harus nentarang tingkah laku sa satia, bakoi pemfitnah atau pamabuk anggur, kude harus ngajar sa ma'asus. ⁴ Anri mi'iro, reo ki iuh menasehati wawe-wawe uro pakai sinta ari ho'ong ne, pa ahi napea-peane, ⁵ menguasai tonga, satia ngurus lowu rean ne, ramah dan nu'u pah ho'ong ne, numpan lengan Allahtala bakoi na kukupe. ⁶ Mi'iro, pada nasehatlah ulun uro numpan tau menguasai tonga. ⁷ Huang kahai hal, jarileh tonga ko soretoh huang gawian-gawian ma asus, huang pengajaran, tantarang, kahai kehormatan, ⁸ papaneran tu'u sa bakoi na kukupe kawan lawan jari bangan ket bakoi kiuh nyawada hal beleoh neu takam. ⁹ Walah-walah harus nu'u mpah, tuan-tuan reo huang kahai usaha leh pakai ngampi senang reo, dan ada nawan. ¹⁰ Ada ngalat, kude tantarang leh bahwa iko ki iuh na persaya numpang huang kahai hal reo nawat ajaran Allahtala, Juruselamat takam. ¹¹ Ket, anugrah Allahtala sa nguit kaslamatan ukah ngata pa kahai ulun. ¹² pakai ngampi wigas takam menulak hal-hal sa bakoi satia atau pada bahum duniawi numpan takam ki'iuh wolum menguasai tonga, adil, dan satia gi zaman tataha itu, ¹³ samantara takam nganrei kaharapan sa ponu berkat, yi iro pahawian sa ponu kemuliaan teke Allahtala Sa Bangat Idu, dan Juruslamat takam Kristus Yesus. ¹⁴ Io ukah ngundru tonga ne pa takam pakai newuh takam teke kahai ulahan jahat dan pakai ngabarasih pa tonga ne umat pelian ne sa rajin gawian ma'asus. ¹⁵ Ajar leh kahai ne itu. Nasehat dan tegur leh anri kahai wangon. Ada naan ulun sa meremehkan iko.