¹ Ji'k waktu adi, Kaisar Agustus paha'k porentah pa'k konuan sensus makan jamon penduduk nek pida'k dow. ² Ihi'k no sensus penduduk yang bungas o konuan ji'k Kirenius ba'lrew gubernur ne'k siria. ³ Maka, jamon u'lrun muri'k ngatoh kota su'lra'k do nunggan-nunggan pa'k mendaftarkan a'lro'f do. ⁴ Yusuf pun notak Nazaret, kota ne'k Galilea, kabun nuju ngatoh Yudea, ngatoh kota Daud yang tonondohok Betlehem, konuan iyo berasal tat garis koturunan Daud, ⁵ pa'k iyo tonondaftar hembeh dain Maria, tunangano, yang benteng botohe'k. ⁶ Ji'k Yusuf kabun Maria ngo'lro'ot ne'k Betlehem, dape no bu'lran o Maria nyah monsuan. ⁷ Maria pun 'Lraon anak bakah yang bungaso. Iyo mu'uko dain kampo lampin kabun pidi'k iyo ne'k uhang palungan konuan bekan no kamar makan e'lro duo kan ngo'lro'ot. ⁸ Ne'k ukan yang haboy, na'an pi'lro-pi'lro gembala yamg ngo'lro'ot ne'k padang ukan jaga do'lrang domba e'lro ji'k ma'lrum dow. ⁹ Nohona'k ma'k,malekat Mohontara'k nongkojong ne'k usuk e'lro kabun kemiliaan Mohontara'k bosiah ne'k koku'lreng e'lro ti'lri'k o e'lro nyangit mikoh. ¹⁰ Akan tetapi , malekat adi bojantuh ngatoh e'lro, "Ayo mikoh sebab ngo'lringo'k noh, aku poba'lra'k ngatoh ko'k ta'lrung jian tentang sukacita tongun yang nakan ngatoh jamon bansa. ¹¹ Ne'k ji'k dow hi'k, no'lraon noh makan kam ji'k bah juru selamat, iyonoh Kristus, Mohontara'k, ne'k kota Daud. ¹² Ihi'k noh tanda makan ko'k: Ko'k nanah nyombang anak denyam yang nu'uk dain kampo lampin kabun momindi'k ne'k uhang palungan." ¹³ Nohona'k ma'k, jenta'k henbeh-hembeh malekat adi sekumpulan tongun tentara surgawi yang momuji Mohontara'k kabun bojantuh, ¹⁴ "Kemuliaan bagi Mohontara'k ne'k ukan yang maha hangkas kabun damai ne'k Tana'k danum, ne'k ihang u'lrun-u'lrun yang berkenan ngatoh Mohontara'k. ¹⁵ Kotihan do'lrang malekat notak do'lrang gembala adi kabun po'lraek ngatoh surga, do'lrang gembala adi bojantuh ji'k bah ngatoh yang bokon, "Ndai noh to ngatoh Betlehem pa'k ni'lro'k de'k agd yang bu'lrum noh nyodung nai, yang bo'lrum noh Mohontara'k Poba'lra'k ngatoh to." ¹⁶ U'lri'k adi, e'lro jopit-jopit naat kabun nyombang Maria kabun Yusuf, dain anak denyam yang mimindi'k ne'k palungan. ¹⁷ Kotihan do'lrang gembala di ni'lro'k Iyo, e'lro no'lrete 'lroin yang bo'lrun no tonondohok ngatoh e'lro tentang anak adi. ¹⁸ Kabun, jamon u'lrun yang ngo'lringo'k de'k ang adi heran ngatoh jamon yang tonondohok do'lrang gembala adi ngatoh e'lro. ¹⁹ Akan tetapi, Maria mi'lrim de'k ang adi kabun merenungkannya ne'kuhang songano. ²⁰ U'lri'k adi, do'lrang gembala po'lraex ngatoh domba-domba do sambel memuliakan kabun memuji Mohontara'k tat jamon yang bo'lrum no e'lro ni'lro'k o kabun ngo'lringo'k ama'k yang tonondohok ngatoh e'lro. ²¹ Kabun,u'lrik genap noh hayo dow pa'k nyah nyunat Anak Denyam adi, A'lran-O tondohok Yesus, Ama'k a'lran yang nakan tat malekat tat ji'k iyo apo tonontohe'k ne'k uhang ta'lra'k inyaio. ²² Ji'k dow-dow penyucian sesuai dain hukum musa pa'k nyerahkan iyo ngatoh Mohontara'k, ²³ ama'k yang tonulih uhang hukun Mohontara'k, "Jamon anak debyam bakah tuo harus tonguduskan makan Mohontara'k ²⁴ kabun pa'k makan persembahan sesuai dain anun yang tonondohok ne'k hukum Mohontara'k, iyonoh ji'k pasang sopu'lru dara atau dua ko'lreng sopu'lru merpati denyam." ²⁵ Naan ji'k bah bakah a'lrano Simeon yang ngo'lro'ot ne'k Yerusalem. Iyo iyonoh u'lrun yang hinut kabun saleh, yang mihan-mihan penghiburan Mohontara'k tat Israel, Kabun Roh Kudus hembeh-hembeh iyo. ²⁶ Roh Kudus poba'lra'k makan iyo bahawa iyo bea apo matoy kanah iyo bea apo ni'lro'k Kristus yang diurapi Mohontara'k. ²⁷ U'lri'k adi, Simeon dape ngatoh Bait Allah nombin tuntunan Roh Kudus, Kotihan Yusuf kabun Maria bin anak denyam Yesus nagtoh Bait Allah pa'k nguan ngatoh iyo anun yang bo'lrum tonentu konuan hukum Taurat. ²⁸ U'lri'k adi, Simeon ngendong anak denyan adi kabun memuji Mohontara'k, kono iyo, ²⁹ "Ji'k meha'k hi'k, kirao ko'k mengijinkan pelayan-nu'k ihi'k ngontoang uhang damai, sesuai dain firman-Nu'k; ³⁰ Konuan matanku bo'lrum nokeselamatan-Nu'k, ³¹ yang bo'lrum ko'k sediakan ne'k usuk poni'lro'k jamon bansa; ³² iyonoh si'ah yang nyah nanah nyi'ah bansa-bansa yang bea ngenal Mohontara'k, kabun yang poba'lrew komuliaan makan umat-Nu'k, Isreal. ³³ Yusuf kabun inyai anak adi ba'lrew heran ngatoh anun yang tonondohok Simeon tentang Iyo. ³⁴ U'lri'k adi Simeon memberkati e'lro kabun bojantuh ngatoh Maria, inyai Yesus, "Ngo'lringo'k, Anak ihi'k bo'lrum tonetep kan pau'k kabun pakat sa'uh u'lrun ne'k Israel, da'in ba'lrew tanda yang tonentang sa'uh u'lrun. ³⁵ (Kabun, ji'k lambe'k pian nyah nanah motut jiwa nu'k) pa'k uhang songan sa'uh u'lrun nyah nanah tonondohok na'lra'k. ³⁶ Ne'k adi sa'k naan ji'k bah nabi bawe'k a'lrano Hana, anak Fanuel tat suku Asyer. iyo toda'lrow tuonoh. Iyo mi'lrup dain o'lruh o hanya kotahi'k tuju'k to'an tat u'lri'k sa'ut ko'lruh do, ³⁷ kabun u'lri'k adi ba'lrew ba'lru 'lranda'k ti'lri'k umur o 84 to'an. Iyo bea kala'k notak Bait Allah, tetapi beribadah indow kabun ma'lrum dain ngarot kabun berdoa. ³⁸ Ne'k waktu adi, dape no Hana kabun iyo ngucap syukur ngatoh Mohontara'k san no'lrete tentang Yesus ngatoh jamon u'lrun yang mihan-mihan penebusan Yerusalem ³⁹ U'lri'k Yusuf kabun Maria nguan de'k ang yang sesuai dain hukum Mohontara'k, e'lro po'lraex ngatoh Galilea, Kota asal e'lro, iyonoh Nazaret. ⁴⁰ Anak adi pun siuh ba'lrew tongun, ba'as, ponu'k dain hikmat, kabun Mohontara'k memberkati-Iyo. ⁴¹ Jap to'an, u'lrun tuo Yrsus naat ngatoh Yerusalem ji'k dow Raya Paskah. ⁴² Kotihan Yesus boumur pu'lru'k san duao to'an, e'lro naat ngatoh adi sosuai kobiasaan dow raya adi. ⁴³ U'lri'k Porayaan adi tumah, e'lro mu'lri'k. tapi Yesus honong totyak ne'k Yerusalembea kotuan konuan u'lrun tu'o-O. ⁴⁴ Konuan u'lrun tu'o Yesus ngira bahawa iyo na'an ne'k ihang rombongan, e'lro pun no'lrusan ponya'lra'an do ti'lri'k ji'k dow ponu'k. U'lri'k adi, e'lro mulai pagow Iyo ne'k ihang do'lrang 'lrihit 'lrinting kabun u'lrun-u'lrun yang e'lro kenal. ⁴⁵ Kotihan e'lro bea nyonbang Yesus,Elro po'lraex ngatoh Yerusalem kan pagow-Iyo. ⁴⁶ U'lri'k to'lru dow, e'lro nyombang Yesus ne'k Bait Allah benteng munduk ne'k ihang guru-guru agama, sambel ngo'lringo'k kabun ngajukan setong ngatoh e'lro. ⁴⁷ Jamon u'lrun yang ngo'lringo'k-Iyo toheran-heran dain ponduan kabun nutai-nutai-Yo. ⁴⁸ Kotihan u'lrun tuo-Iyo ni'lro'k Iyo, e'lro pun heran sa'k. U'lri'k adi inyai-yo nyetong iyo, "Nak, me'e po ko'k nguan ang ihi'k ngatoh kay? amai nu'k kabun aku toda'lrow mikoh no pagow-Ko'k." ⁴⁹ Mutay Yesus ngatoh e'lro, " me'e po ko'k oagow aku? beatou da'k kam bahawa aku pasti ngo'lro'ot ne'k boang Amay-Ku?" ⁵⁰ Akan tetapi e'lro bea ngoreti anun yang tonondohok-O ngatoh e'lro. ⁵¹ U'lri'k adi, Yesus mu'lri'k hembeh e'lro ngatoh Nazaret kabun mo'lri'ah e'lro. Namun, inyai-Yomi'lrim 'lro'in adi ne'k uhang songano. ⁵² Yesus pun siuh somakin ba'lrew tongun kabun somakin bijaksana. Iyo sa'k somakin tongane'k konuan Mohontara'k kabun tolino.