¹ Limbas, Yesus napara bapander umba ilro suang parabasai-parabasai. "Toko ulrun jo mangusaha kabun anggur. Iyo mangun pahkot unuk sakaliling'e, mba ngalri lruang ahkan ngahamis anggur, mba sabuah mangun menara pengawas. Limbas, Iyo manyewa'e umba panggarap-panggarap kabun mba buho nuk luar negeri. ² Metuh musim panen, Iyo mangirim ico beti pelayanan umba kawan panggarap kabun jijo ahkan narima bara ilro hasil kabun anggur'e. ³ Ahkan tapi, ilro manekap pelayan jijo, mba muhkul'e, limbas ngambuho'e dengan lrongoi hampa. ⁴ Hawi jijo, Iyo mangirim hino pelayan bohkon'e mba ilro, mba ilro muhkul kuhung'e, mba memperlakukan'e dengan cara jo ngmia. ⁵ Limbas, Iyo mangirim pelayan bokon'e umba ilro munu'e. Hal ihi tajadi umba aro bohkon'e sabagian pamuhkul, mba sabagian pamunu. ⁶ Tepun kabun jijo masih ngina ico hino, jo yo anak jo kasih'e. Akhir'e, Iyo mangirim anak'e jijo umba ilro mba bapander, ‘ilro ahkan mahormat anakku.’ ⁷ Ahkan tapi, kawan panggarap kabun jijo bapander ico dengan jo bokon, ‘ihi iyo noh ahli waris'e. Ayu, ihto munu iyo mba waris'e ahkan manjadi tepun ihto.’ ⁸ Limbas, ilro manekap'e mba munu'e, limbas manyakah'e luar kabun anggur. ⁹ Narai jo ahkan tanapa tepun kabun anggur jjo? Iyo ahkan lromut mba ngapunah kawan panggarap jijo mba manonga kabun anggur'e mba jo bokon. ¹⁰ Eyam puji ihko ngambasa ayat Kitab Suci ihi: ‘Batu jo pamatuk hawi tuhkang bangunan, jadi manjadi batu penjuru. ¹¹ Ihi yo perbuatan Tuhan, mba perbuatan ihi ajaib nuk mahta ito?’ ¹² Limbas, ilro brusaha manekap'e, tapi ilro mihkoh umba ulrun aro hawi ilro mangataai hawi Yesus manyapai paribasai jijo ahkan ilro. Limbas, ilro manotoh Yesus mba buho. ¹³ Limbas, ilro nyuhu lromut umba Yesus sabagian ulrun Farisi mba ukrun-ulrun Herodian ahkan manjebak Iyo dengan pander'e bongoi'e. ¹⁴ Ilro lromut mba bapander umba Yesus, "Guru, ihkai taai bahwa ihko bujur mba eyam paduli dengan pandapat ulrun bohkon. Hawi, ihko eyam napayah penampilan ulrun tapi mangajar jalran Hatalla jo sasuai dengan Kabujuran. Inon bujur mambayar pajak kaisar atawa eyam?" ¹⁵ Harus ihkai mambayar atawa harus ihkai eyam mambayar? Akan tapi Yesus, sajadi mangataai kemunafikan ilro, Iyo bapander umba ilro. "Ombai ihko masuba Aku? Ngomin umba-Ku ico dinar mba biar Aku noto'e. ¹⁶ Limbas, ngomin'e, mba bapander Yesus umba ilro, "Gambar mba tulisan iyai ihi?" Ilro mutah'e, "Gambar mba tulisan kaisar." ¹⁷ Limbas, Yesus bapander mba ilro, "nonga umba Kaisar hal-hal jo manjadi tepun kaisar mba umba Hatalla hal-hal jo manjadi tepun Hatalla." Mba, ilro heran mba Yesus. ¹⁸ Limbas, ulrun-ulrun Yahudi, jo mander hawi eyam toko Tangokat, lromut umba Yesus mba bakisok umba-E, hiyon ilro, ¹⁹ "Guru, Musa manulis umba ito hawi amun ico beti, jo mangina pahari bakas, mahtoi mba manotah ico beti olruh, tapi eyam manotah anak, pahari'e jo bakas-bakas jijo harus mangawin balru jijo mba mangokat katurunan bagi pahari'e. ²⁰ Toko huju ulrun pahari. Pahari jo tambakas ngomin ico beti oruh, mba metuh io mahtoi, io eyam manohtah katurunan. ²¹ Limbas jo, pahari jo kaduo mangawin bawi jijo, mba matoi tanpa manonga katurunan. Konoi kia dengan pahari jo katolru. ²² Mba, eyam toko bara kahuju bapahari jijo jo manonga anak. Akhir bara uras'e bawi jijo kia mahtoi. ²³ Pas hondo pangokat, metuh ilro kohkat, manjadi olruh iyai bawi jijo ? Hawi, kahuju bapahari jijo jadi manapae akan oruh." ²⁴ Yesus mutah ilro, "bohkon ihi jo alasan ihko manjadi sesat, hawi ihko eyam mangerti kitab suci atawa kuasa Hatalla? ²⁵ Hawi, metuh ilro kokat bara atara ulrun mahtoi, ilro eyam toko jo kawin atawa jo kangawin, tapi ilro manjadi kolro kawan malaikat nuk surga. ²⁶ Mangana ulrun-ulrun jo kana kokat, eyam ihko mambasa suang kitab Musa, pas bagian mangana semak belukar, bokolro Hatalla bapander umba'e, Aku iyonoh Hatalla Abraham, mba Hatalla Ishak, mba Hatalla Yakub? ²⁷ Io bohkon Hatalla ulrun mahtoi, tapi Hatalla ulrun jo bolrum. Ihko bujur-bujur sasat !" ²⁸ Limbas, Ico beti bara kawan ahli Taurat lromut mba mangonih badebat. Metuh io napayah hawi Yesus jadi mutah ilro dengan baik, mahka iyo bakisok umba Yesus, "Paritah jo moh jo paling penting bara uras'e?" ²⁹ Yesus mutah, "Hukum jo paling holru iyo noh: 'ngonih, hai ulrun-ulrun Israel ! Tuhan Hatalla ihko io noh ico-ico'e Tuhan. ³⁰ Mba, kasihilah Tuhan Hatallamu dengan sagenep atoimu, mba dengan sagenep jiwamu, mba dengan sagenep pikiranmu, mba dengan sagenep kakuatanmu.’ ³¹ Mba, jo kaduo io noh: ‘kasihilah sasamamu kolro aropmu bongoi.’ Eyam toko hukum jo labih hajo bara ihi." ³² Limbas, ahli Taurat jijo bapander umba Yesus, "Ihko bujur, Guru. Ihko bujur dengan mander hawi Io jijo ico, mba eyam toko jo bohkon salain Io. ³³ Mba, mangasih Iyo dengan sagenep ahtoi, mba dengan sagenep pengertian, mba dengan sagenep kekuatan, serta mangasih sasama kolro arop bongoi, memang labih penting bara kurban bakaran mba persembahan." ³⁴ Limbas, mehtu Yesus napayah bahwa ulrun jijo mutah dengan bijaksana, Iyo bapander umba'e, "Ihko eyam mahcu bara Karajaan Hatalla." Sajadi jijo, eyam toko hino ulrun jo bahanyi bakisok umba Yesus. ³⁵ Mba, sambil mangajar nuk Bait Hatalla, Yesus bapander, "bakolro tou ahli-ahli Taurat bapander hawi Kristus ionoh Anak Daud? ³⁶ Daud bongoi bapander nuk suang Roh Kudus, 'Tuhan bapander umba Tuanku: Tuot nuk kasilra katou-Ku, sapai Aku manikas musuh-musuh-Mu nuk penda paa-Mu.' ³⁷ Daud bongoi manyewut Kristus sebagai 'Tuhan'. Jadi, bokolro mungkin Kristus ionoh anak'e?" Mba, ulrun aro mangonih'e dengan hanjak atoi. ³⁸ Suang pangajaran-E, Yesus bapander, "babuah-buah taharep ahli-ahli Taurat jo hobi nyalran-nyalran mahapa jubah hombu mba hobi narima salam penghormatan nuk unuk-unuk umum, ³⁹ Mba mangina unuk tout tahormat nuk sinagoge-sinagoge mba unuk-unuk kahormatan suang perjamuan-perjamuan. ⁴⁰ Ilro jo marapas lropo-lropo kawan nalru mba sebagai dalih badoa jo hombu-hombu. Ilro ahkan manarima hukuman jo labih bahat." ⁴¹ Limbas, Yesus tout bataharep dengan kohtak persembahan mba naliti ulrun-ulrun jo patame duit nuk suang kohtak persembahan jijo. Aro ulrun tato jo patame suang jumlah hajo. ⁴² Limbas, ico beti balru miskin lromut mba patame duo keping duit logam, jo sanilai dengan ico sen. ⁴³ Umot jo, Yesus manaah murid-murid-E mba bapander umba ilro, "Aku mander jo sabujur'e umba ko, balru miskin ihi jadi patame labih aro nuk suang kohtak persembahan jijo bara uras ulrun bohkon'e. ⁴⁴ Hawi, ilro uras manonga bara kelimpahan ilro, tapi balru miskin ihi, manonga bara unuk kemiskinan'e, manonga uras jo io tepun, yo jo uras nafkah'e.