¹ lalu, kata Yesus ka sia, ‘’ Aku madahan yang sabonarnya ka hunit, ada bararopa orang tongahan badiri disini nya antah suba mati sampai siak manian’t karajaan Allah datang dengan kuasa’’ Yesus Agan Musa dan Elia ² lalu, pas enam hari, Yesus mambawa Petrus, Yakobus, dan Yohanes, lalu mambawa sia mangungsi ka gunung tingi. Lalu Yesus maubah rupa dihadap’an siak. ³ dan pakaian-Nya  jadi torang dan maha putih. Entah ada tukang pamutih kain di dunia suba mamutihan uba inyan. ⁴ lalu, mancungul dihadapan siak, Elia sasama agan Musa, dan siak’an tongahan bapanir agan Yesus . ⁵ udahan kata Yesus ka Petrus ‘’Rabi’’ raja baik akae kami adaan di sini. Ayo kita manjawat  tiga kemah, sabuti pakai Yesus , sabuti pakai Musa, dan sabuti pakai Elia’’ ⁶ sobab, Petrus entah tahu harus manjawab apa obae siak samua gagolaan. ⁷ lalu, timullah awan malinukai siak, dan kadingaanlah ada suara yang datang dari awan inyan, ujaynya’’ inilah Anak-Ku yang terkasih dingaan tam Inya..! ⁸ Entah manah, pas siak manian’t ka kiba’ kanan, siak, entah lagi manian’t siku pan basama siak kecuali Yesus . ⁹ dan, waktu siak turun dari gunung, Yesus manyuruh siak maingatan  siak akae intah mombori tahu sopa pan apa yang jadi siak tiat, sampai Anak Mansia bangkit dari bala urang mati. ¹⁰ oleh inyan siak mamigap paniran inyan akae siak siku kaping batanya-tanya apa artinya kebangkitan dari kamatian inyan. ¹¹ lalu, siak batanya ka Yesus , maapa bala Ahli Taurat bakata obae Elia harus datang lobeh holu..? ¹² lalu, ujay Yesus ka siak, ‘’ Elia memang datang lebih holu akae maunsuan bala jolu dan uba apa agan yang tertulis mangana ai Anak manusia obae Inya harus mandarita banyak hal dan dihina? ¹³ tapi kata ku agan hunit Elia memang jadi datang aem dan siak memperlakukannya sesuai agan apa siak kahuna’ae uba yang tatulis tentang Inya. Bala Murid Ntah Ulih Malopasan Roh Jahai dari Siku Urang ¹⁴ dahan, waktu Yesus , Petrus, Yakobus dan Yohanes babalik ka murid-murid siak manian’t krumun urang banya’ di sakaliling murid-murid inyan dan bola Ahli Taurat  tongahan batongkar agan siak. ¹⁵ dan habis inyan samua karumunan urang inyan manian’t Yesus siak lalu takonyat dan balarian akae manyumat-Nya. ¹⁶ lalu, Yesus batanya ka siak, “jolu apa yang hunit padebat’an agan bala Ahli Taurat ni.? ¹⁷ salah siku dari karumunan inyan manjawab Inya.’’Guru, mambawa anakku lalaki ka duat obae inya karasuk’an roh yang manjawatnya bisu. ¹⁸ satiap kali roh inyan manguasainya, inya manghompasannya ka tanah, inya lalu jadi kasurupan buih dari nyawanya,dan mangareketan giginya, inya lalu jadi kasurupan aku minta murid-murid duan mausir roh inyan tapi entah siak.’’ ¹⁹ dan Yesus manjawab siak, ujai-Nya,’’hai generasi yang entah baiman  ! bropa manah lagi Aku harus agan kalae? Bropa manah lagi Aku harus batahan agan kolae? Baba anak inyan ka Aku!’’ ²⁰ lalu, mambawa anak inya ka Yesus , dan pas roh inyan manian’t Yesus inya langsung mangguncang-guncakan anak inyan. Anak inyan jatuh ka tanah dan taguling-guling agan nyawa mangaluaran buih. ²¹ dah inya Yesus batanya ka ompai anak inyan ‘’ dah apa manahnya hal ini dihidapnya nie? Jawabnya, ²² dan, roh inyan ropat am manikapan nya ka dalam api ka dalam aray akay mahancuran nya. Tapi amun duan ulih mausaha an nya, kasih ay kami dan tulung kami. ²³ . Kata yesus ka inya “namun kolay ulih ? apa pan mungkin akay sia yang pacay.” ²⁴ . Copat ompay ana’a inyan manangis dan manaroh, aku pacaya ! “tula tam katidak pacayaan ku ni !” ²⁵ Pas yesus manjat kalau banya urang datang ba karumun dengan cepat, inya mahakap roh inyan kaping bapanir ka inya, “ kolay roh bisu gan tuli, aku parintahkan kolay kaluar dari an’a ini dan jangan mamansuan nya lagi !” ²⁶ . Habis manyorah dan mongguncang-ngguncang ana’a inya dengan hebat, maka roh inya kaluar. Ana’a inya manjadi uba urang mati ongkah urang banya bakata, “inya mati !” ²⁷ Tapi, yesus mamigap tangan ana’a inya dan mamansuan nya, maka ana’a inya badiri. ²⁸ . Dan, waktu yesus mansu ka rumah, murid-murid nya batanya ka inya sacara pribadi, “ ma’apa kami ntah dapat mausir nya ?” ²⁹ . Dan, kata nya ka sia, “ jenis ini ntah ulih kaluar kacuali agan doa.” Yesus Bapanir Mangona ay Kamatian nya ³⁰ dari nuhun, Yesus agan murid-murid-Nya tula’ dan malaluai wilayah Galilea dan inya tidak hona ada urang yang tahu. ³¹ sobab Inya tongahan mangajar murid-murid-Nya dan bapanir ka siak, ‘’ Anak Mansia pacaan disorahan ka tangan mansia, dan siaan pacaan mambunuh-Nya dan habis inya dibunuh, tiga hari lopas inya Inya pacaan bangkit’’ ³² tapi murid- murid entah paham agan perkataan Inyan dan gola’ batanya ka Inya. Padebat an Mangona ay Sopa yang Paling Bosar ³³ udahan, Yesus dan murid-murid-Nya sampai ka Kapernaum, dan pas Yesus Ada didalam rumah,inya batanya ka siak, ‘’hunit’n kesahan dalam pajalatan tai? ³⁴ tapi siak’an diam obae dalam pajalatan tae siak badebat siku agan nya bukae tentang siapa yang tabosar. ³⁵ lalu, Yesus duduk dan maningkau ka dua bolas muridnya kaping bakata ka sia’an ‘’ jika salah siku urang hona nyadi yang pertama, inya harus nyadi yang terahir dari semuanya dan pasuruh akae semuanya’’. ³⁶ udahan, Yesus manguti siku babiak kocit dan malotaannya badiri di antara sia’an lalu kaping mangolu ai anak inyan, Inya bakata ka siku ³⁷ ‘’ sapa pan yang manyamut babiak kocit ubai ini dalam nama-Ku ia manyamut Aku dan sopa pan yang manyambut Aku, bukan manyamut Aku tapi inya mautus Aku. Urang yang Mausir Setan Dalam Nama Yesus ³⁸ Yohanes bakata ka Yesus ‘’ Guru’’ kami manian’t urang mausir setan-setan dalam nama-Mu dan kami mahalakainya  obae inya ntah jumpat kita ‘’ ³⁹ tapi Yesus bakata ‘’ jangan mahalakainya obae tidak ada urang yang malakuan perbuatan ajaib dalam nama-Ku  ulih saat inyan jam mahina Aku. ⁴⁰ sobab sopa yang ntah  malawan kita, ada dipihak kita. ⁴¹ Aku mamaniran yang sabonarnya ka hunit’n sopa pan yang manguyo’ae  kolae secangkir aray kolae pagikut Kristus,ntah kahilakan upahnya. Tentang Panyobat Dosa ⁴² “dan sopa pan yang ma akibatan salah siku dari bala biak kocit yang paca’an agan aku inyan manjawat dosa, lobih baik baginya ongka sabigi batu kilangan yang bosar di gantung an ka lihirnya dan inya dibuang an ka laut. ⁴³ Dan, amun longan kolay mangakibat an kolay badosa, tota tam tangan inyan. Lobih baik bagi kolay mansu ka dalam kahidupan agan longan kutul dari pada agan dua longan mansu ka naraka, kadalam api yang ntah kala buta, ⁴⁴ tompat yang hulat nya pan ntah mati dan api nya ntah buta. ⁴⁵ Dan, amun kaki kolay mangakibat an kolay badosa, tota tam kaki kolay inyan lobih baik bagi kolay kadaloam hidup agan kaki kutul dari pada agan dua kaki di buangan ka dalam naraka, ⁴⁶ tompat yang hulat nya ntah mati dan apinya ntah buta. ⁴⁷ Dan, amun mata kolay maakibat an kolay badosa, cungkit tam mata kolay inya. Lobih baik bagi kolay mansu ka karajaan allah agan sabuti mata dari pada agan dua mata di buangan ka dalam naraka. ⁴⁸ Tompat yang hulat nya ntah mati dan api nya ntah buta. ⁴⁹ Sobab, satiap urang paca’an digarap ay agan api. ⁵⁰ Garam inyan baik, tapi amun garam inyan kahilangan an mansin nya, uba kolay hona manjawat nya mansin lagi ? Miliki tam garam didalam diri kolay siku dan badamai tam siku agan inya bukay.”